أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

كل التقييمات لمطعم فات برجر Fat Burger

عشق جديد
نوف.أ قبل 5 سنوات و 9 شهور
عن مطعم
زرت فرع الرياض غاليري
البرقر عنده هي
فات برجر ، دبل فات برجر "شريحتين لحم" ، تربل فات برجر "ثلاث شرائح لحم"
طلبت الفات برجر انا وثلاثه من اهلي
والكل اجمع انها كانت لذيييييذه بشكل مو طبيعي

شغلة اعجبتني هي الاحجام عندهم
يعني حجم البرجر كان مثالي ومره كفايه
حجم الكولا بالضبط مثل مااحب مو عملاق مثل هرفي وماكدونالدز
كمية الفرايز كانت مرره كافيه "كانوا كريمين فالفرايز"

الويترز واحد منهم كان مررره بشوش يمزح ويضحك ومبتسم يفتح النفس

الأسعار كانت 33 للوجبه الوحده
مشكلته مشببببببع وثقيل ع المعده

بعد هالتجربه انا من عشاق فات برجر
بعد ماكنت شوي متقززه منه بسبب اسمه "فات برجر"

يستحق التجربه.
0 تعليق | هل ترى أن هذا التقييم مفيد؟      نعم



فرع التخصصي بالرياض رائع
ahmadJowana قبل 5 سنوات و 10 شهور
فرع التخصصي بالرياض رائع
0 تعليق | هل ترى أن هذا التقييم مفيد؟      نعم



👎
Ali704 قبل 5 سنوات و 10 شهور
زرت فرع الخبر. المطعم شكله مستهلك واللحم ماله طعم
0 تعليق | هل ترى أن هذا التقييم مفيد؟      نعم



مطعم للتجربة مره واحدة فقط
Mansi قبل 6 سنوات و 4 شهور
ديكور المطعم عادي
الجلسات جدا عادية
البرجر تجي طبقات ما في احجام
الطعم عادي جدا ولا افكر بالعوده له
ما اتذكر كيف السعر
0 تعليق | هل ترى أن هذا التقييم مفيد؟      نعم



دبل في الاسعار
جــولي.. قبل 6 سنوات و 6 شهور
عضوان اثنان وجدا هذا التقييم مفيد
زيارتي كانت له امس وقت العشاء .. فرع الرياض التخصصي .. كان دخولنا له ع الساعه ٩ المساء دخلنا واخترنا الطاوله قسم العائلات كان شبه فاضي لان الوقت بدري الطاولات كانت نظيفه الديكور عادي ناعم الجلسات خصوصيتها حلوه بعدها حددنا الطلب كنا ثلاث اشخاص .. طلبنا كان اثنين برجر دجاج مشوي وواحد فات برجر لحم دبل وواحد سلطه سيزر وثلاثه بطاطس وثلاثه كولا .. الغريب بالموضوع ماعندهم نطام وجبات كل قطه لوحدها بالطلب فيه استغلال لحصد قدر اكبر من الفلوس .. السلطه جت بسرعه وكانت حلوه زي اي سيزر لذه حلوه لكن مو شي مميز .. جت الوجبات كان التقديم عادي ومااعجبني بصراحه كل صحن فيه برجر بدون اي جماليه بالموضوع .. طعم برجر الدجاج كان حلو مره مره ومتقن وشويه حلو ورائع لكن صغيره مررره واللحم بعد كان جميل وجيد ع ذوق اختي اللي ذاقته .. بس السعر مايستاهل بصراحه وش هذا برجر لوحده ب٢٣ احس مبالغ فيه مره دبل اي مطعم فاست فود ثاني .. البطاطس انا حبيته بشكل .. مرره يقرمش وحلو مررره .. الحساب كان ١٦٠ ريال انا اشوفه كثير ع ثلاث وجبات وسلطه سيزر بصراحه مبالغه .. واللي ماحبيته بالمطعم الكاسات تبع المشروبب والصحون بلاستيك ليش كذا احس الموضوع فيه توفير ع غلا اسعارهم يعني ماتقدرون توفرون صين ابيض انظف واجمل في التقديم .. كولا بكاس بلاستك بس مقوى ماقدرت اشربه.. 😓 اخيرا المطعم متوسط واسعاره مرررره غاليه ع غير سنع
0 تعليق | هل ترى أن هذا التقييم مفيد؟      نعم



ضعيف جدا مقارنة بفرع الرياض
yasser2012 قبل 6 سنوات و 9 شهور
عضو واحد وجد هذا التقييم مفيد
ارجو المﻻحظة .. من ناحية الخدمة هناك اختﻻف كبير جدا جداً جداً بين فات برقر الرياض وفات برقر الخبر .
من ناحية جودة اﻻكل فهي جيدة ..
انصح بأخذ الطلب تيك اوي ﻻن الجلسات سييئة جدا وغير مريحة .
0 تعليق | هل ترى أن هذا التقييم مفيد؟      نعم



لتر زيت في كل وجبه
nasore قبل 6 سنوات و 10 شهور
ما اقدر اتكلم عن شي غير ان الزيت افسد كل شي بالمطعم ولكن الجلسات جميلة
0 تعليق | هل ترى أن هذا التقييم مفيد؟      نعم



ممتاز
reem84 قبل 7 سنوات
برجر لحم خطير طري وجوسي ومافي مثله بالرياض
0 تعليق | هل ترى أن هذا التقييم مفيد؟      نعم



تطلع بدون جلطة من الشحوم = كتب لك عمر جديد ،، والأسعار مرتفعة بشكل مبالغ فيه
عمر15 قبل 7 سنوات و 3 شهور
*الطعام:
كطعم البرقر جيد، لكنه ثقيييل عالمعدة وكله زيوت.

*الأسعار:
غالي جداً ما يسوى مقارنة بالطعم.
0 تعليق | هل ترى أن هذا التقييم مفيد؟      نعم



برجر لذيذ
Abdulaziz Mansour قبل 7 سنوات و 5 شهور
انا دايما اخذ دبل فات برجر مع فات فرايز والطعم لذيذ في كل مرة
0 تعليق | هل ترى أن هذا التقييم مفيد؟      نعم



باختصار انحش
The Taster قبل 7 سنوات و 6 شهور
عضو واحد وجد هذا التقييم مفيد
مطعم مختص بالبرقر والبرقر اسؤا برقر جربته
حتى ماكدونالدز افضل منه
زيت زيت زيت ينقط في كل مكان
1 تعليق | هل ترى أن هذا التقييم مفيد؟      نعم



لذيذ، لكن كمية صغير x سعر مرتفع
Osama203 قبل 7 سنوات و 6 شهور
عضوان اثنان وجدا هذا التقييم مفيد
جربته قبل يومين في الظهران مول، الأسعار غير مكتوبة في المنيو ولازم تسأل عن كل شي لأن كل شي بسعره، المهم طلبت وجبة فات برجر سنقل مع بيكن ، فات بطاطس وبيبسي = 40 ريال، تفاجأت بحجم البرجر اللي يعتبر صغير اذا قارنته بفدركرز المماثل في السعر، البرجر والبطاطس لذيذين لكن لاأعتقد سأدفع فيهم 40 ريال مرة اخرى، خاصة وانها غير مشبعة غير انهم يضعون مارتديلا في البرجر على اساس انه بيكن!!
3 تعليقات | هل ترى أن هذا التقييم مفيد؟      نعم



المطعم غالي و هو عبارة عن أسم لا أكثر و لا أقل ( المطعم ممتاز لأصحاب الماركات و الشعارات الزائفة )
Abdullah Aljaser قبل 7 سنوات و 6 شهور
عضو واحد وجد هذا التقييم مفيد
لا أنصح بزيارة المطعم حيث أني دخلت عليهم ليلة البارحة لتجربته و لكني صدمت من أسعار الوجبات
الغير مدروسة و التي يفوح منها رائحة الجشع و حسيت أني بطلب أكل من مجموعة حرامية لا أكثر
و لا أقل فخرجت فورآ بعد معاينة الأسعار و مكونات الوجبة و كانت النتيجة أن أسعارهم غير مناسبة
فالبحث عن البديل الوطني كبرجر إيزرر مثلآ أفضل و دعم للصناعة الوطنية بنفس الوقت فقررت الذهاب
لبرجر إيزرر و دفعت ربع ما كنت سأدفعه لفات برجر و باقي المبلغ وفرته بجيبي بدال ما تروح لعصابة
الفات برجر .
0 تعليق | هل ترى أن هذا التقييم مفيد؟      نعم



جيد
PILOT قبل 7 سنوات و 9 شهور
الطعم ممتاز ولكن بالحظ مره يكون لذيذ ومره سي علي حسب الحظ والموقع ممتاز و الجلسات مناسبه
0 تعليق | هل ترى أن هذا التقييم مفيد؟      نعم



حلوو بس
Sara.FS قبل 7 سنوات و 10 شهور
فات برجر الموجود في الرياض أعتبره أفضل !
3 تعليقات | هل ترى أن هذا التقييم مفيد؟      نعم



وداعا
العنقاء قبل 7 سنوات و 11 شهر
عضوان اثنان وجدا هذا التقييم مفيد
الزيت ينقط بشكل عجيب من البرجر والاسعار جدا مرتفعة

وجبات الاطفال بكل المطاعم تقريبا 10 الى 12 ريال وعندهم ب 20 ريال

البرجر اسعاره جدا مرتفعة مقارنة بجودته

لا عوده بالقريب ولا البعيد
0 تعليق | هل ترى أن هذا التقييم مفيد؟      نعم



سيء
Najool قبل 7 سنوات و 11 شهر
مخيييييس الله يكرم النعمه
اللحم مشوي و تحس انه مضغووووووووط لين طلعت منه كل السوائل و صار قاسي جداً
الأسعار غااااالي بالنسبة للوجبات
0 تعليق | هل ترى أن هذا التقييم مفيد؟      نعم



٨ من ١٠ جيد جدا
Aloyaidi قبل 8 سنوات و شهر
أسعاره مقارنة بنفس الفئة من هذه المطاعم يعتبر غالي نوعا ما
سلسلة معروفه جدا ومذاق البورجر رائع
لكن يفتقدون للوجبات كل طلب لوحده
0 تعليق | هل ترى أن هذا التقييم مفيد؟      نعم



مقبول نوعا ما
Bu_Reema قبل 8 سنوات و شهرين
صراحة المطعم ممتاز ولكن مقارنة بالسعر اجده مبالغ قليلا ..
ليس من المطاعم التي سأحرص على زيارتها في الوقت القريب
0 تعليق | هل ترى أن هذا التقييم مفيد؟      نعم



لن اكررها
Aludhaib قبل 8 سنوات و شهرين
عضو واحد وجد هذا التقييم مفيد
المطعم بالنسبه كان لي كان دون المستوى ولم يكن حسب التوصيات من الزملاء، الاسعار من وجهة نظري بالنسبه لكمية الاكل مرتفعه نوعاً ما . كمية الزيت في البرجر تكاد تكون لتر كامل .
لن اكرر زيارة المطعم مرة اخرى
0 تعليق | هل ترى أن هذا التقييم مفيد؟      نعم



جربته بالبحرين
AZ85 قبل 8 سنوات و شهرين
المطعم من اسمه كله دهن بشكل خرافي

الدهن يشرشر من المناديل حتى لو غيرت المنديل عشرين مرة

الطعم كويس والبطاطس لين يفتقد للقرمشة

بشكل عام

5 من 10
0 تعليق | هل ترى أن هذا التقييم مفيد؟      نعم



فات برجر
Hussain Almousa_e0b606bf89f82bb8d8e2be قبل 8 سنوات و شهرين
لا يقاوم لذيذ جداً ماتقدر تستحمل التشكن رابس
0 تعليق | هل ترى أن هذا التقييم مفيد؟      نعم



لا بأس به
Abdulrahman Asfar_e7b671ef7aece6fbb94f9c قبل 8 سنوات و شهرين
البرجر يعتبر جيد جدا
الاسعار معقوله
والخدمه جيده

٣ ونص من خمسة
0 تعليق | هل ترى أن هذا التقييم مفيد؟      نعم



لم يعجبني
alalkmi قبل 8 سنوات و شهرين
اذا قارنته بفات برجر الامارات

لحمة البرجر مليانه دهن

فات بطاطس ماكان لذيذ وطري بزيادة

المكان الخاص بالعوائل توزيع الطاولات حلو


الخدمة جيدة
0 تعليق | هل ترى أن هذا التقييم مفيد؟      نعم



طعم عادي و سعر غالي
Tiamo2079 قبل 8 سنوات و شهرين
فرع الخبر فتح جديد عندنا و رحنا قسم العائلات و لم نجد فواصل للخصوصية و طلبنا ساندويشتين همبرغر ب ٦٥ ريال تقريبا
حتى الجبنة بمبلغ إضافي ٣ ريال
لا أنصح به
٣ من ١٠
0 تعليق | هل ترى أن هذا التقييم مفيد؟      نعم



برجر رائع ولذيذ سعر مبالغ فيه
Mutama01 قبل 8 سنوات و 3 شهور
مع جودته ونظافته بس مقارنه بمطاعم الفاست فود سعره يصل للضعف
0 تعليق | هل ترى أن هذا التقييم مفيد؟      نعم



لا يستحق التجربة أبدا
Salaah3000 قبل 8 سنوات و 4 شهور
رحت للفرع اللي بالتخصصي كنت جدا متحمممس

عشاني سمعت عنه الكثثييير ...

لكن للآسف البرجرر حقه مافيه أي طعم مميز ....

لما تاكلها بدون طعم وربي فقط طعم الجبن اللي تحسه !!!

رفعت صوره كتبت فيها التفاصيل تقدرون تشوفوها D:

لا انصح بتجربة البيف برجر حاول تجرب شي ثاني يمكن احلى ×_×
0 تعليق | هل ترى أن هذا التقييم مفيد؟      نعم



برجر أمريكي لذيذ جدا
Omar.sa قبل 8 سنوات و 5 شهور
المطعم قائمته بسيطة ومركز على البرجر وإضافاتها فقط.

أعجبني البرجر جداً ، خصوصاً مع إضافة شريحة بيض وبيكون بقري.
0 تعليق | هل ترى أن هذا التقييم مفيد؟      نعم



يعني
الجوهرة ش قبل 8 سنوات و 6 شهور
عضو واحد وجد هذا التقييم مفيد
لا بأس به , البرجر عادي والتكساس فرايز أيضاً و الخدمة سريعة لكن زحمة وجلساته جدا عادية .
0 تعليق | هل ترى أن هذا التقييم مفيد؟      نعم



تجربة فرع ستي سنتر البحرين
formaher قبل 8 سنوات و 9 شهور
عضو واحد وجد هذا التقييم مفيد
للأسف لم يكن المطم بقدر التوقعات

المنيو محدود جدًا و يمكن البعض يعتبرها ميزة

الطعم للأسف جدًا جدًا عادي و يقارن مع برجر كنج و ماكدونالدز فقط مع سعر مرتفع

للأسف لا يوجد تنوع في الصوصات مجرد كاتشب و مايونيز

الشي الوحيد إللي عجبني هو حلقات البصل
0 تعليق | هل ترى أن هذا التقييم مفيد؟      نعم



خابر ستايله فاست فود تشين عادي
AbduLs قبل 8 سنوات و 10 شهور
بس صاير كشخه بفرع الرياض ... :)
0 تعليق | هل ترى أن هذا التقييم مفيد؟      نعم



افضل مطاعم البرجر
ابو ضاري قبل 8 سنوات و 11 شهر
المطعم ممتاز جدا من كل النواحي : الطعم ، النظافة ، طريقة التقديم ، والسعر .
بس في عندي ملاحظتين عليه : الخدمة بطيئة نوعا ما ، وتصميم المكان يحتاج لهم اعادة نظر في هالنقطتين
0 تعليق | هل ترى أن هذا التقييم مفيد؟      نعم



أفضل برجر في الرياض في رأيي
Azzzam قبل 9 سنوات
طلبت الدبل مع زيادة جبنة وكان رهييب .. الحقيقة السعر قد يكون مرتفع شوي لكن مطاعم البرجر المختارة مأخراً اسعارها مرتفعة
0 تعليق | هل ترى أن هذا التقييم مفيد؟      نعم



ماخذ سمعه اكبر من حجمه
حاتم بن خالد قبل 9 سنوات
عضوان اثنان وجدا هذا التقييم مفيد
المطعم فيه ازعاج غير طبيعي بسبب وجود مطبخه في الوسط
الانتظار جدا طويل وفيه تفويت لبعض الناس
السواتر غير جيده
الاسعار تعتبر مرتفعه بالنسبه للطبق المقدم
القائمة جدا فقيره وخيرات قليله لا يوجد وجبه للطفل ولا عصير له
الخدمة كانت ممتازه للمقدمين الطلب واخلاقهم جدا عاليه
الوجبه طيبه واللحم نضجه طيب
الحمامات نظيفه
هذا ما عاشته في المطعم ارجوا ان يستفيد الجميع
0 تعليق | هل ترى أن هذا التقييم مفيد؟      نعم



عادي جدا
haitham قبل 9 سنوات و شهر
عضوان اثنان وجدا هذا التقييم مفيد
المطعم عادي جدا، اختياراته قليل
الطعم ممتاز
الخدمة بطيئة لكن مقبولة
0 تعليق | هل ترى أن هذا التقييم مفيد؟      نعم



قريب بالرياض
hamad88 قبل 9 سنوات و 8 شهور
عضو واحد وجد هذا التقييم مفيد
المطعم جربته بامريكا ودبي فيه فرق بس مو الكبير

وقبل فترة لاقي له فرع قريب الافتتاح في الرياض مقابل فدركرز التخصصي
0 تعليق | هل ترى أن هذا التقييم مفيد؟      نعم



في كندا
23 naif قبل 11 سنة
المطعم هذا يسوي احسن همبرغر ذقته في حياتي لكن في كندا بس ما ادري عن جودته في دبي
ان شاء الله يكون عند المستوى المطلوب
0 تعليق | هل ترى أن هذا التقييم مفيد؟      نعم