افضل مطعم عصائر في الرياض
شاورمتهم ممتازة تعتبر من افضل شاورما في الرياض لكن ليست الأفضل
مطعم جدا ممتاز يكفي انك تجي لأي فرع ما تحصل لك موقف من الزحمة ما شاء الله
نظافتهم ١٠/١٠
بس من الزحمة يتأخر الطلب
عيبه انك تطلب من الكاشير مثلاً شاورما و عصير و فطاير
لازم تروح الله لا يهينك تسلم فاتورة الشاورما لمكان الشاورما
والعصير لمكان العصير و هكذا
يعني تمغط علشان تسلم الفواتير في مكانها وبعدها تروح تمغط ثاني علشان تستلم الطلبات

الجودة متوسطة بس مميز في النظافة

والله العصير اللي عندهم حلو خاصة الفراولة

مطعم رهيب. جدا نظيف ولطيف ولذيذ

فنان

رهيب رووووعه مره احلا شي بالعصيرات عصير تفاح وانا كل يوم اطلب شاورما لذيذه

رهيب والله اني كليوم الشتهيه روعه وأكثر من روعه

جربوة حلوة

يممي راُإئع

ماجربت الا شاورمتهم و ما عجبتن تقوطر مايونيز

احلى حتى من شاورمر و المقصود

الذ مطعم شاورما رحت له والي بعده شاورمر

مطعم شاورما لذيذ جدا

بسم الله الرحمن الرحيم
انا جربت ماما نورة من زمان وكان كويس
بس الان فهو من افشل المطاعم
اكلت منه امس وماني قادر اجلس من وجع بطني
هذه تجربتي مع هذا المطعم وشكرا

كانت العصيرات طازجة والآن اصبحت لا اثق الا في عصير البرتقال والجريب فروت ومع ذلك اصبحت اشك لأني كنت اشوفهم اول وهم يعصرون ( اتكلم عن الفرع بجنب بيت الحاشي ) المهم هم الآن يصب العصير مباشرة في الكاس جاهز ما يمديك تشوفه يعصرون

ماما نورة من افضل مطاعم الرياض

يعجبني عندهم العصيرات الطازجة .. وكذلك الفطاير من الفرن روعة .. والشاورما طيبة بعد ... والحمص كمان حلو وكميته راهية للسفري.


المشاوي والفلافل .. عادية .. ما يعجبني شغلهم فيها

صحيح عندهم زحمة لكن الطلب ما يتأخر الخدمة سريعة عندهم

... يعيبهم رفع الاسعار ..

كل مره اطلب شاروما تطلع مو مستويه و مليييئه بالعظم

كل مره اطلب شاروما تكون غير مستويه وملييئه بالعظام $:

سمعت عنه كثيير و ان بجده و لما جربته ... عااااااادي و مبالغين فيه...
الشاورما نااااااااشفه و ماها طعم و زحمه على الفاضي

مطعم حلو .. اشتهر بالشاورما لكن للاسف انا ما اكلها.
الكباب عندهم حلو و الافطار و العصائر و اهم شي ورق العنب رغم انه قليل حشوه بس يعجبني و اخيرا احب اذكر بشغله يمكن تكون ميزت هالمطعم شوي :انه يتأخر في الاغلاق فتشوف الناس متكدسين عليه.

السندويشات رائعة بس يعيبه الزحمة

السلام عليكم

قمت بتجربة المدعى ماما نوره

الشاورما حقتهم مايونييييييز مايونيييييز... بالفعل مايونيز ! المفروض اروح للكاشير واقول له حاطين دجاج انتوا ولا وش السالفه

والبطاطس بعد .... اذا تحب هالشيئين روح لماما نووره ... فعلا من واقع تجربه .......

ما زلت معجبة بماما نوره خصوصا الشاورما عندهم سواء ً اللحم(أفضل محل) أو الدجاج
عموما كل شي في المحل ممتااااااز ولكن ألاحظ مؤخرا ً مستواهم بدى ينحدر خصوصا شاورما الدجاج
يا ليت يرجعون زي أول وأفضل

مرره عادي ماادري على ايش مكبرينه شاورمته عااديه دايما زحمه العامل غير نيف ويطيح النعمه في الارض

ماما نورة كان هو اسم الشورمى اذ احد اشتهى شورمى لاكن للاسف الحين

اكتسبو عدة سلبيات
رفعو الاسعار مع تقليل الكميات

شورمتهم خبز وبطاطس والدجاج تلميس ريحة مندون طعم

زحمة والطلب ياصل بارد

الحمص والمتبل ياخذ وقت اكثر من تصليح الشورمى

البرستد دجاج وفوقة بقسماط وطحين تسكيتة

واهم شي خبزمهم يابس


اتمنى يرجع ماما نورة الي نذكرة

مطعم شحططه ومذله كآنك تشحت منهم للآسف الاتراك بتكبرون هلينا حتى لو كانوا شغالين عندنا والجلسه كآنك في مقصف مدرسه مو جو اكل في المطعم ابدا ولو تاخذ الاكل للبيت تجد الشاورما والمعجنات ناشفه وتجرح اللثه.

ماراح تحصلون أفضل من شاورما ماما نورة والي عنده مطعم يقول أن الشاورما حقته أفضل من ماما نورة يقولنا

بالنسبه لشاورما ماما نورة مرة تغيرت صارت الخبزة كلها بطاطس ومايونيز مافيها الانتفة دجاج ؟

يا سلام لما تمر على ماما نورة على الصبحية وتصك لك بساندويتش أو اثنين مع عصير برتقال طازج ولا أحلى.

ميزتهم الطعم مميز والنظافة في المطعم حقيقة

ماما نوره اخذ سمعه بزياده
شاورما حقتهم ناشفه وخيال دجاج صراحه @@ وعصيراتهم كمان مو ذاك الزود
ماحبيته بالمره

المطعم في الصباح لا يعلى عليه من ناحية وجبات الإفطار
في المساء يكاد الشخص أن يختنق . لكن ما يميزه هي الشاورما والعصير فقط

طلبت حمص مع شاورما دجاج
ولم استطع النوم من الالم وذهبت الى الاسعاف بسببه
عموما المطعم له سوابق مع زملاء لي ولم اصدق الا بعد اصابتي .

الاكل اللي عندهم جربته ، تقريباً كله اشوفه عادي جداً واشوف المنافسين مثل الفخار وماريز افضل منه .

أحلى فرع هو اللي جنب مدينة الملك فهد الطبية .. الواحد يخلص مشي في الممشى اللي هناك وبعدها يدخل يرجع كل السعرات الحرارية اللي فقدها خلال المشي :d

يندرج مطعم ماما نورة تحت التصنيف الذي ابتكرته باسم (كان زمان) حيث أن المطعم قد كان زمان يتميز بطعم رائع و خصوصا بالشاورما و ثانيا بالعصيرات و اخيرا بالحمص و المشاوي و لكن الزحمة كانت منذ الابد و لاتتغير , كما أن المعاملة الجافة و لا أقول السيئة لربما لاننا تربينا على هذه المعاملة منذ أن بدء ولم يتحسنوا و لم تصبح أسواء

أما الان فطعم كل مأكولاته بلا مبالغة سيئة جدا و ناهيك عن الزحمة و سبب الشهرة و الزحمة أن كثيرا من الناس فعلا لا تعرف طعم فمها و لكن يهمها كلام الناس

كان زمان ياماما نورا

ماما نورة = شاورما (لحم ودجاج ) .

أفضل مطعم مُمكن تتذوق فيه الشاورما على أصولها .

بالنسبة لي , لم أذكر بأني جلست أنتظر أكثر من 10 دقائق!!!

دائماً سريعين في تقديم طلباتهم !

مطعم جميل يعيبة الازدحام و تأخر الطلبات...

مطاعم ماما نوره في الوقت الحالي بصراحه ( سمعة فقط ) لكن كجوده أكل واسعار .. ( ماحولك احد )

غير الزحمه اللي ما ادري على وش ..

يعني لو فرضنا ان الاكل جيد .. الشاورما اللي كانت السبب بشهرتهم بشكل عام .. من مستوى متدني لأدنى .. لا شكل ولا مضمون .. سعر غالي + حجم صغير جدا تاكلها بلقمتين + احيانا الطعم فيه بلا ..

شخصيا من زمان مبطل اكل عندهم ..

المطعم اسم فقط ولكن مستواه متدني

مره لقيت قطعة حديده في الشاورما وغقبها حرمت اخذ منه

المطعم من المطاعم اللي اصنّفها بأنها حليوة . .
يعني موب خيال، ولا عاديّه . .
بينهم،

تفيدك في حال كنت تبي بسرعة ولا تحتاج جلسة هادية ورايقة ( لان جو المطعم ضوضائي بشكل كبير جداً ومزعج ) . .

أفضـّله في الفطور أكثر من العشاء + إذا كنت طالع من إختبار ورايق

ما أذكر إني خرجت عن الشاورما، الحمص، لبنة بالزيتون، جبنة بالزعتر . .
: )

اكثر المطاعم بدئت بالانحدار من ناحية الطعم ومنها ماما نورة فقد كان مميز بعصير الكوكتيل مع البرتقال بالاضافة للشاورما وسندوتش الكباب

الزحام سيء جدا
الطعم صار عادي ولا يوجد مايميزه
قاموا رفع اسعارهم

المطعم فاشل للأسباب التالية:
1- زحمة
2- سوء خدمة حيث انك تاخذ قطع الفواتير (بعد الطقاق) ثم تبدأ توزع الفواتير على اقسام المطعم. هذا يسبب صعوبه خاصة اذا كان طلبات عند اكثر من قسم.
3- الكباب والشيش طاووق من اسؤا ما اكلت في حياتي.
4- رغم كل هذه العيبوب فقد تسممت تسمم شديد اجبرني على مراجعة 3 مستشفيات (الجافل, مستشفى الامير سلمان, مستشفى رعاية الرياض) وانتهى الحال بالتنويم والمغذي. الحالة استمرت معي لايام. وقبل ذلك بفتره تسمم اخوي بسب فلافلهم!

ماما نورة من أجمل المطاعم للوجبات السريعة والعصيرات لكن عيبه الزحمة الزايده عليه ..

أجمل ماعنده الشاورما والبروستد والمشويات بأنواعها والعصيرات ايضاً مميزة لديه

يستاهل تقيم

لا يكاد يختلف اثنان على أن "ماما نورة" هو من معالم الرياض البارزة. يقدم المطعم المتعارف عليه في المطاعم اللبنانبة (هل هي لبنانية فعلاً!؟): مشاوي, فطاير, عصيرات, والكثير الكثير من الشاورما.

مشكلة المطعم هو أن أي زيارة بعد صلاة العشاء لا يمكن أن تأخذ أقل من ربع ساعة نظراً لازدحام المحل. لذلك قد تكون فترة المغرب هي أفضل فترات العشاء لزيارة ماما نورة اذا كنت تفضل تفادي الزحام.

من مطاعمي المفضلة حقيقةً..