انا البارح صارلي موقف بمطعم تاكسي فرع حي الرائد اللي بمجمع ركا بالرياض, طلبت تاكسي برجر المهم يوم جا الطلب وبديت اكل قسم بالله ياجماعه فيه طعم مبيد حشرات, المهم قمت للمصري الكاشير وقلتله بالسالفه واخذ البرجر وانا جالس اتفاهم معاه جو كمان ناس كانوا يتعشون وطلعت معاهم نفس المشكله المهم المصري جالس يحاول ينهي معي الموضوع ويقول ان الماكينة حقت اللحم كانت بالصيانه واللي فيها بقايا زيت المهم قلتله طيب اللي فرم اللحم ماشم ريحة الزيت المهم جلس يحاول بسياسة انه ينهي الموضوع والمشكلة قبل 4 شهور دبوس وقسم بالله في الوجبة وربكم ستر ولا كان تاكل من هنا ويطلع الأكل من هنا وانتبه صاحبي للدبوس وسحبه وراح عمل معاهم مشكلة وقال توبة من المطعم هذا, المهم ياجماعة انا اشتكيتهم امس على الأمانة على طول دقيت وعلمتهم بالمشكلة وانا ماراح اسكت لأنها مو بأول مرة تصير واللي رفع ضغطي الفلبيني شايفني معصب وانا طالع ويقولي ثانكيو فور فيزيت تاكسي. ودك تعطيه بنية على خشمه الصغير
المهم ان المطعم هذا قسم بالله ان اللي جالسين يشتغلون فيه خايسين واتمنى من البلدية زيارة المطعم والتأكد نظافة الأكل والأدوات , بكرة يمكن تصير مع اخوك ولا ولدك ولا معك ولا اي انسان ويجلس المصري يتفلسف عليك وتيتي تيتي مثل مارحتي جيتي.
وجبات تاكسي حلو مع ان اول تجربة معاه كانت سيئة عبارة عن دجاج وخس وجامعهم السنادوتش .. حتى مافيه قطعة طماطه والا جبنة مثل الصورة
لكن وجبات البرجر الم ورهيب وطعم والمني يجنن بس مايشبع طبعاً ..البطاطس ماعجبني مره يجي
تمام ومرات ذبلان ومافيه حياة ..
مشكلتهم وجباتهم اسعارها نار وماتفرق عن برجر كنج وهرفي بصراحة ليه هالضربه اجل وجبة بـ 25 ريال .. ليه ياخي .!!
افضل برجر لحم تذوقته بحياته ! كلاسيك باربكيو انصح الجميع بتجربته طبعا البطاطس سيء و لا عجبني ابدا لاكن طعم البرجر مغطي على كل العيوب و مطعم يستاهل التجربة
اعطيه جيد جدا.
الوجبات كثيرة وهذا شي حلو والطعم ممتاز , بس طريقتهم فلبطاطس ما اعجبتني.
مرتب , نظيف , ويعجبني فيه ديكورة واعطيه ممتاز من ذي الناحية .
السلبيات يطول فطلب وفي فرع احمد بن حمبل قد جيته الظهر ماكان يشتغل الا ثنين الكاشير واللي يطبخ حتى البوفيات احيان يكون فيه 3 او 4.
انشر هذا المطعم في الفيس بوك
0 تعليق
