عالم البهارات

اكله متوسط وجلساته ضيقه لكن يستاهل التجربه

مطعم جميل صراحه واكله حلو

برياني روبيان ، تكا ماسالا

سعر واصناف كلها ع بعضها منااااااسبه جداً

الاماكن زحمه وتحس اللي بجنبك يسمع سوالفك هذا اذا سمعتو بعض انت وصاحبك من الإزعاج
أنا ماجربت الأكل بس جلست انتظر المنيو وماقدرت أتحمل الازعاج والضيق

من أفضضضضضل المطااااعم في الرياض بصراحه رووووعه قليل بحقه جميع الأصناف طعمه روووعه ونظيف

جربت كثير من المطاعم الهندية بالرياض وللأمانه مثل عالم البهارات ما وجدت
أبرز ما يعجبني عندهم :
- الشوربات: شاودر ، دجاج كريمه ، دجاج ذره ، حار حامض
-دجاج بالزنجبيل وإذا معه برياني ساده "إعدااام" ،، -سمك دكا "مذاق وطعم واااااو"

بالنسبه للغداء : كل يوم بوفيه مفتوح قيمة الشخص ٤٥ ريال بدون مشروب "سعر مناسب للأمانه"
وجعله بالعافيه ع الجميع

يجب علينا عند تقييم المطعم ان ناخذ الايجابيات والسلبيات خلونا نبدا بالايجابيات:
1-اسعار مناسبة نوعا ما
2-نكهة ومذاق الطعام ممتازة
3-ديكور المطعم جيد
-مطعم هادئ
سلبيات المطعم :
1- لايوجد موقف سيارات خاص بالمطعم تظطر الى الوقوف امام احد المباني المجاورة
2- الطعام بارد نوعا ما خاصة البوفية المفتوح وقت الغداء
3- الاستقبال سئ اول مرة ذهبت المطعم ماعرف وش اخذ المفروض اول ماتدخل مع الباب يرجبون
بك ويعرفونك على قائمة الطعام الموجودة عندهم بعض الاحيان الواحد يحتار مايعرف ويش ياخذ.
ملاحظة :
الغداء دائما عندهم بوفية مفتوح سعر الوجبة 48 والعصير الطازج 11 ريال .

وش اقول وش اخلي
انا رحت ٦٠ مطعم في الرياض
٨ منهم مطاعم هنديه
لكن عالم البهارات يحلق خاااارج السرب
والبوفيه حكايه ثااانيه
اتصل عليهم
ويعلمونك كل يوم ايش اطباقهم
بعضها موموجودة في المنيو فقط بوفيه
جلسات عاديه
بس انا مارحت اصور
رحت آكل
واهم شي النظافه وهو فعلا نظيف والويترز ودودين

المطعم من الخارج ماله أي بوابات كبيرة كالمعتاد مغير بابين صغار في كل شارع واحد للعزاب وواحد للعوايل

الديكور الداخلي عادي جداً لكنه مقبول

الاستقبال كان ممتاز لكن الوايتر اللي قدم لنا المينيو ماله نفس ومستعجل مرره

المينيو منوع و الأسعار غاليه شوي

الأكل طيب و ممتاز و لذيذ و أنصح بـ سمك ماسالا

ما يقدمون ضيافة قبل وصول الطلب


قد أعود له مره أخرى و أنصح به

الطلبات:
شوربة الدجاج بالكريمه 10 من 10
البرياني 8 من 10
شيش طاووق 10 من 10
سلطة خضراء 10 من 10
الخبز عادي وبالزبدة 10 من 10
دجاج كاري 8 من 10

مذاق الطعام ومميزات المطعم:
الطعم لذيذ في الجملة ومتوسط الحرارة كما طلبت
تقديم الأطباق كان كل شيء مرة وحده كما طلبت وكان التقديم جيد، والرز والشوربة تحتها شمعه
موظف الطلبات كان ممتاز
المكان: قسم العوائل
السعر 107 ريال

عيوبه :
أول ما تدخل تشم ريحة الأكل،فتعرف أنك داخل مطعم هندي، والمشكلة أنها تنشب الريحة، فلابد تشب بخور أو تغير ملابسك
الحمام ضيق
كان تعامل موظف تقديم الأكل غير ودي، فكان مخنفس وجهه ولا يبتسم

المستقبل:
إن شاء الله سأقوم بزيارته وأغير الطلبات.
أنصح بزيارته وتجربة الطعام، إن كنت ممن يحبون الأكل الهندي