بيتزا هت Pizza Hut

المحل هذا يخنقني بالزيت .. حتى أنه البيتزا تكون عايمة بالزيت .. أتذكر فيه كاتب الله يستر عليه D: كان محبط إن البيتزا الي بإيطاليا مو زي بيتزا هت .. !!!

الشي الثاني .. كآس البيبسي ب 5 ريال ليه؟؟ آخر شي أتذكره إن بيتزا هت يعتبر مطعم شعبي .. ما أعرف إذا عمل له ترقية أو لا؟.

بغض النظر عن كونه يقدم بيتزا بالزيت ... مثل ما ذكر قبلي

الا ان تعاملهم مو لذيك الاحترافية ...

فيه فرع العليا قريب حراج الكمبيوتر ( كل السيرفس سعوديين ) للأسف
قبل اسبوع نسيت جوالي عندهم
وخرجت وفي الطريق تذكرته فاتصلت عليه من جوال صديقي فاذا هو مغلق
الغريب انه انا اخر واحد طلع من المطعم الساعه12 ونص

جيتهم اليوم الثاني كلهم يقولون م ندري عنه ... وكل واحد يذبها عالثاني ...
قلت لهم من يوم شفتكم سعوديين وانا غاسل يدي

عطوني رقم المشرف ... واحد منهم قال انا المشرف
قلت له عطني رقم مشرفك أنت

ولي اسبوع ادق عليه اسمه ممدوح ولا يرد ... امحق خدمة

وراح علي الجوال ... بسبب سعودي سيرفس ... لقاها فرصة جوال قيمته راتب شهر

مره نسيت جوالي عند كافيه بلان ... رجعت لهم ولقيتهم حاطينه في ظرف وشغل مرتب ويعتذرون لي هم !!

فرق التعامل




أما بيتزا هت فمن ذاك اليوم وانا مقاطعم ....
هم وزيوتهم ... حتى اطلق شاي اخضر ما يمديه يحرق عشوة عندهم

بالرغم من حبي للبيتزا الشديد.. وبالرغم من علاقتي الشخصية مع بيتزا هت من أكثر من 18سنة, إلا أنه وللأسف في العشر سنوات الأخيرة, وهو ينحدر من سيء إلى أسوأ.
ووالله لست متحاملا, ولا متعجلاً, وإنما تجربة متكررة, فنادرا مايمر شهر طوال السنوات الماضية إلا وأخذت منه بالأقل طلب واحد, وأحياننا طلبين وثلاثة, وأكثر.
.
1- النظافة ضعيفة جدا جدا .
2- المعاملة إلى السيئة أقرب منها للعادية, فضلا عن أن تكون المعاملة المتميزة.
3- جودة المنتج أيضاً متدنية, بل هي بصراحة عادية مرة, لا تناسب الاسم العالمي.
4- طريقة العرض والدعاية فيها استغفال -وخداع- رهيب مرة خصوصا في الآونة الأخيرة.
5- ارتفاع مطرد بالاسعار, مع نزول في المستوى مريع.
6- أكثر وأغلب -ولا أقول كل- الموظفين معاملتهم خشنة جدا, وينظرون بفوقية, واستعلاء, ولو أحسنت الظن لقلت انهم يعملون بدون أي دافع, بل أشبه بالمكرهين ؟!!! .
.
.
مع هذا وذاك فقد تطورت المطاعم الأخرى, وافتتحت أيضا مطاعم متخصصة بالبيتزا, أكثر من رائعة.
وأنا أزورها باستمرار, ولولا التاريخ القديم مع بيزا هت لما فكرت أن أدخلها, ولكن كل مرة أكذب نفسي وأذهب وأصدم في كل مرة.
ووالله ما أذكر -في الاونة الأخيرة- أني دخلت هذا المطعم وخرجت منه إلا متنكدا, ولكن ههنا أعلن توبتي من أذهب إليه مرة أخرى, وكفااااااااااية خداع من هذا المطعم السيء, فقد طابت نفسي منه تماما.

رغم انو البيتزا تطلع مغطسه بالزيت لكن مقبوله ..
اما الذباب بالسلطه ذي اللي ما تنقبل .. طبعا ما قدرت اكمل الاكل وكبيته كله .. وتكرم النعمه ..
يمكن موضوع النظافة يختلف من فرع لاخر ..

بيتزا هت يختلف من فرع لفرع .. تدخل فرع تلاقي البيتزاء تجيك اوكي لذيذه ماتشبع منها والخدمه روعه وتدخل فرع ثاني تنسد نفسك تشك انك في بيتزاء هت يامحروق ياشغل بربسه والا خدمه خايسه خاصه فرع طريق الملك عبدالله وساعات زحمه وتكمل
والدلفري يجيك بارد ويابس كنه من أمس
مرره طلبنا دلفري وكان من ضمن الطلب
4 Chicken wings
المهم اشم ريحه خايسه واقول للي ياكلون جنبي المهم ونشم اجنحة الدجاج والله العظيم مخيسه تستفرغ من قوه ريحتها الله ياخذهم مدري يحسبونا موب اوادم؟ *_* قال مطعم عالمي لا وبوفيه السلطات يدودي ذبان
وبرمضان مزعجينا بورسترات وبوفيه افطار ودك تسمع به ولاتشوفه اصلن موب يمك تروح ماتحصل الا عامل ورازين لك ترمس شي مدري وش يتسمى بس على بالهم قهوه ياربي بس وبيتزتين يابسات وعالم شوي ويتضاربون من الجوع وهم في عالم ثااني صرااحه زفت

اولا اشكر القائمين على هذا الموقع المتميز
ثانيا انا عميل قديم جدا لدى بيتزاهت
وكنت مسجل لدى فرعهم لتوصيل الطلبات في طريق مكه
وافاجاء ذات يوم بطلب البيتزا المحضر لمنزلي عند فتحه واذ بصرصار صغير خرج منه
اصبت بدهششششششششششه كبيره جدا وقمت على الفور باخذ جوالي وتسجيل المقطع كامل وقمت بلاتصال وتقديم شكوى ولم يحرك ذلك ساكنا بجد كانت صدمه لي مع حبي لهذه الشركه انا وابنائي ولكن دهشنا لما رايناه قمت بلاتصال بشخص مسؤول في الاداره وافاد انه سيتخذ الاجراء اللازم و:ان لم يكن ومازال التسجيل والايميل موجود لدي بعدها بيوم افاجا الفلبيني المسؤول عن الفرع يطرق باب منزلي ويقدم لي بيتزا هديه قلت له لن اقبلها ورفضتها بعد توسله للمقطع الذي اريته اياه وقمت بمراسلة شركة بيتزا الولايات المتحده ولم اجد رد وانوي حقا ادراج المشهد في اليوتيوب لدى مختص يقوم بتنزيله ولو اعرف ان ادفع على ذلك مبلغا
الخطاء وارد ولكن الاستهانه والتجاهل هذا مالم اقبله انا او غيري

م محمد النهدي

صراحة في بدايات المطعم بالرياض كان الوضع أفضل .. ولكن في السنوات الأخير الوضع تغير وربما يكون هذا مثل ما ذكر بعض الأخوة في بعض الفروع وربما السبب في ذلك نوعية العمالة التي تعمل بالفرع .

مما لاحظته إن طعم البيتزا ليس بالمستوى المتوقع ... كما أن بعض الأطباق الجانبية ليست مطابقة لشكلها في صورتها في المنيو وأقصد تحديداً المكرونة بكرات اللحم ... فكرات اللحم التي تأتي مع المكرونة صغيرة وغامقة اللون وليست كما هي المنيو .

كلشي ممتاز


الا


خدمة التوصيل جدا متاخره

لو حابب تاكل بيتزا من بيتزا هت لاتدور عليها الا في فروع جده لانها تزبط عندهم بقية الفروع في المملكه سيئه جداً
دقتها في الدمام وفي المدينه وفي الطايف وفي مكه في مكه لا بأس والباقي مره لأ
بس في جده غير

المميزات:

+ أفضل مطعم بيتزا من ناحية تنوع الأطباق الجانبية.

+ أفضل لازانيا جربتها ، أحسن حتى من بعض المطاعم الإيطالية!

+ البيتزا جيدة و الإبداع في أطرافها (ستفد كرست ، تشدر بيرست ، إلخ) نقطة تحسب لهم.

+ ديكور المطعم أفضل و أرقى من غيره من مطاعم البيتزا.

+ أفضل ببروني على الإطلاق. يأتي محمصاً مقرمشاً لذيذاً ذو رائحة و طعم متطرفان و قويان!

العيوب:

- إلغاء التعبئة المجانية.

- يسمح بالتدخين.

- يجذب الكثير من المراهقين و المزعجين.

الخلاصة:

لا أنصح بالأكل داخل المطعم ، لأنها تجربة على الأرجح ستندم عليها. الطلب أفضل. لكن لا نية لدي أن أقترب من هذا المطعم بعد رؤيتي لصورة الصرصار داخل البيتزا مؤخراً.


\\ تحديث: أضفت آخر نقطة تحت "المميزات".