أهلا بك في موقع قيم.. للتسجيل في الموقع إضغط هنا

و لإضافة متجر (مطعم، مقهى، مخبز، حلويات) إضغط هنا

رياض كتشن أبيتيت Riyadh Kitchen Appetite

فخم ورومانسي, فرنسي
 
http://www.qaym.com/97621.jpg 20 4.0 24 يعجبهم ,6 لا يعجبهم
30

الصور

جميع الصور

التقييمات

رايق 😴

المكان جداً هادئ وجميل وهي ميزه لهالمطعم ، الاكل عادي مستواه الى جيد

0 تعليق | هل ترى أن هذا التقييم مفيد؟      نعم

تقييم محذوف

****

1 تعليق | هل ترى أن هذا التقييم مفيد؟      نعم
لا يعجبه رياض كتشن أبيتيت Riyadh Kitchen Appetite

مافيه إلا ديكوره ..

اللي يبي جو رومانسي وهادئ يروح له .. لكن الطعم الله يديم النعمة بس ..وغلا على غير سنع .. !

0 تعليق | هل ترى أن هذا التقييم مفيد؟      نعم

بدل ماتاخذ قيلوله رح تغداء بروقان ..

هذا المطعم من اجمل المطاعم ديكور وشكل وسمعه ممكن بحكم انه قديم في عده دول .. نجي لتجربتي معه بالاكل .. جيته انا الظهر ع الساعه ١ ونص تقريباً كان فاضي والطاولات بعز النظافه والطاقم كان بشوش واستقباله حلووشبعان نوم توه قايم فما احكم ع طاقمهم الظهر لانه كان فاضي واول الدوام مابعد شانت النفس .. جلساتهم البارتشن كانت ثلاث او اربعه معدوده وعند ابواب العاملين ومكتب مشرف المطعم فصايره مزعجه شوي .. من ناحيه الاكل انا جربت عندهم بطاطس بجبنه الشيدر .. ولحمم خروف مشوي كان جميل راااائع ومن افضل اللحوم في طريقه الطهي بهارات حلوه مرره .. الطلب المقلب اللي كلته انا غصب هههههه ماكرونا اسباقيتي بالصلصه الحمراء الله يكرم النعمه كنت اتغصبها والله وماقدرت اكملها كأن فيها سكر ومااستوت زين يعني مره مافهيها لذه .. جربت كذلك شوًربه الخضار البيضاء كانت حلوه لكن كميتها قليله جدا .. ويدخل المقدم ويخط لك بمملحه كبيره فلفل اسود ع الشوربه حركه حلوه وتكسر الروتين .. اقيم المطعم بشكل علم كتجربه اولى من جميع النواحي جيد جداً .. وحبيته يمكن اكرر الزياره .. ونسيت اذكر شي مهم اسعاره مبالغ فيها بالنسبه بكميه الاكل القليله

0 تعليق | هل ترى أن هذا التقييم مفيد؟      نعم
لا يعجبه رياض كتشن أبيتيت Riyadh Kitchen Appetite

المطعم المقلب

المطعم كديكور جميلللل وجميل جدا
لكن الجلسات قريبه من بعض باستثناء اللي ورا قريبه من الباب الخلفي
نجي للاكل المقلب:)
سئ سئ سئ
رحنا له مره فطور ميكاتو كراميل كان سيئ والكراوسان مصيبه:)
واللي معي لاتيه معقول وتراميسيو مره سئ وواضح انه له زمان بالثلاجه
اما الغدا فكان مقلب والمكرونات سيئه
للامانه فيه ناس يمدحون الكساديا حقتهم وتراودني نفسي اجربها لكن اخاف انصدم:(

0 تعليق | هل ترى أن هذا التقييم مفيد؟      نعم

خدمه سيئة

ديكور رائع اكل لا بأس به و خدمه سئة

1 تعليق | هل ترى أن هذا التقييم مفيد؟      نعم
يعجبه رياض كتشن أبيتيت Riyadh Kitchen Appetite

من اجمل الاماكن فالرياض

ابتداء من المكان الى المقبلات الاكل والحلا والخدمة.. جدا ممتاز
شوربة البمبكن لذيذة
البيبي برجر مع التشيدر
والتشوكليت فوندن

0 تعليق | هل ترى أن هذا التقييم مفيد؟      نعم

أكل لذيذ،ديكور مرتب، خدمة اقل من المتوقع!

رحت للمطعم بنصيحة احد الأصدقاء
المكان رايق والديكور جميل لكن اللي خرب الجو السقف! أتخيل بالليل مع الظلام ماراح يكون باين

الخدمة: اقل من المستوى المتوقع! أنادي نادل مر بجنبي يسفهني ويكمل مشيه!
واحد عربي لابس بدلة رسمية شكله المدير قاعد يتمشى وهو يتفرج على جواله! بعدين تركى باكواعه على بارتشن في المحل وقعد يكمل تفرج! مرة خرب جو المكان

الأكل: جميل، جربنا لازانيا الخضار وكانت لذيذة.
والتيراميسو بعد كان رهيب.
القهوة والسلطة كانت معقولة

السعر: غالي، لكنه متوقع لهالفئة من المطاعم
طلبت سلطة ولازانيا وتيراميسو وقهوة ب200 ريال

انصح اللي بيجربه يجربه بالليل، أتصور جوه بيكون اروق خاصة للازواج

1 تعليق | هل ترى أن هذا التقييم مفيد؟      نعم
يعجبه رياض كتشن أبيتيت Riyadh Kitchen Appetite

تجربة في البداية راائعة

اول تقييم لي في الموقع الرائع اللي افادني كثيرا في اختياراتي للمطاعم



بالنسبة ل رياض ابيتايت كنت حريص على زياراته في بداياته الديكور والبساطة فيه جذابة

الخدمة جيدة جدا

الاسعار تعتبر مرتفعة نوعا ما لو قارنتها بالاطباق المشابهة لها في مطاعم اخرى

جربت عندهم الشوربات وكانت كلها راااىعة صراحة. العيب هو صغر الطبق وارتفاع سعره حوالي ٥٢ ريال

الستيكات عندهم تي بون ستيك كان عادي جدا وسعره زي باقي المطاعم

فيه باستا ماحفظت اسمها لكن جدا جدا عادية.

الفترة الحالية عندهم عرض للغدا ب ٦٩ ريال يشمل طبق رئيسي وجانبي واحد المقبلات او شوربة مع المشروب
واذا فيه اضافة للحلا تصير ب ٩٩ ريال

االديزيرت لا يعلى عليه. خصوصاالنوتيلا والتشيزكيك


وقت الغدا اعتبره فرصة
لتجربة المطعم ولكن الاطباق محدودة
فما تقدر تحكم بشكل كامل وقتها


الشيف كان في البداية فرنسي. الفترة الحالية كل العمالة فلبينية

يستاهل التجربة عموما

0 تعليق | هل ترى أن هذا التقييم مفيد؟      نعم

الباستا

نصيحه لا تطلبون باستا فيها صلصة الطماط مثل السباقيتي واللزانيا لأن طعمها خايس مره غير كذا المطعم جدا جميل ويستحق التجربه

0 تعليق | هل ترى أن هذا التقييم مفيد؟      نعم
(10 تقييمات اضافية)
العضو الذي أضاف هذا المطعم:
منال
تواصل مع إدارة رياض كتشن أبيتيت Riyadh Kitchen Appetite

إرسال