جسميز Jasmi's

من الذ الوجبات السرعه ووجبتي المفضله جيكي جيكن سبايسي

انا رحت له مرتين بس علشان ان ما عندي وقت وابي الحق الكلاس في الجامعة

البرقر ملياااان دهن و مافيه طعم و كانه بلاستك مب لحم

والسندويش نفسه فاضي مافيه اي شي بس كتشب و قطعة صغيرة مخلل

بصراحة انا كاتبه عشان انبهكم على هالفرع اللي يم المحطة اللي جدام بوابه مدينه عيسى

انا كذا مره شريت من عندهم بس بصراحه اغلاطهم وايد مرة لقيت بالجيكي جكن ذبانه ولاعت جبدي من الجيكي جكن و ما قمت اكلها

و مرة رفيجتي لقت قروص بالجيكي جكن و مرة اتذكر كان عندهم زحمة و ولد خالتي ما كان في سندويشته خبز من تحت

بصراحة خذمه هالفرع تستاهل صفر على عشرة و هذا غير النفسيه الخايسه اللي عليهم

و كان في وحدة حراميه تشتغل هناك اتذكر ما كنت اشوفها الا الصبح لأن مرة انا ورفيجاتي طلبنا تقريبا ب 6 دينار من عندهم بالسيارات و تخيلوا شنو عطتنا بس شندويشه و عصير و قالت هذا طلبكم و راحت و سكرت الدريشه انا انصدمت و تميت واقفة و عقب نادت وحدة ثانيه تكلمني عشان محد يصيدها و يقول لها شي

بس احنا نزلنا لهم و تفاهمنا وايهم تخيلوا اول ما كلمت الفلبينيه المسأوله الا تقول اي هذي كله جي

يعني يدرون انها تبوق و ساكتين عنها نصيحة لحد يشتري من هالفرع

احلى شي البطاطس لذيذه و مقرمشه و بالنسبه للمطعم فعلى حسب الفرع و احلى شي فرع الستي سنتر

برجر الفطر لديهم لذيذ جداً بس الباقي لم يعجبني 0

أحلى من ماكدونلدز بمليون مرة
أحسن وجبة ميجا جيه

الهمبرجر في جسميز لذيذ جدا
يستحق الزيارة وتناول وجبة العشاء