دارين

الاكل لذيذ وأحلى شي انه يجيك حار مرررره طازه من الفرن ياسلام
لكن بعض الاكلات جتنا شوي محروقه.. يمكن عشانا جينا آخر الدوام

بس جو المطعم سيء جدا..
الجلسات قديمة مررره ومكروفه يبيلها تجديد..
الازعاج كثير كأنك جالس بالكورنيش وحتى العاملين بالمطعم انواع القلق وهم يرتبون الطاولات :
يرمون الصحون على بعض..
انا مرره ماعجبني لو ماخذه الاكل ورايحه جالسه على دوار اصرف لي :p

جلسات الرجال ماعليها..

الاسعار متوسطه واقرب للرخيصه
اممم 5 وجبات رئيسيه يعني لـ 4 أفراد.. و3 انواع سلطه وجيك عصير والحساب 340


مو من المطاعم الي ترجع لها

دراين بعد النجاح الباهر في المنطقة الشرقيه ، فتح في الرياض ، وفي موقع ممتاز.
البدايات مشجعه جدا ، لكن سرعان ما اغلق قسم العوائل وعمل اصلاحات ،وبعد مده افتتح ، لكن للاسف استمرت المشكلة ، المكان لايرتقي الى سمعه دارين الذي كان رمز من رموز الخبر .
قسم الافراد لاباس به ، ولكن العوائل كما قلت يحتاج الى اعادة تصميم ارقى .
الاكل جدا ممتاز ، برياني الربيان مميز ، طبق البحريات المشوي ممتاز ، الخبز لذيذ، وفيه طبق اذكر طلبته فيليه اظن بجبن البارميزان والليمون رايق .
اظن ان صاحب المحل يقيم في الشرقيه لذلك صعب عليه متابعة هذا الفرع وهذا ليس عذر ، و بصراحه انا من محبي هذا المطعم لذلك اتمنى ان يكون دائما في افضل حالاته ..

المطعم بصراحة أعجبني

يتميز بالديكور وسرعة الخدمة وجودة الأكل والأسعار نوعاً ما معقولة

أنصح بشوربة الكريمة البحرية ... أليييييمة

الفرع كجلسات مستواها مرة عادي!

كطعم، فأنت بتمتع بوجبة من ألذ اللي حصل لك

السمك عندهم لذيذ بأنواعه، يمكن أطباق السيزلينج ماكانت بالمستوى، بس الفيليه المشوي والذي مع جبنة البارميزان كانا طبقان لا يمكن نسيانهما.

الرز عادي، طعم البرياني زي طعم الصيادية ما أدري وش السبب، بس بالتأكيد المرة القادمة ما بأطلب رز!

الأكل وجودته بالإضافة إلى النظافة والسرعة كانت أبرز الإيجابيات.

صوت إزعاج الأطفال أمر طبيعي... الديكورات عادية.

أفضل تجربة سمك حتى الآن في الرياض.

مطعم أكله البحري ممتاز وخصوصاً اللي في الدمام ،
يعيبه أن أسعاره غالية شوي ..

بصراحه المطعم ماعليه لمحبي الاكلات البحريه
خصوصاً اللوبستر مرره لذيذ
برضو الشوربات حلوه مثل hot&sour/الشوربة البحريه
بصراحه هذا المطعم ماامل من اكله
مع اني ملاحظات على المكان يعني يبيله تجديد وبرضو ازعااااج مو طبيعي

للآسف كان مطعم راقي واصبح اقرب الى الشعبي اكله ممتاز لكن وصخ وريحة معفنه وعمال داجين يعني بالعربي يفشل ما ادري وين راعيه احسه افتتحه ومات بعد كذا
وان كنت ما اتوب كل فتره ارجع له

الاكل كان جدا سيء القباقب المحشوة مالحة جدا وباردة
شوربة الكريمة وثمار البحر جدا سيئة بس طعم الكريمة مافيه طعم اخر
السمك الفيليه مشوي مافيه طعم ابدا
الاكل بشكل عام كان سيء

انا زرت فروعه كلها لاني من اهل الشرقية وساكن حاليا في الرياض، بالنسبة لي اذا حاب اقيم مطعم اقيم الاكل الي فيه اول شي لانه من اسمه مطعم ومش محل ديكور ، اطباقه لايعلى عليها وبالنسبة لي لاني اعرفي في البحري بحكم اني شرقاوي اقيم المطعم 10/10 بالنسبة لجودة الاكل والطعم ولاني متأكد من احد اقاربي يعرف صاحب المطعم يقول انه السمك عنده طازج يوصل من الى الرياض، والمعلومة الي وصلتني ان صاحب المطعم وهو الي معلم الطباخين الي عنده ويرحب بأي اقتراح .

وانصح بشوربة الكريمه والربيان وفيلية السمك واكيد اللبوستر خطيييييييييير بالجبن