الصدفة وحدها ودتني لكارينوز لأول مرة..
كنا في دبي والجوع ذبّاح، وما حصّلنا تاكسي مستعجل بالأوتيل، فنصحتنا الرسيبشنت بمطعم إيطالي قريب، مشينا له بدون أي آمال عالية، وخوّفنا قلة زباين المطعم رغم وقت الذروة!
الأبتايزر اللي قدمه الجرسون/ خبز الباغيت وزيت الزيتون اللاذع والزيتون شبّعتنا من لذتها، ورغم اختلاف أذواق العائلة، واختلاف الطلبات اللي اخترناها ما أحد اشتكى، أو تبرّم من أي حاجة.
الجلسات كانت نظيفة، وطابعها حديث ورايق، والخدمة كانت ممتازة.
جربنا:
- السيزر تشكن ساندوتش: عظيم، والبطاطس المقلية معاه من ألذ ما يكون (مقرمشة، وخفيفة).
- الفوتوتشيني: لذيذة كثير والصوص تبعها نكهته عال العال.
- الهامور المشوي: كان مميز جداً بحسب ذوق أبوي الصعب.
- الموزاريلا مع الموريانا: من أطعم أصابع الجبن اللي أكلته وأقلها دسامة، وألذها تغميسة.
ولما اشتكينا للجرسون من عدم توفر فرع في السعودية، قال بحكم إنه سبق واشتغل في الرياض حاول يتواصل مع كذا رجل أعمال عشان ياخذ ترخيص لفتحه، بس ما حصل
واللي يقهر أكثر إن مول (الرياض غاليري) أول ما فتح كان حاط لوحة تقول إن المطعم بيفتح قريب في منطقة المطاعم بالدور الثالث، لكن للأسف بعد طول انتظار انلغى المشروع، وانشالت اللوحة.
وقبل فترة زرت فرعه في المنامة - السيف وكان بنفس الجودة والخدمة العظيمة.
أتوقع إنه بتكون من أجمل لحظات العمر لذوّاقة الإيطالي لما يفتح محلياً
المكان 10/07
الطعام 10/10
الخدمة 10/09
انشر هذا المطعم في الفيس بوك
0 تعليق
