أهلا بك في موقع قيم.. للتسجيل في الموقع إضغط هنا

و لإضافة متجرك (مطعم، مقهى، مخبز، حلويات) إضغط هنا

بندروزا PONDEROSA

ستيك
 
6 3.7 3 يعجبهم ,1 لا يعجبه
4

الصور

جميع الصور

التقييمات

لا يعجبه بندروزا PONDEROSA

سيء

من أسوأ المطاعم اللي زرتها علئ الرغم من أن أسعاره رخيصة
ستيكاته من أفشل ما أكلت ،،،

0 تعليق | هل ترى أن هذا التقييم مفيد؟      نعم
يعجبه بندروزا PONDEROSA

مقبول نوعا ما

صحيح كانت زياراتي له الأولى افضل من الزيارات الأخيره !!!! طبعا اتكلم عن البحرين
امممم البوفيه المفتوح مو بطال بس مافي تنويع يعني على سعره
طبعا اسعاره حلوه ... المطعم مو غالي

الي بيجربه اول مره افضل يطلب خاص لا يعتمد على البوفيه المفتوح كبدايه بعدين يجرب البوفيه

في شغله كانت مميزه فيه ... بس والله نسيت ^_^
من كثر المطاعم مافي تركيز وراحت الذاكره ...

0 تعليق | هل ترى أن هذا التقييم مفيد؟      نعم
يعجبه بندروزا PONDEROSA

وجه الأختلاف

انا زرت هالمطعم بالبحرين و الكويت

بالنسبه للبحرين فهو نفس الأكل عمره ما تغير و صار لي سنين اروحه و هو نفس الشي

لما اروح دايما بوفيه و بوفيهم حلو بس ما فيه انواع وايد و السلطات اللي عندهم ما تعجبني

يعني خيار مقطع و جزر مقطع و خس مقطع طيب وين السلطه

و عشان لا اكذب عليكم فيه سلطات بس قليل طبعا انا قاعدة اتكلم

عن اخر مرة زرتة كان من 8 شهور تقريبا و بصراحة انا اشوف الحال قاعد يتراجع كل مرة اروحه فيها

لكن اللي يعجبني الأيس كريم اللي عندهم احبه وايد

و فيه اضافات وايد تقدر تسوي الأيس كريم اللي تبيه

الحين بتكلم عن الكويت

لما رحت بالكويت لقيت فيه اصناف اكثر من البحرين و لازم كل مرة اروح الاقي صنف جديد

و عندهم البيبسي لو تشرب 100 مره محد يكلمك مو مثل البحرين اذا تطلب بيبسي لك مرة وحده

و الخدمه بالكويت احسن يعني ما تحس ان في احد يراقبك مثل البحرين

و اذا طاحت شوكتك ايبون لك 10 بس بالبحرين تقعد تركض وراهم عشان شوكه

و بالأخير تضطر تاخذ شوكه من الطاوله اللي يمك

امممم هالمطعم هادي سواء اللي بالكويت او اللي بالبحرين بس

اللي بالبحرين بالعيد لا تفكر تروح له لأن الزحمه مو طبيعيه و تقعد تنطر بالدور عشان تدخل

0 تعليق | هل ترى أن هذا التقييم مفيد؟      نعم

بسيط

اكثر ما يعجبني عندهم شوربه البروكلي وانواع السلطات البسيطه
عن نفسي سلطاتهم والشوربه تشبعني واستمتع فيها رغم بساطتها
اما الوجبات الرئيسيه والحلويات فلا تتعدي الرز الابيض والندولز مع كرات اللحم
بوفيه المطعم لم يتغير من اول زيارتي له حتي الان - مكانك سر
لكنه هدىء وبدون زحام - اعتقد انه قريبا سينتقل لضاحيه السيف
سعر بوفيه العشاء 4.200 دينار غير شامل للمشروب

0 تعليق | هل ترى أن هذا التقييم مفيد؟      نعم

بوفيه سيئ

تكرم النعمه
جربت البوفيه
جدن سيئ ماأعجبني ابددددن

0 تعليق | هل ترى أن هذا التقييم مفيد؟      نعم
يعجبه بندروزا PONDEROSA

مطعم ستيك راقي !

منذ صغري، وانا اعشق هذا المطعم خصوصاً البوفيه المفتوح !
بالأضافه الى ذلك الستيكات المتوفره !
مطعم انصح به لعشاق الستيك لتذوق ستيك رائع جداً ! 

0 تعليق | هل ترى أن هذا التقييم مفيد؟      نعم
العضو الذي أضاف هذا المطعم:
layal

هل تمتلك بندروزا PONDEROSA ؟

تفاعل مع زبائنك بالرد على التقييمات ومتابعة الإحصائيات وأكثر من ذلك بكثير..

وثق صفحة مكانك (مجاناً)