يعني أشوف الجماعة لازخين المطعم تقييم سيييء وسبسبة و لا ألومهم أبداً، لكن خلونا نفصفص الموضوع شوي:
1) المطعم ماهوب مكان تتردد عليه كل يومين، يعني أشوفه مكان يصلح لمناسبة معينة أو هبقة بالسنة من باب التغيير.
2) المطعم ما يصلح لفئتين من المجتمع: أولهما المحافظين لأنك ممكن تواجه قلة حياء و استهبال شباب و بنات جنبك و أنواع السواليف الماصخة و التتن و شيء يقال و شيء أستغفر الله ما يقال. و الفئة الثانية: أحبابنا من ذوي الدخل المحدود لأن فاتورة أكلك لن تقل بأي حال من الأحوال عن 700 ريال حتى لو ما تطلب إلا سلطة و ماء.
3) المكان غاااارق بالرومانسية لو الله يفكه من كالحي البشرة و اللي يترززون على غير سنع.
4) الأكل أشوفه ممتاز و لكن مهوب خوراااافي و إن كان عندهم كذا طبق سقنتشر (يعني خاص بالشيف و لا تجده في مكان ثاني) بس لا ترفع سقف توقعاتك همن يصبخ جبهتك شيء موب على مزاجك همن تحقد على المكان و اللي كتب التقييم (يعني لا تنسى أنك لازلت داخل حدود الوطن) و الأمور تمشي بالبركة فأنبسط أنت واللي معك و عديها و الحياة حلوة
انا رحت سبازيو مرتين..اول مره كنت مبهور بالبرج والمنظر الليلي الرائع ولم اكل كثيرا فلن احكم على هذه المره ...المره الثانيه كانت على فطور رمضان قبل سنوات عديده...والتجربه كانت استفزازيه بشكل مقزز..
انا ماعرف ..هل المطعم يحسب العملاء اغبياء ويدعي انه من المطاعم الراقيه وهو اقرب مايكون في مستواه ذلك الوقت بكشك البليله..
الطعام مستواه ضعيف جدا والشوربات بارده والسمبوسه بارده وبدون طعم وغيره و غيره..
البوفيه ..يالطيف...فكرني بمطعم شعبي بالثقبه بالخبر كنت افطر فيه ايام دراستي...الشوربة ينتقط على طاولة البوفيه وعلى الارض..وملاعق الغرف على الطاولات تتمرغ ...واللي خلاني استغرب ..الكاسات والملاعق كانت وسخه ....واضح جدا...كلمت العامل ولم يلق لي بالا..الجراسين تايهين يمين ويسار ...من اسوا تجارب المطاعم في حياتي وما جعلها اسوا واسوا الفاتوره...كانت كالطامه ..وبعدها اقسمت انه المطعم هذا حيكون من قائمة الماضي..وماراح ادخلة ابدا لا عازم ولا معزوم...
عشان اكون منصف..هذا الكلام كان قبل سنوات ..اتمنى يكون اتغير..انا ماعرف ولا راح اعرف..كنت متامل فيه انه يكون اول مطعم بالمملكه يتوج بالنجوم الخمسه ...لكن ياحسره طارت النجوم واصبح يعيش على فتات البرج والموقع...
حسافه مش على صيته.. والبوفيه طعمه اسوء من اي مطعم ..
زرته من شهر ولا عجبني نهائيا لا شكل المكان ولا حتى الإطلاله وخاصة وقت الغداء ولا اعجبني الأكل كله
ماقدرت انا وصديقاتي نتلذذ بطعمه ولم استطيع إكمال صحني
والحلى اسوء واسوء
اول ماكنا نشوف فيه الا الناس الذوق والكلاس حاليا
من هب ودب ويبي البصبصه من حريم ورجال يجيه
ناس واطيه بجد
كنت اتردد عليه مرتين فالاسبوع لي ست شهور ما اعتبه
اضف لكذا ان خدماته باااخت جدا
وستافه صار مااادي بشكل بشع
اصوت ضده للاسف
جربته مرتين ..
مطعم راقي جدا .. تكفي الإطلالة الرائعة ..
كان معروف عن المطعم إن أكله "ستايل" وشوي مرة ..
زرته قبل شهرين وكانت الصحون مليئة .. يبدو أنهم تداركوا المشكلة ..
كل شيء كان رائع ..
إلا الفاتورة D:
أنصح العرسان به .. يمكن طلب ترتيب خاص لك .. تورتة ، بتلات ورود ، إلخ ..
انشر هذا المطعم في الفيس بوك
0 تعليق
