كودو Kudu

رغم أن كودو جالس يرفع أسعاره كل يوم..
لاكن لا يمكن أن أستغى عن وجبة الفطور فيه،،
جربوا الوجبة هذي steak & eggs بس قولوا للعامل يغير البيض بـ تشيز أوملت
وادعوا لي

و من وجهة نظري، كودو يتميز بالنظافة، كل شي قدامك نظيف..
بس الأسعار حكاية ثانية..
لو يخفضونها بس..

والله كان طعمه من كم سنة ماشي الحال ام الحين الخبزة ناشفة
يالله يالله حاطيين في الكودو لحم او دجاج يعني في الصامولي
وما ادري وش اللي صاير عندهم

الصبح .. عادة مطاعم الوجبات السريعة مسكّرة .. وما يفتح غير الفوالين والبوفيهات ..
وحتى وإن وجدت مطعم وجبات سريعة مفتوح فغالباً ماراح تدخل لأن وجباتهم ماهي من النوع اللي تفتح عليه الريق
لكن كودو عندهم وجبة مميزة أكثر ما تصلح كإفطار صباحي لذيذ .. بالطبع "كلوب" تعتبر وجبة إفطار شهية وإذا زدت عليها "وافل" أو "بان كيك" يطلع الإفطار شي!
لا تستغرب إذا شفت موظف الماكدونالدز يدخل كودو في الصباح زي ذاك اللي شفته لأن الإفطار مع كودو غير .. والغداء برضو =d

سندويشاتهم تصغر واسعارهم تغلى.
انا شخصياً مقاطعه لانه لا يتوقف عن زيادة الاسعار حتى قبل موجة الغلاء الاخيرة.
وبصراحة اذا بوصل 17 ريال عشان سندويتش دجاج، ادفع 10 ريال زيادة واروح ستيك هاوس واستفيد من عرض السلطة والشوربة.

اليوم طرا علي مطعم كودو بعد مقاطعة 5-6 سنين من يوم ماصارت الخبزة صاموليه ناشفة واللحم تقول مصاقيل ازرط وبس .ايضا بعد زيادة اسعاره الجنونية .

طبعا بدأت بفطورهم المميز البان كيك .. مازال محافظ على السمعة العريقة .واخذت معه بلاك كوفي . تجربة ممتازة وسعر الوجبه مناسب جدا .

التجربة الثانية قلت خلني اجرب كودو الدجاج من زمان عنه يمكن تحسن .. جربته المغرب فرع خشم العان .. اعتقد ان المطعم بدأ يرجع لمستواه السابق .. الخبزة طازجة .. اللحم طري وجيد .. الكشنة من طمام وبصل وخس ممتازة

لكن مازال العيب السعر يجب ان يعود كما كان 14 .. فالساندوتش مازال نوعا ما نص حشو ونص فاضي .

التقييم اعطيته بالسالب لانه حتى وان كان عاد لمستواه السابق فالمنافسين كثر وسعره غالي جدا على صامولي مقلقل !!

افضل ادفع 15 ريال على فروج الطازج .. اطعم والذ .. واذا اشتهيت الساندوتش عندك الشاورما او ساندوتش الفاهيتا في صب واي بنفس السعر واكبر بالحجم !!

عملائنا الاعزاء لشركه مطاعم كودو..

تحية طيبة ..

أشكركم على حرصكم في تقييم مطاعم كودو ، وإن دل على شي فأنما يدل على تواصلكم وحرصكم بأن تظهر شركه مطاعم كودو في أفضل صوره وخاصه بأنها تعتبر الشركه السعوديه الاولى في مجال الخدمه السريعه التي تحصل على شهادتي الايزو والهاسب في هذا المجال بالإضافه إلى وصول عدد فروعها إلى أكثر من " 170 فرعاً " داخل وخارج المملكه .

عملائنا الاعزاء ..

حرصاً من شركه مطاعم كودو في التواصل معكم ، فأمكانكم طرح أفكاركم ومقترحاتكم وملاحظاتكم عبر الموقع الخاص بها : http://WWW.KUDU.COM.SA

أو عبر الهاتف المجاني : 8001240061

بالإضافه إلى الرقم المباشرللشركه : 4191440 تحويله 400 أو صفر

وايضاً عن طريق إيميل مشرف التسويق : HALSUFAYAN@EKUDU.COM


ولكم أجمل تحية وتقدير من شركه مطاعم كودو

ايجابيات المطعم / الاكل يتسوى حسب الطلب فقط ولاشي غير ذلك.
الاكل تشوفه كله قدامك مافي حواجز زي باقي مطاعم الوجبات السريعه.
أغلب أكله صحّي وفريش.

سلبيات / مو حلوه الجلسه فيه ابد ، يعني تاخذ وتمشي.
انهم ما يستبدلون المشروب الغازي بمويه للي ما يبي.
وفي بعض الاخوان علّقو عالخبزه، فعلا ملاحظه لازم ياخذونها بعين الاعتبار الخبر صاير يابس والدجاج او اللحم فيه كميته قليله.

أنا شخصيا من عشاق كودو ودايم أطلب منه على الرغم من السلبيات البسيطه

نظيف
خدمة جيدة
طعم واحد بكل الفروع
لكن
السعر كل يوم يزيد
وما يسوى سعره بصراحة

أفضل وجبة إفطار في كودو هي قطع اللحم مع البيض steak & eggs، تأتيك مع عصير البرتقال واختيارك من القهوة أو الشاي. وجبة لذيذة جداً.

حاول كودو مؤخراً الإتيان بجديد ولكنه لم ينجح، كما أن أسعاره أصبحت مرتفعة بعض الشيء. جلسة المطعم شبيهة بماكدونالدز ولكنها أوسع وأكثر ترحيباً.

والسـلام.

من المفترض يفتح كودو الساعه 6 ص لان العالم وهي طالعه لدواماتها تمر المطعم وتفطر وهاذي نصيحتي للمطعم