قمت بطلب طلبية من هالمطعم وبعد نص ساعه رجعت أكلمهم قام الموظف جاوبني بأن الطلبية في الطريق , خلال المكالمة معه وصلني رنه من رقم غريب وقفل
المهم قفلت مع موظف الطلبات والا كمان شوي يوصلني رنه ثانيه ويقفل الرقم , قمت بالاتصال عليه الا هو موظف التوصيل يقول معليش يا صديق انا مافي رصيد !!!
يعني لو انا ماعطيته وجه ورجعت دقيت عليه ماعرفت وش صار بطلبيتي !!
المشكلة الأكبر ان موظف الطلبات يقول الطلبية طلعت وموظف التوصيل يقول انه بالمطعم والطلبية ما خلصت !! 40 دقيقة انتظار على الفاضي وبعدها قمت بكنسلة الطلب وتقديم شكوى على غير فائدة للأسف !
المطعم سيكون رائعا لو حاولت إدارته حل هذه الإشكاليات :
1-في اليوم الوطني 23/09/2016 كان هناك توزيع الساندويش الجديد مجانات بالدمام ، وكان سوء التنظيم بالإضافة إلى عدم جاهزية المطعم لإستقبال الجماهيـــر .
والأهم من ذلك تعرض أحد المواطنين للإهانه من موظف الإستقبال أمامي حين قال له انا لن أعطيك لأنك حضرت مرتين ، مع أن الموظف أقسم أنه لأول مره يحضر .
لكن تفاجأ الموظف بسيل من النقاشات معه باللغة الإنجليزية كانت ردا له مما جعله يعطيه بسرعه والإعتذار منه .لأنه تفاجأ به يتحدث الإنجليزية بطلاقه .
السؤال هنا لماذا سوء الظن في الجماهير .
ثانيا : حضرت مع ابنائي الإثنين وعندما ابلغت الموظف أن يعطي أولادي تجنبا للزحام الشديد فأعطاهم .
بعد انتظاري لعشر دقايق لم يعطني لأني أخذت وجبتين لأولادي ، هل هذا أسلوب تعامل ؟مع أن إدارة المطعم حددت وجبة لكل فرد ولم تقل وجبة لكل عائلة .وللعلم إحتراما للمكان والإحراج الذي سببه الموظف لي أمام الناس أنسحبت من المطعم وقلت في نفسي لولا رغبت اولادي لما عرضت نفسي للإهانه ، ألتي لم أتعرض لها في حياتي وعلى قطعة سندويتش مجانية .
وأقترح للسادة إدارة المطعم على الأقل وضع كادر عربي في فرع حي عبدالله فؤاد بالدمام بدلا
من الجنيسة الفلبينية أو على الأقل مواطن في الكاشير للتفاهم والإحترام .
3- في حال رغبة الإدارة في وضع السندوتشات مجانا باليوم الوطني إما أن تكون على قدر تحمل الجماهير وإكرامهم .....أو أن تقوم بخصم نصف السعر لنكون أشترينا بأمومالنا لأننهان بهذه الطريقة التي لم نرها في أي موقع .4- كما نأمل تعديل الأسعار كونها مرتفعة بالنبة مقارنة بالخدمة والجودة ...وجزاكم اللله خيرا .....
طول عمري اكل من فرع الدائري الجنوبي الفليه لحم والكودو لحم عندهم يعجبني ونظيف المطعم المهم انهم كل يومين يزيدون ريال اذكركم بأيام الحلوه الكودو ب 10 ريال حرام سعركم صاير مال امه داعي
للأسف أسوأ خدمة لقيتها في مطعم كودو نصب واحتيال بشكل عجيب من الكاشير إذا كنت مخفة يضحك عليه عشان يلهطك فلوس أنا كنت أروح لهم فقط وقت الغداء عشان وجبة كودو دجاج وهي الصراحة رائعة لكن للأسف ينقصون السعى وهم أساسا ينقصون حجم البيبسي والبطاطس ف ماتقدر تاخذ غير حجم صغير أو أنك تدفع 7 ريال زيادة عشان تاخذ حجم كبير
اخر مرة رحت لهم عشان اخذ كودو دجاج للأسف مع أني أخذته محلي كان بارد شكله تاركه من واحد قبلي وفوق كذا أخذت سلطتهم اللي ب8 ريال وليتني ما أخذتها كلها خس ونص حبة طماطم وشريحتين خيار وجزر مبشور وين السلطة بالموضوع !! أرانب ؟
ومرة أخذت فطور ستيك من عندهم للأسف الستيك يقطر زيت وطلبت منهم خبز يقولي حبتين تست بريال !!!
الصراحة كرهت هذا المطعم ودايما تجي ماتلاقي مايونيز وكثير احيانا ماتلاقي بيبسي وتعامل الموظفين سيء جدا