شواية الخليج

مطعم اشتري منه بعض الاحيان(لانني مدمن رز)

طريقه حصريه في طبخ الرز ، والدجاج له نكهه رائعه

اسعار رخيصه

سلطه حاره تخليك تاكل ولا تشبع

يعجبني تفاعل الادارة مع اي شكوى وذلك ان رقمهم موجود على الاكياس والسفره ورقم جوال مباشر عند وجود اي ملاحظه .

نريد فرع في شمال الرياض لان فرع ام الحمام بعيد جدا عننا .

التقييم 9/10 في مجال الرز

مطعم متميز بطريقة اعداده للرز والدجاج

ولكن

فرع واحد مايكفي المساكين اهل الرياض، لا ووين ؟؟؟ في الروضة

بعيد شوي يخليك تهون

لكن الصراحة،، المطعم 10 / 10

خذ نص دجاجة مع رز، واشرب بعدها لبن، من هذا المطعم.

طعمه لذيذ، ولكن لا أحب المطاعم التي إذا خرجت منها بعد أن شبعت، ما (ودك) تمشي

المطعم ماخذ اكبر من حجمه لاهو ولا شواطئ الخليج

صحيح له ذكريات وعشرة عمر ..

بس يعلم الله اني ما كنت اروح له الا عشان الشباب


كنت انا عصقول الشله وهم ماشاء الله جبال..

كنا نطلب 3 دجاجات نصيبي منها ربع !

الرز والدجاج مبهر بطريقه تنسيك حاسة الذوق او بالاصح تتمنى انها ماهي عندك اصلاً

هل الهدف التغطيه على المواد منخفضة الجودة اللي يستخدمونها والا ايش

هذا رأيي واتمنى ان محبي المطعم ما يزعلون مني

الحقيقه اعتبره من افضل المطاعم الشعبية
يعجبني رزهم الاحمر..

عيبه ما فيه فروع ولا توصيل..

سبق وقبل حوالي ٨ سنوات، وجدت "حشرة" في أكلهم

وقبل أمس، تسبب لي أكلهم في تسمم، ببساطة ما خلاني أقدر أنام، اعياء، مغص، وقيء وأنتم بكرامة

لطالما استغرب كيف لم يقفل هذا المطعم من البلدية ولا حتى مرة واحدة في تاريخه!

دجاجهم منتفخ بزياده عن اللزوم + رزهم مليان زفر خخخخ

يمدحون البخاري خخخخخخخخخخخخخ

اروع مطعم للرز ولاكن يعيبه النظافه

اكله دسم جدا

المطعم يتميز بقلة النظافة وكثرة الزيت