هرفي Herfy

الحقيقة المطعم كان يحل في قلبي مكانة كبيرة، وخصوصاً أنه المطعم الذي كنت متواصلاً معه طوال السنين التي خلت، خصوصاً من حين إفتتاح خدمة توصيل المنازل..

ربما يكون تنوع الوجبات فيه، وكونه البديل الوطني، وأسعاره التي كانت في المتناول!

لم يتغير كثيراً مع كل السنوات التي مضت، الأفكار واحدة ولا جديد، بل أصبح هناك مايعكر الصفو، ويورث الندم على تلك السنوات التي مضت في تفضيله على باقي المطاعم!

التوصيل أصبح بريالين، الوجبات زادت بمقدار مماثل ويزيد في بعض، التوصيل أبطئ مما سبق.

لا تنسوا، الكل (أب سايز).

والأهم، نكران المشتركين الدائمين من أي مميزات!

وأتوقع للمطعم الفشل الذريع إن لم يطور ويحسن أفكاره التسويقيه، فلا شيء يجذبني له إلا ذكريات السنين الخوالي.

الميزات:

+ أسعار رخيصة. أعتقد أنها أرخص أسعار مطعم سريع.

+ مطعم وطني لا يعتمد على شهرة الماركات الأمريكية.

+ خدمة التوصيل أحياناً تصل إلى الساعة الثانية و الثالثة صباحاً ، و بعض الفروع تفتح إلى أذان الفجر أيام نهاية الأسبوع.

+ أكل لذيذ و عالي الجودة. من ذلك:

++ الدبل هرفي ، و هو الهمبرجر المزدوج و يحوي صلصة خاصة لذيذة.

++ السوبر هرفي ، و هو قطعة واحدة كبيرة من اللحم.

++ البطاطس لا يوجد أفضل و لا ألين منها.

++ أفضل حلقات بصل جربتها.

++ دجاج التورتيا (أو التورتيلا) الحار ، و هي شطيرة مكسيكية الطابع فريدة من نوعها ، تحتوي على قطع من الدجاج و صلصة خاصة و خس و طماطم ، و تكون أفضل مع الجبن ، و هي مما يتميز به هرفي على غيره ، فلن تجد مثلها عند المطاعم الأخرى.

++ البروستد: الغريب أن هرفي ليس متخصصاً في البروستد و لكن لديهم أفضل بروستد في الرياض في رأيي! أفضل حتى من الأفندي! و لديهم إدام ثوم "و لا أروع".

++ ساندويتش كباب هو إسم على مسمى ، ففيه رائحة و طعم الكباب العربي اللذيذ.

++ وجبة الجمبري: قطع مقلية من الجمبري مع البطاطس و الحمص و الليمون و الخس. شئ آخر يتميز به هرفي عن غيره.

و الكثير غيرها.

العيوب:

الأكل داخل المطعم ليس تجربة جيدة لسببين:

- لا توجد تعبئة مجانية للشراب.

- فروع هرفي دائماً ساخنة و تبريدها سيء.

الخلاصة: بالنسبة لي ألذ و أفضل مطعم سريع في الرياض.

من اهم الوجبات اللي نطلبها منهم :
- سوبر تشكن
- سوبر هرفي
- برجر دجاج مشوي

اللي يخلينا نطلب من هالمطعم دايم نظافته ماشاء الله !

نفخر جميعا بزدياد المطاعم المحلية وخاصة أذا كانت متميزة بتقديم وجبات لها مذاق خاص بها
ونحرص على تشجيعها .. لكن القليل منها يستمر على تميزه اذ تلاحظ بعد فترة انحدار في مستوى الخدمة أو حتى المذاق والأدهى تدني مستوى النظافة وغيرها الكثير

نعم نقول شجعوا الوطني ولكن ليش على حساب حياتنا وصحتنا !!!

ولي فترة عندما امتدح هرفي اجد البعض يشكتي من التسمم واستغرب !!
لكن من يومين صرت ان الشاكيه من التسمم ومن اكل معي من تلك الوجبة
دائما احرص عندما اطلب ابتعد عن البرقر المقلي حيث اطلب الدجاج المشوي حيث انه ابعد مايكون عن الزيت والقلي ولكن مع حرصي تسممت وانواع المغص والمسكنات
عذرا هرفي تقيمي لك متدنيء مع مرتبة الشرف ^_*

وجبة التورتيلا وجبة قديمة وقيمة من انتاج مطاعم هرفي وأول ماظهرت كانت شهية ولازالت ...وكان سعرها انذاك 13ريال فقط..واتذكر سوو عرض ب11ريال بسسسس....

أما الأن وللأسف صارت الوجبة ب16ريال+ريال جبن+ريالين اب سايز=19 ريال ...
يعني استغلال عيني عينك ...

وطبعا بقية الوجبات زي الحكاية ....

نصيحة يارهفي جرب يوم ترجع اسعارك للأول وشوف الإقبال عليكم
لكن الطمع أعمى """"

قبل كم يوم كنت اتعشى مع الشباب ويوم جا طاري الحلى قالولي ان هرفي مسوي حمله اعلانيه للتشيز كيك الجديد الي عندهم وقالو انهم متفقين مع شركة حلويات امريكه تسويه لهم
المهم اننا رحنا لهرفي بعد العشا وحلينا عندهم

اول مادخلنا من الباب لقينا بوستر طولي مرتين ههههه فيه اربع نكهات الساده, الفراوله , الاوريو والسنكرز فقررنا اننا نجربهن كلهن لكن للاسف ماكان عندهم بذاك الوقت الا الساده والفراوله
طلبنا وبدينا بالافتراس

لذة التشيز كيك كانت بعكس ماكنت متوقع من مطعم للوجيات السريعه وميزه الكرست المكون من بسكوت مشبع بالحليب بدل عن الباي كرست الي تعودنا عليه اما خفته كانت لاتوصف لدرجة اني شكيت للحضه انه دايت تشيز كيك لكن فيه نقطه خلتنا نواجه صعبوات جولوجيه باكله
لانهم كانو توهم مطلعينه من الفريز

تقيمي لتشيز كيكهم 9/10

الملاحظ لسلسل مطاعم هرفي والزبون منذ مدة للمطعم يجد
أن المطعم ينحدر للوراء,,,من ناحية تطوير المطعم ....

الأسعار ارتفعت بشكل كبير جدا ...

مثلا كمبو تورتيلا
كانت قبل 5سنوات ب13ريال فقط
اما الان ب16 ريال (غير الجبن)

والسمك ب18ريااال(غير الجبن)

============
يعني باختصار استغلال للزبون
والمحاسب يسألك زيادة جبن -حجم اب سايز

يعني الدعوة شفط فلووووس....
----

الوجبات بدأت تسوء


وتوصيل الطلبات سريع لكنه سيئ جدا جدا

تطلب وجبة ب16 تلقاها ب20 ريال....!!!!! ليش

أخينا بالله مزود جبن ومخلي الحجم اب سايز.>>> على كيفة الدعوى...

واللي يقهر ...اذا طلبت للبيت= وجبة اب سااايز
يجيب البطاطس كبير (والببسي قوطي أبو ريال نص),,,,شي يقهر

===============

نصيحه لكل واحد يروح هرفي لحد يشتري من سمكهم لانه ينقع بالزيت لأكثر من يوم . بحياتي كلها ما شفت وجبه مليانه زيت من يوم ما اشتريت سمبوسه من بوفية حارتنا . والبرغر كأنك تاكل بلاستيك أحل شي فيها البصل اللي فوقها مع اني اكره البصل ( الله يعز النعمه ) . طبعا عنده وجبه وحده تسد جوعك يعني تقيمها مو جيد ولا سيء اللي هي وجبة توتيلا دجاج . والخدمه الله لا يوريك , اذا طلبت شي زياده على وجبتك مثل ما تبي مخلل او تبي ثلج مع مشروبك أحس المحاسب شوي ويتضارب معاك . المطعك بدا يخرب من أول ما صاروا يطبقون نظام السعوده بمطاعمهم .

لا يوجد له مميزات سوى انه من اوائل المطاعم اللي عرفتها.. وجبات برجر الدجاج كلها ما تعجبني (باستثناء تشيلي الدجاج).. اما وجبات برجر اللحم فهي مقبولة.. بالنسبة للبطاطس جيد (مع انه مليان زين)
اما العيوب:
- انهم يحطونك لك سوبر سايز بدون ما يشاورونك!
- عليه زحمة مو طبيعية
- أكلهم عادي جدا ومافيه اي تميز
- اسعاره اغلى مما يستحق
- التوصيل بفلوس ويطوووول
- عدم اجادة الموظفين لعملهم والبطء الشديد في انجاز العمل وكذلك فهمهم البطيء

تكفيه وجبة التورتيلا اللي اعتبرها من أكثر الوجبات السريعة شعبية عندنا .. فهذا المطعم المتخصص الوحيد والأفضل لوجبة التورتيلا المكسيكية الرائعة وحتى لو كانت وجباته ليست في المستوى المطلوب .. فيكفيه هذه الوجبة فقط ..