777

اروع برغر ذقته بحياتي عندهم

يهتمون بكل التفاصيل

حتى الخبز حق البرغر يجيبون اجود شي من مخابز يورمارشيه

مكتوب على الجدار ( إن الله يحب إذا عمل أحدكم عملا ان يتقنه )
من جد قول وفعل


اتمنى من راعيه يتدارك سمعته الطيبة ويتوسع باحترافية ودراسة صحيحة

انا دائما اطلب وجبة برجر دجاج مشوي (ماكسي دجاج) وبالفعل المطعم راااااائع

لكن

ياليت لو يحاول يتكيف مع زيادة الطلبات خاصة في وقت العشاء ويضبط له نظام استقبال طلبات حتى ما نضطر ننتظر اكثر من 15 دقيقة عند المطعم .

تغير مره
جداً عادي البرجر ماله طعم
لن اكرر الزياره مره أخرى!

هالمطعم احبه حب بشكل كبير بس دائما اتفادى اروح له اذا تعدت الساعة 6 المغرب لانه ياخذ وقت طويل المطعم زحمة ولازم يكبرونه خصوصا ماشاء الله الزباين كل يوم نفس العدد اتمنى يزيدون فروعه لان حرام الواحد يشتهي ياكل بس يتحسف على 45 دقيقة انتظار

كل الوجبات الي عندهم تقول الزين عندي ادماني شارلي لحم وماكسي دجاج والله يوفقهم

٧٧٧ عشق قديم والله.. من أول ما كان فتحة وحده.. والوجبة ٢ هامبرقر ما تتعدى ١٥ ريال وأنا أعشقه.. طلبي المفضل دائماً

ساندوتش صدر دجاج وأجنحة الدجاج.. وجربت الإكس لارج.. وكانت خطييرة أيضاً
ماكسي.. ما كانت قد المطلوب..

ع العموم.. إلي يميزهم.. هو إنه للبرقر طعم فريد.. يعني خلطة معينة.. وهذا الي يستحق التقدير صراحة.. تحس قدم لك شيء جديد...

المشكلة الرئيسية مثل ما ذكروا الإخوان..
قلة الفروع.. وعدم أدارة الزحمة بشكل كويس.. مما يؤدي إلى التأخير في الطلب..
وصراحة هو يستحق فعلاً التوسع..

النقطة الثانية والجوهرية بالنسبة لي:
موضوع التوصيل.. بلدنا قائمة على التوصيل.. فعلاً موضوع مهم جداً.. وبالنسبة لي يقلل تقييمي للمطعم بشدة.. لذا أتمنى من قلبي.. إنهم يسعوون في الموضوع هذا.. وطبعاً مو توصيل إي كلام.. لكن توصيل سريع ويجيب الأكل حار..

والله يوفق صاحبه ويرزقه.. يستاهل صراحة

المطعم ممتاز ولذيذ لكن مشكلته التأخير

وربي خطير هذا المطعم
جربت السبايسي والبرجر دجاج
والاكس لارج والشارلي
والفيليه
كلها وجبات خيال ياسلام عليه نظافة وترتيب وطعم جنان يفوق الخيال
الفيليه جدا جدا خطييييييييير
بس يمكن بعض الناس ماتحب ملح زياده بس ولو خطير
انصح بتجربته بقوة
والبطاطس ايضا لذيذ
انا آكله في الاسبوع 3-4 مرات

والله يا برجر تشارلي عندهم رهيب..
ونظافه ممتازه..

راااايق بس أشوف أنه غالي شوي
وهذا مما يقلل شرائي منه .. بس ما اقدر اخليه .. ارجع له من فترة الى فتره

امبسطت يوم شفت المطعم ماخذ الاول بصراحة (يستاهل)
كلت فيه تقريبا 4 مرات, البرقر كانت رهيبة بس البطاطس صراحة ماعجبني.
الاسعار ممتازة , النظافه (بقول بس يكفيك انه يسويها قدامك ).
واعجبني بعد على قول hosain مكتوب ( إن الله يحب إذا عمل أحدكم عملا ان يتقنه ).
قوووول وفعل يا 777.
سلبيات: اظن ماله الا فرع واحد .وبعيد مرة عن البيت.
وانصحكم تجربونه منتو خسرانين.