مكاني

خطير هالمطعم ، واحلى مافيه وجباته الشعبيه المطعمه بنكهات هنديه .

شخصياً احب الرز الابيض عندهم ، ومع لبن بالخيار وشوي ثوم

ياعيني

والله على كثر ماتعشيت في المطاعم اذا صرت جوعان وناوي افلها
اطلع لمكاني واطلب بيبر فراي دجاج ودجاح 65 ورز برياني وخبز وسمبوسة خضار
والقرين صوص عندهم يبكي ... يايك
واسعارهم معقوله جدا .. س انا مستغرب من الصورة حقت المطعم انا اللي اعرف هذي ماهي لوحته اللي بالسليمانية بطريق ممدوح .. يمكن اللي بالملك عبدالله ماادري هذاك للعزاب ماقد جيته .
ملاحظة : اللي يبي جو رومانسي وخرابيط لايجي لهالمكان بدا لانه ازعاج بزارين وقرقعة صحون ووساخة هنود بس فلللللللللللله اكلهم عليه طعم خطير .
ملاحظة ثانية : ماهو تجي لمطعم هندي وتطلب سمك .. من جد احيانا اشوف ناس ورانا يطلبون سمك وجمبري وييييييييييييييييييين رح للنافوره لاي حته اذا تبي هالاشياء اللي بيطلب يطلب اللي كتبت ويجربه واذا مااعجبته الشغله فاتورته علي بس اهم شي القرين صوص خله يكثر

للجميع تحياتي

مطعمي المفضل حين تأتي للأطباق الهنديه !
اسعاره منطقيه جداً واطباقه لذيذه !
انصح به الجميع

مطعم راااائع ، ولكن ابطرح العيوووب
١ الزحمه >> الله يعينك على الانتظار
٢ إزعاج ، يدوخ راسك من اللجهه الي فيه
٣ طبخهم انت وحظك يوم زين ويوم شين ، حسب مزاج الطباااخ ذاك اليوم
٤ مكان ضيق ، يعني ماراح تاخذ راحتك اذا كنت من النوع الهااادي

وفي الاخير اتمنى من راعي المطعم يفتح فروع كبيره و واسعه و يهتم بخدمة VP

المطعم من الخارج غير جذاب ومن الداخل لا بأس به
الاستقبال بارد نوعاً ما
الجلسات نظيفة لكن عليها آثار كتابات من الزبائن
الأكل نظيف لكن طعمه عادي جداً و أقل مما توقعت بناءاً على ترتيب المطعم هنا في الموقع !!!!!!!
طريقة تقديم الأكل على الصحون و اسلوب التقديم من العامل عادية جداً
الأسعار رخيصه نوعاً ما ومناسبة مقارنة بما ذكرت سابقاً

تعودنا من المطاعم الهندية تقديم خبز مع بعض الصلصات قبل تقديم الطلب كامل ولكنهم لا يقدمون هذا الخدمة وهذا غريب !!!!!!!

لا أعتقد بأني سأعود له مره أخرى ولا أعتقد بأني سأوصي به لأحد إلا لمن ميزانيته لا تساعده

جربت هالمطعم اكثر من مره وطبعآ كل مره اجرب عندهم شي جديد لاكن مشكلتهم انهم مره يقدمون الاكل بامتياز ومره يقدمونه بفشل ذريع وهاذا الي خلاني اتئخر بتقيمي لهم
لاكن الشي الوحيد الي يميزهم عن باقي المطاعم الهنديه هو اسعارهم المغريه واطباقهم المليانه بالاكل وهاذا الي يخليه خياري الاول حتى لو كان فيه مخاطره بانهم يكونون بمزاج سيئ
باليوم الي اروحلهم

تقيمي لاطباقهم راح ينقسم

الاطباق الممتازه

ماسلا بهنيدي (باميه) دايم يدعون بهالطبق والمسالا لذييييييذه ومتوازنه باضافتهم للبصل المحموس وهاذا الي يميزهم عن باقي المطاعم بهالطبق


التندوري بكل انوعه اعجبني لاكن الي اعجبني اكثر شي هو الساموني او اسم يشبه هالاسم
ودايم يجي اللحم والدجاج مشوي شوي مضبوط يعني لاهو ني ولاهو مشوي زياده يعني يذوب الطعم بالفم من اول قضمه (الله يقطع بليس شهيت نفسي على اذان الفجر) ههههه


البرياني صحيح يجبونه اصلع ومن دون زينه لاكن يجي متوازن موب ناشف كل المكونات الاساسيه فيه يعني اختصر وقول لذييييييييييييييييييييذ


الحين نجي للاطباق المتقلبه

ايدام الدجاج بالكاري
مره جاني خانس ومن دون منكهااااااات البته والدجاج قال للنار دي وطلع يعني ماطبخ
ومره جاني لذذذذيذ بكاري وملح ونكهه ولاتخطر على بال والدجاج ممتص النكهه بطرقه ممتازه

الو بلاك= ايدام البطاطس والعدس بصوص السبانخ وهالطبق يعتبر طبق اساسي بالمطابخ الهنديه
بس مشكلتهم مره يضبطونه ومره لا

الكورما دجاج = للاسف لو ما اعرف هالطبق من قبل واكلته من عندهم كان حطيت عليه اكس
لانهم لا اضافو جبن ولا ملح جايبنلي دجاج مع كريمة خف ويقلون كورما


شربة الطماط = للاسف للاسف للاسف المفروض يسمونه شربة الزيت

الطعم ممتاز ،، بس يوم تجي على التفاهم والاخلاق
كل واحد اردى من الثاني

زحمه بالمواقف ,, زحمه بالانتظار لان قسم العوائل لايوجد الا ثمان طاولات علشان كذا وقت الانتظار من نص الى ساعه تقريبا .. بس عادي حط اسمك وخذ لك اربع فرات ونص على العليا وارجع تلقى باقي قدامك اثنين تقريبا ..

بصراحة طعمه ممتاز مرة وهو افضل مطعم هندي جربته.. انصح به
عيوبه:
- زحمة نوعا ما
- العاملين تعاملهم سيء

الزحمة الشديدة في المواقف والطلولات
وكذلك سوء تعامل الموظفين والتأخر في الطلبات