تقييم هرفي ممتازين جدا العيب اسعارهم فيها تلاعب

لمطعم هرفي Herfy - كل تقييمات المطعم


ممتازين جدا العيب اسعارهم فيها تلاعب

5faya قبل 7 سنوات و 9 شهور

كل مره واحد له كلام شكل كل ماخذ وجبه مره ب20 مرات ب17 مرات ب16 عجزت اعرف لهم وكل موظف له كلام شكل


هل ترى أن هذا التقييم مفيد؟      نعم

image 129734 زياد قبل 7 سنوات و 9 شهور     اخر تحرير بواسطة زياد قبل 7 سنوات و 9 شهور
هذا طال عمرك حسب الكاشير: إذا قلت وجبة بدون تحدد الجحم.. أو بجبن أو بدون.. بعضهم ياخذ الوسط دائما مع إضافة الجبن. لذا انصحك أول ماتاخذ الفاتورة تدقق فيها. هل فيه إضافات أو لا.

مرة في ستار بكس طلبت مشروب ب ١٨ ريال. قال لي ب ٢٦، قلت ليه ٢٦ واللوحة مكتوب فيها ١٨؟ قال.. حطيت لك إضافات كراميل فوق وتحت. قلت من قال لك تحط! وسويت له شوية مشكلة وناديت المدير :) الخ. أحيانا يصير الكاشير حرامي ويحسب عليك وجبة بسعر أعلى ويعطيك وجبة أقل، ويسوي له تعديل وياخذ الفرق. مرت علي كم مرة صدتهم فيها، ومرة يوم قلت له خطأ، طلع لي ورقة ثانية مباشرة جاهزة فيها السعر الصحيح.

الخلاصة.. أنصح وبشده بالتشييك على الفاتورة والتأكد من الطلبات دائما وفي كل مكان.
عضو واحد وجد هذا التعليق مفيد
هل ترى أن هذا التعليق يضيف للموضوع؟      نعم لا
default avatar 5faya قبل 7 سنوات و 9 شهور
ابوطارق والله اني ادقق منعا للاستغلال
لكن عجزت اعرف لهم
الي اعرفه ان الوجبه العاديه بدون جبن سمال سايز 16
وبدون وجبه بدون جبن ب11

جيت مره ثانيه طلبتها يقول 13 بالجبن ! بدون وجبه

وطلبت مره وجبه بالجبن يقول 20 ! ويقول سعر السمال نفسه البيغ سايز !

اشتكيت عليهم من الموقع عسى به تجاوب :)

وشكرا لاهتمامك
هل ترى أن هذا التعليق يضيف للموضوع؟      نعم لا