تقييم شاورمر حاطين جهدهم في التسويق وفشلوا في الطعم والخدمة

لمطعم شاورمر Shawarmer - كل تقييمات المطعم


حاطين جهدهم في التسويق وفشلوا في الطعم والخدمة

صاحب القلم قبل 7 سنوات و شهرين
عضوان اثنان وجدا هذا التقييم مفيد

كتبت عن التجربة في تويتر ونقدوا علي العيال قالوا ورا ما تحطه بقيم يا القاطع خخخ المهم المطعم هذا عنده عيوب كثيرة جدا ، أهمها النظافة تشوف المحل مهب نظيف ودورات المياه مافيه اي اهتمام.
لما نجي على الوجبات، الدجاج للأسف ما ينضج ابدأ يجيك أبيض كأنه نيء ولا لمسته النار، بالإضافة إلى أن طعمه قاسي وتحسه قديم ، وهالشيء الي يخلي الواحد يقول في نفسه ليش ادفع مبالغ كبيرة على وجبات القاها بمحلات شاورما طعمها زين وتضمن استواء الأكل
لذلك للأسف مركزين على التسويق بالنت وحملات اعلانية بدون اهتمام بالنظافة والخدمة ، وش ابي بتغليف وباكجنك وعامل لابس لي فنيلة موحدة دام ما عندك نكهة حلوة ومكان نظيف؟ انا كنت امشي كثير من ملاحظات المحل لاني اخذ سفري بس بدوا يخنبقون في مواعيدهم واختلاف النكهات من محل لثاني


هل ترى أن هذا التقييم مفيد؟      نعم

image 101338 سليمان قبل 7 سنوات و شهرين     اخر تحرير بواسطة زياد قبل 7 سنوات و شهرين
أتفق معك بالنسبة لعدم توحد الفروع بتقديم نكهة واحده للوجبة، وكالعادة فروع أفضل من فروع، لكن أختلف معك بالنسبة للدجاج، الي يسونه هم، أنهم يوصلونه لدرجة الإستواء من دون ما يحمرون قطع الدجاج، أما باقي مطاعم الشاورما تعطيك الشاورما على الطريقة الكلاسيكية وهي ثلاث طبقات. النصف استواء بعدها المستوية من دون تحمير وبعدها المحمرة، طبعاً شاورمر موب الوحيد الي ما يمشي على الطريقة الكلاسيكية ففيه عدة محلات ومنهم مطعم بيت الشاورما في السليمانية، طبعاً الطريقة الكلاسيكية تعطي نكهة أكثر للشاورما لذالك الواحد اذ بيطلب من شاورمر أنصحه ما ياخذ الطلبات العادية وياخذ الي يتميزون فيها لأن الصوص يكون بديل في هالحالة وعندك تنوري و توستا من أفضل ما يقدمون.


تقييمك مميز، أتمنى أشوف لك تقييمات أخرى في المستقبل.
عضوان اثنان وجدا هذا التعليق مفيد
هل ترى أن هذا التعليق يضيف للموضوع؟      نعم لا
default avatar Shawarmer قبل 7 سنوات و شهرين
السلام عليكم ورحمة الله وبركاته
أحب أشكرك على صراحتك و اهتمامك، أنتم عيون شاورمر على الفروع .. و تأكد تماماً إن جميع ملاحظاتكم على شاورمر من ناحية الجودة و النظافة مسموعة ونحاول بكافة جهودنا للتحسين و تقديم الأفضل لكم. وأحب أقولك أن أي ملاحظة منكم تفيدنا نطلع بصورة حلوة تشرفكم، وإحنا نسعى حالياً لتطوير جميع فروعنا, و إن شاء الله راح تبين لكم النتائج خلال الأشهر القادمة.
هل ترى أن هذا التعليق يضيف للموضوع؟      نعم لا