تقييم كافيه بلان ديكوره يحسسني ان فيه حمام واقف ع الشبابيك

لمطعم كافيه بلان Cafe Blanc - كل تقييمات المطعم


ديكوره يحسسني ان فيه حمام واقف ع الشبابيك

جــولي.. قبل 6 سنوات و 7 شهور
عضو واحد وجد هذا التقييم مفيد

هذا حلو حيل استغربت التقييم السيئ .. كل شي فيه عيوب وفيه محاسن ومو بالضروره يكون مكتمل كل شي لابد يجي فيه جانب نقص .. انا من اهل الرياض لذلك بتكلم عن فرع الرياض على التحليه بجوار افاد وتاو والريف اللبناني كلها متقاربه .. طلبت كرات لحم بالصوص الاحمر جميله طعمها ومتقنه وعلى درجه عاليه من الحراره .. وطلبنا سلطه سيزر بالدجاج لذيذه والدجاج تبعه متقن ومشوي بتحمير .. طلبنا شوربه دجاج بالذره والكريما كانت حلوه كذلك لكن استغربت ماحطوا ليمون مع انه مهم في كل طبق شوربه في اي مطعم .. طلبنا مكرونه اسباقيتي بالصلصه الحمراء ماحبيتها ابدا مدري كيف طلبتها مع انها غالبا غير جيده في كل المطاعم .. الجلسات متوسطه لكن واسعه النظاقه جيده جدا الستائر تحتاج لتغيير يحتاج تجديد نوعا ما .. بس الديكور يملك طابع غريب فيه فتحات جميله توحي ببيوت الحمام انا احساسي كذا هههه لكن تجربه حلوه مره وانا حبيتها والمطعم جوده اكله لابد يجي طبق غير متقن في القائمه ونطيح فيه بالصدفه ههههه لكن انا اعطيه ٨ منن١٠ من جميع النواحي ..


هل ترى أن هذا التقييم مفيد؟      نعم

image 101338 سليمان قبل 6 سنوات و 7 شهور
غريبة ماسكر المطعم، انا لي فترة امر جنب تاو والريف اللبناني ولا أشوفه بالصفه، متى كانت زيارتك لهم ؟
هل ترى أن هذا التعليق يضيف للموضوع؟      نعم لا
default avatar حازم قبل 6 سنوات و 7 شهور
حتى انا ماشفته
هل ترى أن هذا التعليق يضيف للموضوع؟      نعم لا
image 105128 جــولي.. قبل 6 سنوات و 7 شهور
من يجي سنه تقريبا او سنه وشوي حاليا ماادري ..
هل ترى أن هذا التعليق يضيف للموضوع؟      نعم لا
image 101338 سليمان قبل 6 سنوات و 7 شهور
أجل لازم تغلق صفحة المطعم
هل ترى أن هذا التعليق يضيف للموضوع؟      نعم لا
image 105128 جــولي.. قبل 6 سنوات و 7 شهور
اي فعلاً هذا هو صح كلامك اللي يتقفل تعلق صفحته هنا .. عشان مااحد يعلق عليه .. وانا متحمسه جالسه استرجع الصور واشوف المطاعم اللي بالهاردسك عندي احب اقيم ههههه وتوني ادري عن هالموقع لاني اي مطعم ادخله اصور الاطباق والديكور وكل شي
هل ترى أن هذا التعليق يضيف للموضوع؟      نعم لا
image 101338 سليمان قبل 5 سنوات و 10 شهور
نم افتتاح المطعم من جديد
هل ترى أن هذا التعليق يضيف للموضوع؟      نعم لا