تقييم اناتوليا تجربتي طاااازجه ❤️❤️

لمطعم اناتوليا Anatolia - كل تقييمات المطعم


تجربتي طاااازجه ❤️❤️

جــولي.. قبل 6 سنوات و 8 شهور
عضو واحد وجد هذا التقييم مفيد

المطعم هذا اعجبني ارتحت فيه من كل النواحي بصراحه وكانت زيارتي له اليوم عشاء .. المطعم ممتاز بكل نواحيه اول شي دخلنا وانتظرنا طاوله لانه كان زحمه بحكم انه يوم جمعه اجازه للجميع .. انتظرنا تقريبا عشر دقايق وكنا طالبينن اول ماوصلنا واحنا ننتظر فاول ماجلسنا ع طاولتنا بدا يجي الطلب تدريجي قدموا خبز تركي حار مع لفائف جبنه جميله مجانيه طبعاً بتكلم الطلب تبعنا الطعم وجودته وهذا المهم .. كان طلبنا عباره عن طبق حمص وكان لذيذ للامانه وكميته حلوه .. والطلب الثاني رقائق العجينه الرقيقه محشيه بكباب كانت عباره عن ٧ قطع وبوسط الصحن زبادي مع جبنه وكميه بطاطس طازج وهش وكانت هالوجبه جميله والله اعجبتني .. وااطلب الاخر قطع دجاج مع رز بس الرز مااعجبني .. الدجاج طعمه رائع .. وطلبنا سلطه تركيه تقليديه وهي الطماطم مع البصل مع الفلفل البارد .. كانت عاديه معتاده كمكونات بس نكتهم فيها جميله من حيث الحموضه وكميه زيت الزيتون.. طلبنا فطائر ع الصاج بالجبنه شبيه الجبن بالحلوم .. الاكل كان ممتاااااز ونكهته جميله .. المطعم مليان عاملين بصراحه ومرتبين ونظيفين وسريعين والطلب يجي بسرعه وكان الوقت زحممه والله وماشاءالله مليان .. والديكور تبعهم رائع ومتناسق الالوان ومريح للعين .. طاقمهم خلووووووق ومحترم .. فيه جلسات مفتوحه وفيه ببارتشن .. واعجبني عندهم فكره قسم خاص للاطفال لعب ورسم وشاشه عرض افلام ديزني .. شي جميل الاطفال بستمتعون فيي المطعم وكان الجو هادي .. واخذنا بعد العشاء اثنين شاي تركي وكان زي الشاي العادي .. الصاعقه الفاتوره كانت بالنسبه لي صدمه ع كل هالاطباق ولحوم ومشاوي وحمص وسلطه وفطاير جبنه واثنين بيبسي واثنين شاي .. الفاتوره ١٤٤ والله رخيص يعتبر واقل من رخيص ومكان نظيف وجميل ودورات المياه وانتم بكرامه مهمه للغسيل بعد العشاء لذلك تهمني بالمطاعم نظيفه جداً .. واخيرا موقعه بجانب فندق بودل الجديد على طريق التحليه عند اول اشاره .. ابقولكم موقف حصل لي فيه حسيت بلطافه العاملين واحترامهم لخصوصيه البلد اللي عايشين فيه .. الجلسه حقتهم اللي عليها البارتشن كانت فيه دوائر زجاج بحيث الشخص اللي يمر برا يشوف اللي بالجلسه انا ماانتبهنا لهالشي فقام عامل من الفلبين من العاملين ورمى سجاده على الفتحات بحيث يحجب الرؤيا عن اللي يمر في الخارج هنا حسيت ان رايي في الطاقم صحيح بصراحه مزح وتعامل وابتسامه تفاجأت من تقييم الناس لجفاف العاملين بالعكس كان اروع تعامل مريت فيه ماحسيته في اي مطعم .. موقف حسيت فيه بعظمه الإسلام .. الحمدالله على نعمه الاسلام والامن والنعم اللي عايشينها الله لايغير ع كل مسلم


هل ترى أن هذا التقييم مفيد؟      نعم