تقييم مشخول سائق المطعم بحي المرسلات سيء جداً

لمطعم مشخول - كل تقييمات المطعم


سائق المطعم بحي المرسلات سيء جداً

rebel.sa قبل 7 سنوات و 5 شهور
عضو واحد وجد هذا التقييم مفيد

اتصلت لأول مرة بالمطعم اللي في طريق الامام سعود (حي المرسلات) بتاريخ 11/1/1435هـ وانا ما اعرفه إلا بعد ما شفت تقييمه بهذا الموقع، وكانوا اللي ردوا على المكالمه طيبين وأخلاقهم طيبه فطلبت مشخول روبيان وسمك هامور وهريسه وصحن مقبلات صغير وقالوا لي أن السواق راح يتصل بك، فأعطاني السواق رنه صغيره جداً وكأنه ما يبغاني أسمع فاتصلت به وقلت له اني قريب من مبنى التأمينات اللي عند غرناطه مول وقال اوصف لي من شارع خالد بن الوليد وبنبره تعالي فقلت له انا ما اعرف في الرياض انا في شارع ابو جعفر المنصور قريب من غرناطه مول فقال هو غرناطه جتب شارع خالد بن الوليد اجيب لك غناطه منين يعني (يعني يستغبي ويدور الشر سلف) قلت له اذا تعرف غرناطه معناته ما يحتاج اوصف لك من شارع خالد بن الوليد والحقيقه اني رديت عليه بحزم وحس اني راح اكون معه جاد جداً فقال اذا وصلت الشقق اللي انت فيها اطلع لي لأن الدخول للشقق راح يكن فيه رسوم عليك واثناء ماهو جاي اتصلت بالمطعم وسألتهم عن الرسوم وقالوا لا يمكن نطلب رسوم إلا إذا الشقق فرضوا علينا الرسوم ولازم يكون عندك علم فعرفت انه بيستغل هذا الأمر عشان اما اني اطلع له وهو جالس في سيارته أو يدخل ويطلب مني رسوم زياده فسألت موظف الاستقبال إن كان يطلبون رسوم فقالوا انهم ما يطلبوا أبداً ولما وصل طلبت منه يجي عند باب الشقه فجاء وكان ظاهر عليه القهر والغبن، يبدوا لي انه عرف اني فاهم لعبته، وسألته عن اسمه قال انه اسمه (عمرو) ليه فيه حاجه؟ وبطريقه مريبه والله المستعان. ولا تأكدت من المطعم عن اسمه إلا أني قررت اني ما اتركه إلا بعد ما ابلغ إدارة المطعم عشان يتعلمون ذالاشكال كيف يحترمون الزباين إياً كانوا، ورجعت اتصلت بالمطعم فرد علي شخص يظهر من كلامه أنه رجل طيب فاعتذر أشد الاعتذار وقال لي اتصل بالإداره بكره بعد الظهر،
عشان كذا أنا أطلب من كل أخواني زبائن المطعم بأنهم ينتبهون من هذا السواق سيء الخلق.
أما بالنسبة لجودة الأكل فهو بدون تفصيل متوسط، ووصلني كامل بدون نقص، وسعره معقول.


هل ترى أن هذا التقييم مفيد؟      نعم

image 101338 سليمان قبل 7 سنوات و 5 شهور
تم التحرير من قبل الإدارة، نتمنى مراجعة شروط كتابة التقييم في الموقع
هل ترى أن هذا التعليق يضيف للموضوع؟      نعم لا