تقييم كافيه بتيل ارزاق ماشاءالله .. زحمه دائماً

لمطعم كافيه بتيل CAFÉ BATEEL - كل تقييمات المطعم


ارزاق ماشاءالله .. زحمه دائماً

جــولي.. قبل 7 سنوات و 5 شهور
عضو واحد وجد هذا التقييم مفيد

جمااااله هالكوفي حبيته من قلب ... روحتي له كانت الصباح الساعه ٩ ونص ماشاءالله كأنه وقت المغرب والعشاء من كثر الزحمه مره استغربت صباح وكذا لمى سألت المصري اللي يقدم عن هالزحمه قال هذا خفيف بالنسبه لوقت الليل الطاولات حجوزات وانتظار .. المهم الكوفي كان نظيف وواجهته الخارجيه والداخليه جميله الوانه مريحه كان يحتوي على دور ارضي فيه كاونتر بالوسط لبيع حلويات بتيل وكانت حلوووه وتذوقت منها واشتريت بس غاليه جداً ..فيه بالدور الارضي قسم صغير افراد وبالدور الاول فوق يحتوي على جلسات للعائلات بس للامانه الكوفي انصح فيه جلسات بنات فقط بدون رجل لانه بيصير شبه وحيد بين هالنساء ويبتلش بروحه هههههه مثل حاله اخوي .. الطلب كان قهوه عربي مع حبتين برحي ياسلام كانت الدله كايفه وطعمها لذيذ مررره ومتقن .. واختي طلبت كابتشينو تقول انه حلو مره .. وطلبنا حلى الروشيه وحلى موس شوكلاته وتشيز كيك فراوله كلها كانت جمممميله وحلوه خاصه الروشيه مره اعجبني .. الخلاصه كانت الفاتوره ١٢٠ ريال وانا اشوفها جميله بالنسبه للجلسه وللعدد وللطلبات .. انصح فيه بقوه اعجبني من جميع النواحي


هل ترى أن هذا التقييم مفيد؟      نعم

صور متعلقة بكاتب التقييم:

image 101338 سليمان قبل 7 سنوات و 5 شهور
أعتقد من الزحمة الي تجيهم، أيام اخر الأسبوع يكون عوائل فقط
هل ترى أن هذا التعليق يضيف للموضوع؟      نعم لا
image 105128 جــولي.. قبل 7 سنوات و 5 شهور
فعلاً اتوقع كذا لان بصراحه قسم الافراد فاضي لو يستغلونه كله عوائل افضل في الويك اند .. شرفتني بمرورك سليمان
هل ترى أن هذا التعليق يضيف للموضوع؟      نعم لا