تقييم بورتر هاوس مطعم فاخر من شيف سعودي مبدع

لمطعم بورتر هاوس - كل تقييمات المطعم


مطعم فاخر من شيف سعودي مبدع

سليمان قبل 6 شهور

كنت أكره الإجابه عن السؤال الي يسئله الأغلبية " وش أحسن مطعم في الرياض" لأن إجابته صعبة عندنا لأن مافيه منافسة حقيقه بالجودة في المطاعم وغالباً تنتهي المسألة بإجابه تتعلق بالذوق مع إنني ما أعترف ان الذوق معيار في تقييم المطاعم. بعد تجربتي للمطعم تغيرت نضرتي تماماً لأنه وبكل سهوله يهتم لجميع التفاصيل الصغيرة. حاولت أطول ما أكتب عن المطعم وأجربه مره ومرتين وثلاث عشان ما يكون تقييمي مربوط بالعاطفة خصوصاً ان الشيف سعودي ومن الناس الي تابعته لفترة طويله وتابعت جزء من مسيرته في جدة والشرقية حتى فتح مطعمه الخاص في الرياض لكن اليوم هو اليوم الي بتكلم فيه عن أفضل مطعم بالرياض

بورتر هاوس مطعم الستيك الفاخر هو بلا منازع أفضل مطعم في الرياض. المطعم يقدم منيو بسيط لكن مركز على أطباق مدروسة بحذافيرها فالنكهة والطعم فيها عبارة عن سمفونية لذيذة. الأطباق مقسمة لقسمين، كأطباق أساسية ماتتغير وأحياناً يكون فيها تغيير بسيط مثل تاكو الروبيان والي يعطي تجربة الداينمايت بطريقة أكثر إحترافية ومثل أطباق الستيك من الواجيو أو الأنجوس والي تكون معتقه لمدة اسبوعين فتعطي طعم ونكهة ألذ و أقوى ولا أنسى طبق "البرسكت" والي يذوب بالفم من أول قضمة، الطبق يقدم كطبق مدخن اخذ مدة تحضير لمدة لا تقل عن ١٥ يوم عشان يوصل للطاولة بشكل لا يقاوم. اما القسم الثاني من الأطباق فهي أطباق تتغير من فترة لفترة حسب الموسم مثل أطباق الشوربة وأطباق الدجاج غير الأطباق الي تدخل جديدة على المنيو مثل طبق البوكي( سمك شعور مطبوخ بالليمون) والكرباتشيو الڤيانامي (لحم ني نحيف جداً متبل بتوابل شرق أسيوية).

ماتوقف ابداعات الشيف عند الطبخ فقط لكنه أيضاً يقدم مشروبات وكوكتيلات لذيذة ومميزة مثل الفراولة مع الخل البلسمي او جوز الهند بجوزة الطيب أو ايستي الشمام وكلها مشروبات منعشة ولذيذة... المطعم هذا بلا منازع يستحق لقب أفضل مطعم في الرياض


هل ترى أن هذا التقييم مفيد؟      نعم

صور متعلقة بكاتب التقييم: