تقييم زي بيتزا اسوء تجربه والمفروض يقلبون الاسم ل فجي

لمطعم زي بيتزا z pizza - كل تقييمات المطعم


اسوء تجربه والمفروض يقلبون الاسم ل فجي بيتزا

سليمان قبل 10 سنوات و 4 شهور
عضوان اثنان وجدا هذا التقييم مفيد

دخلت المطعم قبل فتره يمكن قبل رمضان بشهرين وكان هو المطعم الوحيد الي فاتح الساعه ثنتين
اول مافتحت الباب وشميت ريحة الطبخ قلت شكل هالمطعم بيصير هو مصدري الاساسي للبيتزا
حتا قبل ما اصل الكاشير بدت معدتي تقول صوصو صو صو
اخذت المنيو وبديت اشوف الانواع وكل ما قريت نوع القا فيه نوع جديد من الخضار او التتيل
ابي لحم ما فيه لحم الا بيتزا وحده فيها ببروني
قلبت الصفحه ولقيت اني اقدر اسوي النوع الي ابي ويوم قلتله ابي اطلب نوع من المنيو قالي لا لازم تضيف من الصفر قلتله طيب صمملي سمول قالي لا لازم تصبر لارج
قلتله طيب عطني وحده قالي لا لازم تاخذ ثنتين الي جاين بالعرض لولا الجوع ولا كان طلعت ومعد جيتهم يعني على وش هالتعقيد ما ادري
المهم اني اخترت
كازا بلانكا= بيتزا بصوص الثوم مع اربع انواع جبن برمزان + فيتا+ريكوتا +مزريلا مع خضرة الارض الشوكي
البيتزا كانت سيييييييييءه والفيتا تشيز(البقرات الثلاث) كان قديم ومخرب على البتزا كله

برفيوم= بيتزا مع صوص الثوم والتوبنق كان ريحان وطماك وكيبر(يشبه المخلل لاكن شكله مثل الزيتون) وجبن المزريلا كانت اسوء من الي قبل

سلطة التشبولي وخبز الثوم هم الي بقو عشان اتعشا عليهم وكانت السلطه مقبوله والخبز مثل اي خبز ثوم باي مطعم بيتزا


هل ترى أن هذا التقييم مفيد؟      نعم

صور متعلقة بكاتب التقييم:

image 101338 سليمان قبل 10 سنوات و 4 شهور
تعديل للسطر السادس


قلبت الصفحه ولقيت اني اقدر اسوي النوع الي ابي ويوم قلتله ابي اطلب نوع من المنيو واضيف عليه قالي لا لازم تضيف من الصفر قلتله طيب صمملي سمول قالي لا لازم تصبر لارج
هل ترى أن هذا التعليق يضيف للموضوع؟      نعم لا
default avatar مجهول قبل 10 سنوات و 4 شهور
خاصية التعديل موجودة. فقط اضغط زر "تحرير" :)
هل ترى أن هذا التعليق يضيف للموضوع؟      نعم لا
image 101338 سليمان قبل 10 سنوات و 4 شهور     اخر تحرير بواسطة سليمان قبل 10 سنوات و 4 شهور
ما اشوف خيار تحرير الا عند التعليقات وين اقدر القاه عند التقيمات
هل ترى أن هذا التعليق يضيف للموضوع؟      نعم لا
default avatar مجهول قبل 10 سنوات و 4 شهور
غريبة ، ما فيه أي أزرار فوق عند راس التقييم؟
هل ترى أن هذا التعليق يضيف للموضوع؟      نعم لا