تقييم IN-N-OUT Burger مكان مريت جنبه مرت لاكن توي انتبهله

لمطعم IN-N-OUT Burger - كل تقييمات المطعم


مكان مريت جنبه مرت لاكن توي انتبهله

سليمان قبل 8 سنوات و 10 شهور
عضو واحد وجد هذا التقييم مفيد

هل كد مر عليك مطعم دايم تمر من جمبه لكن ولا مره جربته أو حتى أنتبهت أنه موجود أصلآ ؟

طيب بجاوب عن نفسي, الحركه ذي صارتلي لأكثر من عشرين طعش ألف مره و هالمطعم واحد من ألف ,موجود بكل مدعس و ولاعمري انتبهتله لين قالي ولد عمي ,,لك ستين طعش سنه تروح لأمريكا و ولا مره دخلته,اجل أنت ماتدري وين الله حاطك،، .


بعد لتجربه طلع صدز بنهاية الدز ان كلامه صحيح لأن المطعم رجعني لذكريات مطاعم الفاست فود اللي كان عليها العلم يوم كان اللحم لحم موب بلاستك مثل اللي عند مكدانلد وبرجر كنج اللحين.



المكان

اول مادخلت المكان صققتني ريحة الطبخ وصوت القلي وتستسة الببسي من ألات اعادة التعبه المجانيه وهذ كله اخذني بفلاش باك ل15 سنه ورا يوم كانت زيارتي لمكان مثل هاللمكان بمثابة جائزه لطفل عمر 10 سنين, فكل الصفات الي فوق و نضافة المكان تخيلتها تقول تعال اجلس وابلع لين تشبع ولاتنسى الملك شيك قبل ماتمشي


القائمة

بمجرد ماتقدمت للكاشير رفعت راسي ولقيت كل شي قدامي بلوحه فيها ثلاث خيارات
1- هامبرجر= شريحة برجر من دون جبن
2- تشيز برجر= مايحتاج اشرح
3-دبل دبل برجر= شريحتين +جبن

لاكن الشي الي أعجبني أكثر بالمنيو ثلاث نقاط 1- الخبز يخبز طازج بالمطعم 2- البصل اختياري 3- الفرنش فرايز تقدر تضيفله بواقي الدسم الي طلع من البرجر وهي تشوى


البرجر وتقييمي لها

طبعآ اخترت الدبل دبل وكانت ممتازه جدآ قاللحم طازج والجبن ذايب عليه ومتجانس وكله كوم والخس والبصل الي يخشخش مع كل قضمه يدل ايضآ على ان كل شي عندهم حق اليوم

الميلك شيك = سكر سكر سكر لكن رجعني للايام الحلوه


الإجابيات

* يفتح للساعه وحده الصبح
*خبز طازج+خضار طازجة

السلبيات

يكثرون خس بشكل مبالغ يعني لو طلبت برجر من دون اضافات و تدبيل بتصير برجر خس واللحم نكهه


هل ترى أن هذا التقييم مفيد؟      نعم

صور متعلقة بكاتب التقييم:

image 30783 ابو ميرال قبل 8 سنوات و 10 شهور
سليمان وين تلقى هالمطاعم فيه ياخي
اول مره اسمع به

اول شئ يبي لك تحدد لي مكانه

بكره جمعه ونبي نسير عليه غداء

في شهر مايو كنت في اسطنبول طبيت لي على مطعم GBK في اسطنبول ياعندهم برجر اخ بس

اسبوعين الي جلستهم هناك رحت لهم خمس مرات

موب صاحي البرجر

نرجع لموضوعنا
شوقتنا للبرجر الصح

رد لنا خبر علشان يمدينا عليه بكره

على طاري امريكا

ما تتوقع يفتحون Sonic في السعوديه

ايام كنا ندرس هناك مايمديك تطلب الى هو جايك الطلب من السرعه ويحط لك طاوله على باب السياره في طلبيتك توقف في مواقفهم وتاكل في السياره يعني الموضوع

كسل × كسل

وبالاخير يقولون ليه سمنت يوم رجعت من هناك
هل ترى أن هذا التعليق يضيف للموضوع؟      نعم لا
image 39822 جهاد قبل 8 سنوات و 10 شهور
تقييم رائع. ودي والله أروح كالفورنيا أكثرها عشان هالمطعم!

هذي قائمة بالأشياء اللي عندهم طحت عليها أمس: http://i.imgur.com/CMgIk.jpg
هل ترى أن هذا التعليق يضيف للموضوع؟      نعم لا
image 101338 سليمان قبل 8 سنوات و 10 شهور
هلا ابو ميرال ,المطعم مجود بامريكا وكندا والمكسيك على ما أضن فقط وللاسف موب موجود بالشرق الاوسط او الخليج وبالنسبه لسونك فما اضن لان تواجده الحين شبه منقرض
هل ترى أن هذا التعليق يضيف للموضوع؟      نعم لا
image 101338 سليمان قبل 8 سنوات و 10 شهور
حياك الله جهاد ومشكور على الأطراء ,اتفق معك مطعم يستحق الأولويه,وبالنسبه للصور للاسف المنيو فيها اختلاف من منطقه لمنطقه فالي ب لوس انجلس ميب عند سان فرانسسكو والعكس .
هل ترى أن هذا التعليق يضيف للموضوع؟      نعم لا
image 30783 ابو ميرال قبل 8 سنوات و 10 شهور
سليمان الله يهديك
خليتنا نعقد العزم اليوم وخربت الخطه
كان متغدين فيه
هل ترى أن هذا التعليق يضيف للموضوع؟      نعم لا