تقييم تي يانا كافية ، فرع الروضة.

لمطعم تي يانا كافية Tea Yana - كل تقييمات المطعم


تي يانا، فرع الروضة.

TheStone قبل 8 سنوات و 11 شهر

بسم الله... من دخولي لخروجي مرتّبة هذا التقييم، سامحوني لو طولّت.

الصباح الساعة 9 إلا... قررت أروح أفطر في الركن الأمريكي، لكن مع الزحمة المعتادة، قلت دام تي يانا قريب، والناس تمدحه، جرّبه.

دخلت من مدخل العوائل! أول مقهى في حياتي أشوفه يكون مدخل السينقلز مو واضح ومدخل العوائل هو الواضح، أعتقد المقصد من هذا الشيء واضح.

أول ماتدخل تشوف المحل اللي يبيعون فيه الشاي بالكيلو، دخلت عن طريقه لقسم السينقلز، قسم السينقلز كبير نسبيًا وتنوع جميل في الطاولات بحيث تلقى محل يرضيك ويريحك، الويترز كانت نفسيتهم كويسة في الصبح، ما أدري عن الأوقات الأخرى.

المنيو متنوعة بشكل حلو، منيو للمأكولات والمشروبات، ومنيو كاملة فقط للشاي، أسعار المأكولات والمشروبات غالية نسبيًا، وبرّاد الشاي من 12-18 البرّاد يكفي كوبين فقط.

أخذت لبنة بالزعتر، وشوكوفروت، وسلطة آسيوية ناسي اسمها.

اللبنة بالزعتر، 910 .. من أفضل ماجربت! ومقدّمة بشكل حلو.
شوكوفروت، 810 .. يمكن لو كانت الفراولة أحلى من اللي كانت موجودة كان عطيته 10.. الطبق مبتكر.
السلطة الآسيوية، 810 .. الحلو فيها تنّوع النكهات! بس اللي مايحب الخضار واللحم الآسيوي مع النودلز لا يأخذها!

الشاهي، المنيو كانت كبيرة بشكل خلّاني أضيع! كنت أعتقد أني أفهم في الشاي لكن اكتشفت إني من جنبها!!

ناديت الويتر، أعطاني توصيات، الأحمر شاهي أسامي، والأخضر موروكان تي... الأحمر كان طعمه غريب شوي، الشاهي الأسامي للناس اللي يعرفونه.. الأخضر كان لذيذ.

يجيون مع الشاهي ساعة رمل، لما تخلص يقول اضغط على البرّاد... الفكرة حلوة!

الحساب كان 110 ريال.


هل ترى أن هذا التقييم مفيد؟      نعم