تقييم

شباب .. اول شيئ انا جربت المطعم اللي في جده ...
باختصار ... انا عادتي اني اعطي المطعم فرصتين او ثلاث فرص عشان احكم عليه ...
المطعم هذا من اول زياره انا حكمت عليه ولايمكن ابدا وبأي وسيله اني اجربه تاني لييييش ؟
اول حاجه - السعر مبالغ فيه بقلة ادب ...يعني فيه زياده اسعار بأدب وفيه زياده اسعار بقلة ادب والمطعم من النوع التاني ..
تاني شئ - مافي دهن في الدنيا الا وتلاقيه في الاكل اللي يقدموا ...
يعني مثلا انا طلبت بيتزا .. والله العظيم يا شباب الدهن مغرق في العجينه لدرجة لو شفت العجينه من الجنب تلاقي نصها لونه غامق من الدسم اللي فيها هذا طبعا غير الخرابيط اللي فوق العجينه من لحم وجبنه ...
الشئ التاني .. طعم الاكل عندهم لا يتناسب مع السعر ابدا ... يعني والله الفلوس اللي دفعتها لو دفعتها في شيليز لكانت ابتسامتي كبييييره ... تخيلوا انوا مطعم اونوا اغلى من شيليز ؟؟!! والله لووووووول