أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

سؤال في خاطري !!

image 372 ابو راكان قبل 12 سنة و شهر
من بدت مطاعم الوجبات السريعه تفتح عندنا في البلد ( الرياض ) في آواخر الثمانينات تقريباً

وانا فيه سؤال ما غير راح جاي في بالي 

هل اللحوم المستخدمه في هالمطاعم حلال ..

لأن ما اتوقع ان الامريكان او البرتس بيفرغون وقتهم لنا

خصوصاً ان طريقتهم في الذبح ما تاخذ الا ثواني (كهرباء او مطرقه على الرأس ) فما ظنتي انهم بيجيبون مسلمين ويخلونهم يذبحون ويسلخون وياخذون في الذبيحه 10 دقايق (اذا هم نشيطين وبيخلون طريقته اللي ما تاخذ من الوقت الا ثانيتين تقريباًُ ومن العماله شخص او شخصين بإمكانهم ينهون قطيع في دقائق..

لأن الامور عندهم تحسب بالفلوس والوقت الضائع بالنسبه لهم 9 دقايق و 58 ثانيه تقريباً يعتبر مال مهدور..

هل فيه احد من الاخوان عندهم معلومات مؤكده بهذا الشأن

بارك الله فيكم..
هل ترى أن هذا الموضوع مفيد؟      نعم لا
image 39822 جهاد قبل 12 سنة و شهر
سؤال جيد

اللحوم المستخدمة أعتقد انها محلية, وان ما كانت فتفرض عليهم طريقة الذبح الاسلامية.

على كل حال, في أمريكا تختلف طريقة الذبح من ولاية الى ولاية. لكن اللي اعرفه ان الكثير منهم يستخدمون الصعق لمجرد التخدير, يتم بعده الذبح مثلنا (بدون التسمية طبعاً).
هل ترى أن هذا التعليق يضيف للموضوع؟      نعم لا
default avatar شخابيط قلم قبل 11 سنة و 4 شهور
حسب معلوماتي القاصرة إنه اليهود يذبحوا زينا وكمان ذبايح أهل الكتاب يجوز تاكلها هذا بالنسبة للحلال والحرام من جهة تانية أغلب المطاعم الأمريكية ولا غيرها اللحم والدجاج تكون من هنا من عندنا في شركات كتير عملها تصميم الوجبة يعني مثلاً تلاقي شركة مكدونالدز متعاقدة مع شركة في جدة تعطيهم المواصفات إلي تبغاها في البرغر والبهارات ونسبة الدهون والشركة هادي تجهزها و تغلفها وترسلها لفروع ماكدونالدز أو غيرها وإذا على وقت الذبح فصدقني حسب الشريعة الإسلامية أو لا بياخد نفس الوقت لو حيت وشفت مسالخ منى أيام الحج راح تفهم قصدي إنه ما تاخد وقت لمن تنذبح ثمنمية ألف راس في ثلاث أيام والمسلخ يشتغل 12 ساعة بس راح تعرف إنه ما تاخد أكتر من ثانيتين طبعاً انا ما أشتغلت في المسالخ بس شفت بعيني الذبح وإنه ما ياخد وقت أتمنى أكون وفقت في الإجابة على تساؤلك.
هل ترى أن هذا التعليق يضيف للموضوع؟      نعم لا