أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

انظف مطعم فول فالرياض؟؟

default avatar اداري كبير قبل 9 سنوات و 6 شهور
متواعد انا والشباب نفطر فول ونبي مطعم نظيف ناخذ منه فول ومطبق ومعصوب .. بس نبي شي نظيف انا جاي من برا الرياض .

انا مايهمني الديكور مثل مايهمني نظافة العمال والمطبخ .

يفضل يكون في شرق الرياض
هل ترى أن هذا الموضوع مفيد؟      نعم لا
image 101338 سليمان قبل 9 سنوات و 6 شهور
فيه محل اسمه فلافول بشارع خالد بن الوليد مع الملك عبدالله المطعم بجانب فهيتا افنيو
المطعم نقدر نقول عليه انه شبيه ب مطاعم الاكلات السريعه مثل كودو وهرفي لاكنه للفول والفلافل وبعض الاكلات الشعبيه
هل ترى أن هذا التعليق يضيف للموضوع؟      نعم لا
default avatar أبو محمد قبل 9 سنوات و 4 شهور
لا يفوتك - فوال الطائف - الله يذكر أيام الجامعة بالخير :) ..

ركز على فول تاوه آو (طاوة) .. كلاهما صحيح :)

لكن احذر من : http://vb.eqla3.com/showthread.php?t=82186
هل ترى أن هذا التعليق يضيف للموضوع؟      نعم لا
default avatar اداري كبير قبل 9 سنوات و 3 شهور
فيوتشي والله ماشاء الله عليك مابقى مطعم ماجربته وذوقك دايم ممتاز

جربت فلافول .. حلوه الفلافل حقته بس الفول حقهم ماطلبته لانه شكله فول لبناني يعني حب مهوب مثل الفول الحجازي مهروس

بس اقولك الفلافل بصراحة شي ثاني فلافل كلاسيك جربتها وممتازه بس فيه نوع ثاني يجي بالحمص عادي مره

وماانسى اقوللك ان المطعم غااااااااااالي جدا على فلافل وفول وانا مااحب اشجع المطاعم الغالية على الاسعار الجنونية هذي انت تدري ان الفلالفل كلاسيك عند فلافول بقيمتها 6 ريال تجيب لك ربع حبة من بيت الشواية مع رز وموية ؟؟


ابو محمد فول الطاوة معروف بس كلش الا فوال الطايف دايم يطلع خايس الا اذا كنت مجرب لك واحد وباخصه زين .القرموشي مافيه مثله بس لو يخلي عمالته البنغالية ويحرص على النظافة شوي كان صار تمام
هل ترى أن هذا التعليق يضيف للموضوع؟      نعم لا
image 101338 سليمان قبل 9 سنوات و 3 شهور
مشكور على الاطراء وبالعافيه على الفلافل
وعلى اسعارهم معك حق دبل سعر الفلافل المعتاد عليه
هل ترى أن هذا التعليق يضيف للموضوع؟      نعم لا
default avatar dream556 قبل 8 سنوات و 11 شهر
ههههه

أخوي نصيحه أبعد عن مطاعم الساندويش والفول ...

طبعاً أقصد بالسندويش الصامون المعروف , صدقني شفت موضوع لو شفته بيغمى عليك من الوساخه
هل ترى أن هذا التعليق يضيف للموضوع؟      نعم لا