أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

وش رايكم في هالوصاخة؟؟ ابتكار جديد وغير مألوف .

default avatar اداري كبير قبل 8 سنوات و 4 شهور
القصة ياخوان حصلت في حي السعادة فالرياض<< اسم على غير مسمى .. من ثاني اشارة وانت طالع من اسكان الحرس فيه محل فوال كبير على اليسار (نسيت اسمه ) تشوف المحل تحس انه نظيف وفخم والعمال عليهم قلفز ولبسهم موحد .. يعني مايوحي لك انه فوال عادي .

المهم اللي حصل ياشباب اني كل صبح كنت اطلع من الدوام وافطر فيه وارجع .. ذاك اليوم رحت افطر زي العادة واروح للمغاسل عشان اغسل ويطلع لي العامل (يمني ) لابس قلفز "قفازات بلاستيك شفافه" طلع من الحمام وراح جنبي للمغسله عشان يغسل !!

ممكن مافهمتوا؟ ؟ ابو علي رايح يغسل يدينه وهو مافصخ القفازات والله العظيم يحط عليها صابون ويفرك يدينه تحت المويه !!! لو اني ماقلتله انت وش قاعد تسوي ماعليه من احد !

طبعا الرجال ارتبك قال بس اغسلها وبعدين افصخها >> عذر بايخ .. قلت افصخها لعنبوا بليسك وش فايدة القلفز اذا بتستخدمها حتى داخل الحمام ياوصخ .

بعدها قطعت المطعم وآمنت بالحكمة اللتي تقول "كل مستحيل فالحياة ممكن, الا ان يوجد مطعم فول نظيف " .

للاسف ان وجبة الفول وجبة لذيذة خصوصا فطور لكن معظم من يشتغل فيها هم من العمالة الوصخة القذرة ...

حتى خباز التميس ومايحتاج اتكلم عنه اتوقع معظمكم يعرف اشكالهم ثوب اسود من الوصاخة والعرق ووسادة سوداء من الف سنة ماغيرها ويدين ماتدري متى اخر مره غسلها .. المصيبة اذا شفته بعيونك يدخل يده في خشمه ويحفر !!! هذي شايفها بعيني .

انا بعد عشرة اجبارية طويلة مع المطاعم .. اقول ان اكل البيت حتى لو اخذ وقتك فهو افضل بمليون مرة خصوصا عندنا .
5 أعضاء وجدوا هذا الموضوع مفيد
هل ترى أن هذا الموضوع مفيد؟      نعم لا
image 30783 ابو ميرال قبل 8 سنوات و 3 شهور
لما قريت هالموضوع جتني قشعريره

ياخي بعض الناس ما تخاف الله

حسبي الله ونعم الوكيل

بس تدري هذولي ما ينلامون هم في ديارهم كذا من يومهم صغار كذا تعودو على هالوضع
وشافو ان محد مات يعني مافيه مشكله

من شب على شئ شاب عليه
هل ترى أن هذا التعليق يضيف للموضوع؟      نعم لا
default avatar Drag قبل 8 سنوات و شهرين
لا يوجد مطعم نظيف 100%
من سابع المستحيلات ، وخصوصا المطاعم الشعبية مثل الفول والمعصوب و الفلافل وووو الخ خصوصا اللي يشتغل فيها يمنيين ( شعب النظافة عندة عالزيرو الا من رحم ربي )

فيه مطعم اسمة واحد فول على طريق الملك فهد ، ممتاز جدا ونظيف
هل ترى أن هذا التعليق يضيف للموضوع؟      نعم لا
image 94735 w.janijamali@yahoo.com قبل 6 سنوات و 6 شهور
من بعد هذا الموضوع رح انسى الفول و المعصوب
هل ترى أن هذا التعليق يضيف للموضوع؟      نعم لا
default avatar ابو براهيم قبل 5 سنوات و 4 شهور
انتم ما شفتو المقطع الي عاليوتيوب الي يجيك يرجع الاكل من القمامة اكرمكم الله والمشكلة باكستاني وملتحي حسبي الله ونعم الوكيل
هل ترى أن هذا التعليق يضيف للموضوع؟      نعم لا
image 114387 ابو عموري 2009 قبل 5 سنوات و 3 شهور
تعليقي باختصار عن المطاعم

" وما خفي كان أعظم "
هل ترى أن هذا التعليق يضيف للموضوع؟      نعم لا