أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

وين احصل هذي الوجبه شاركونا شباب

image 30783 ابو ميرال قبل 7 سنوات و شهر
سلام شباب
هذي فكره جديده

ولنفترض انك تحب وجبه او اكله معينه او تبحث عن حلويات خاصه ولا تعرف وين موجوده او ايش احسن مكان يضبطها

نبي هنا المشاركه والتفاعل بحيث يتم طرح طلب والشباب يشاركون بردودهم

وعلشان نبدى هذا الموضوع هذا سؤالي

وين احسن مكان يضبط البراوني صح؟
3 أعضاء وجدوا هذا الموضوع مفيد
هل ترى أن هذا الموضوع مفيد؟      نعم لا
image 101338 سليمان قبل 7 سنوات و شهر
موضوع ممتاز ابو ميرال وكبدايه راح اجاوب على سؤالك


طبعاض منب من الي يكره البراوني وبا انا الي يحبها علاقتي معها وسط, لكن تعجبني البراوني الي تجي من شركة القطوف والي توزعها على كثير من مقاهي الرياض مثل ,اريتا كفيه , كان كافيه وكفي اكثر من قهوه

وبالعافيه مقدماً
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر
من افضل كفي يقدم قهوة توركي تعدل المزاج وتصحصح الراس؟
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
يسلمو يا سليمان
والله انا ماني راعي قهوه بس متأكد لو تشرب قهوه "توركي" على قولتك من يدين التي بوي الي عندنا في المكتب راح تعتزل شرب القهوه مثلي ولاعاد تشربها مره ثانيه ههههههههههههههههههههه

لاكن انا اشوف ان اكثر الشباب الي اعرفهم مزاجهم امريكان كوفي ومايطلق روسهم الى قهوه دنكن مدري يمكن علشانهم مدخنين
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
بالنسبه للبراوني الي ذكرت هل هي افضل من براوني حقت انوش؟
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر
القهوه "توركي" ههههه اصله قهوه توركيه لكن الهاء زعلت وهجت تقول مانب راجعه لين يرد عليك احد ويدقق ههههه

ماجربت البراوني عند انوش لكن هل هي مجمد ولا طازجه مثل الكوكيز الي عندهم
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
هي بارده مدري طازه ولا لا بس طعمها يصك في الراس ويصلح مع القهوه التوركي
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر
اها يبيلها تجربه, تشكرات يا أفندم :)
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
اوكي هذا طلب جديد ياسليمان والاخوان لازم يشاركونا

احد اهم الاشياء الي تفتح نفسك على الفطور الصباحي الخبر له انواع واشكال حسب المزاج
انا ادور هذا الخبز الي موجود في هذا الصوره

http://upload.wikimedia.org/wikipedia/commons/thumb/1/1f/FD_1.jpg/220px-FD_1.jpg

اتمنى الاخوان في قيم يضيفون امكانيه عرض الصور مباشره بدل الروابط

نرجع لموضوعنا
هل احد منكم يا شباب يعرف اين تباع هذا النوع من الخبز مثل الي في الصوره

تحياتي
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر
مساك الله بالخير ابو ميرال ومبروك عليك جائزة مسابقة الاسبوع:)

بالعاده الخبز ماتكفيه صوره لانه يتشابه كثير مع غيره لذالك يبيلك تقولي الاسم , مثلاً الي يسار الصوره شكله ساور دو لكني موب متئكد وعالنوع ما ينتج عندنا لانه يحتاج طريقة تخمير طبيعيه ما تتواجد عندنا بالرياض , الي على اليمين صغيره شكلها قطعه من "باقيت" هذي تلقاها عند كارفور والتمميمي

لكن اذ تبي أنواع خبز ممتازه رج باندوور أو وودن بيكري وكارفور بعض الاحيان يخبز انواع فرنسيه
هل ترى أن هذا التعليق يضيف للموضوع؟      نعم لا
default avatar عبدالله ابو نوره قبل 7 سنوات و شهر
أنا من أهل المنطقة الشرقية, بالنسبة لأنواع الخبز اللي تكلمت عنها بعضها أشوفه في التميمي .. بس في محل في مجمع الستي بالبحرين متخصص بهالشغلات .. اذا حصل لك فرصة تزور البحرين ورحت للسينما في السيتي سنتر لا يفوتك هالمحل بجانب صالة المطاعم العامة .. وعلى فكرة في نفس المجمع أكثر من محل للحلويات الفرنسية عندهم مثل هالشغلات, من المخبوزات الفرنسية والإيطالية ..

ولا وصيك مادامك رحت للبحرين تجرب حلوى شويطر, بس مش الحمرا العادية .. جرب الملكية يجي لونها أصفر على ذهبي


أتمنى أني قدرت افيدك ..

وأنا عندي بعد استفسار عن حلى ماحصلته, أصله نمساوي ألماني تقليدي اسمه .. ابل سترودل .. ماحصلته عندنا بالشرقية ولا اعرف احد يسويه .. عندكم خبر ؟
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
شكرا ابو نوره

والله كنت افكر يكون هذي الانواع متوفره محليا علشان شغله المزاج
مثلا هذاك اليوم خميس صحيت الصبح ونفسك متفتحه والجو رائع وفاتح الشباك
هواء بارد وكاس كفي يبخر وسله خبز على كيفك وفطور

لكن من مكان بعيد ما اتوقع

بخصوص حلويات الشويطر قد جربتها ورائعه جدا

بخصوص ابل سترودل
هذي صور للي مايعرف هذا الاسم

https://www.google.com/search?hl=en&safe=active&pwst=1&q=apple+strudel&bav=on.2,or.r_gc.r_pw.r_cp.,cf.osb&biw=1600&bih=799&um=1&ie=UTF-8&tbm=isch&source=og&sa=N&tab=wi&ei=EK8AT_3qLMSB4gSA1tCNCA

بالنسبه لي ما اعرف هذا الحلى اين يباع ولم يمر علي سابقا ولم اتذوقه علشان اقول لك فيه شئ شبيه للطعم

ولكن الاخ المتخصص في الحلويات هو الاخ سليمان وعنده موقع حق حلويات وراح يدلك اذا موجوده

شكرا للمشاركه ابو نوره
هل ترى أن هذا التعليق يضيف للموضوع؟      نعم لا
default avatar عبدالله ابو نوره قبل 7 سنوات و شهر
شكرا على ردك يابو ميرال ...

نصيحة ,, اذا شفت هذا الحلى لا يفوتك ..

انا احب اكله مع كوب لاتيه بدون سكر ..

شي خرافي, وخاصة في أيام البرد لأن هذا النوع من الحلويات اللي اعتقد انها تناسب موسم الشتاء
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر
ابو ميرال مشكور على الإطراء الجميل لكني مهمتم بالحلويات ولست خبيراً ههه


ابو نوره للاسف أنا مثلك ماقد شفته عندنا لكني بعد البحث عرفت الستركتشر حق الفطيره وعرفت بالضبط وش الي يفرقها بفتح الياء عن فطيرة التفاح الامريكه ولذالك أمامك ثلاث حلول


الاول - تشتريها من مكدانل لأن الفطريه الي عندهم هي أقرب شي لها موب نفسها لكن قريبه منها

الثاني - أترجملك الوصفه وأسهلها وأنقحها من بعض المتطلبات مثل الخمور واعطيك ايها تسويها بالبيت

وش رايك

الثالث - ابحث لك عن مكان يبيع الأصليه منها :)
هل ترى أن هذا التعليق يضيف للموضوع؟      نعم لا
default avatar عبدالله ابو نوره قبل 7 سنوات و شهر
ههههههههههههههههههههه

أما الأولى: ففي فرق بين ماكدونالد و بين هالحلى

وأما الثانية وهي سبب ضحكي: أنني سيء جدا جدا جدا جدا جدا في الطبخ .. اشتهيت مرة اسوي بيتزا فما طلع معاي إلا كفر سيارة (من كبر العجينة) من تحت محروقة ومن فوق مش مستوية .. ومرة اشتهيت اسوي بيض (( ياجماعة مفاي أسهل من البيض !! )) بس دايم يحترق معاي .. أنا أصلح شاي وقهوة و معلبات

وإذا طلعت مع شباب , انا مسؤول غسيل المواعين ! ههههههههههههههه

أما الثالث فأنا ماحصلته عندنا بالشرقية, وللأسف حتى البحرين ! مع أن الحلى جدا بسيط بس حلو .. اول مرة اجربه كنت في النمسا وادور عليه هنا


مشكورين مرة ثانية
هل ترى أن هذا التعليق يضيف للموضوع؟      نعم لا
default avatar الجوهرة ش قبل 7 سنوات و شهر
ابل سترودل على خبرتي مو موجود في الرياض , القهوة التركي احسن شي الي تنعمل في البيت لكن الي يقدمها التي جاردن كويسة . الخبز كارفور تبيعه وكمان لولو ماركت وطبعا ودن بيكري .
عضوان اثنان وجدا هذا التعليق مفيد
هل ترى أن هذا التعليق يضيف للموضوع؟      نعم لا
default avatar توليا قبل 7 سنوات و شهر
ماششفت اكل زين في مطاعم الرياض الله يديم النعمه


مثل لادوغيه كافيه يختلف اختلاف شديد عن لادوغي الفرنسي طبعا وعن لادوغي دبي مول

لا نفس الماكرون ولانفس الكوفي فرنش
عضو واحد وجد هذا التعليق مفيد
هل ترى أن هذا التعليق يضيف للموضوع؟      نعم لا
default avatar الجوهرة ش قبل 7 سنوات و شهر
لا دوغي عندهم اصفهان يكفي عن كل شي .
عضو واحد وجد هذا التعليق مفيد
هل ترى أن هذا التعليق يضيف للموضوع؟      نعم لا
image 129734 زياد قبل 7 سنوات و شهر
القهوة التركية، ماجربتها بالرياض.. لكن يمدحون قهوة الرفاعي محمصة ثقيلة وتصلح بالبيت.

الأبل سترودل: غريب ولا جربته،،، لكن بأحطه بالبال في زيارتي القادمة للمخابز.

لادوريه ماجربت فرع الرياض لكن فرع دبي مول أليم وجلسته رائعة.

بخصوص مطاعم الرياض، أعتقد أن فيها تشكيلة رائعة، لكن التوقيت يفرق ومافيه مطعم مر علي كل شي عنده ممتاز ماعندي القليل جداً.
هل ترى أن هذا التعليق يضيف للموضوع؟      نعم لا
default avatar الجوهرة ش قبل 7 سنوات و شهر
قهوة الرفاعي كويسة وباجة بعد دخلت ع الخط لكن إذا تبي القهوة الصح قهوة العميد في مكة وجدة و أيضا إذا لكم أحد في الكويت فقهوة بدوي التركية والفرنسية ممتازة , ابتيت كتشن عنده فطيرة تفاح ممتازة جدا لأن أبل سترودل ما قد ذقتها بالرياض , الي يعرف مكانها يقول
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر
أشكر جميع الي ردو بخصوص سؤالي عن القهوه التركيه لكني ابيه جاهزه بكفي ماودي اصلحها بالبيت:) لاني اضطر بعض الاحيان اطلع اتقهوا برا وواحد من الشباب عشقه القهوه التركيع :)
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
ياشباب هذا المقال مو بس للرد على الاشياء الموجوده ايضا لطرح احتياجاتكم اذا فيه عندكم اي شئ تحتاجون تعرفون مكانه ضع سؤالك والشباب مايقصرون بيردون
هل ترى أن هذا التعليق يضيف للموضوع؟      نعم لا
image 129734 زياد قبل 7 سنوات و شهر
سؤال مهم: أبي شركة دواجن تبيع دجاج بدون هرمونات. أو على الأقل أقل هرمونات.. من أشوف الدجاج يزبد بياض أعرف أنه هرمون وهالشي ماشفته بدجاج أستراليا بحكم إني عشت فيها فترة طويلة. << سؤال خرب الجو :)
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات و شهر     اخر تحرير بواسطة زياد قبل 7 سنوات و شهر
هههه بالعكس سؤال على الجرح, اعتقد ان الي عندنا متساويين ,لكن اذ تقدر تتفق مع احد عنده مزرعه قريبه من الرياض بتربية دجاج عنده وكل مره يذبحلك اوينضفلك الي يكفي لأسبوع
عضو واحد وجد هذا التعليق مفيد
هل ترى أن هذا التعليق يضيف للموضوع؟      نعم لا
image 129734 زياد قبل 7 سنوات و شهر
تسلم لي فكرة طيبة سليمان.. الظاهر بنسويه مشروع للعائلة كذا لأن والله هالهرمونات دمار للغدد.
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات و شهر
زياد

اذا اردت ان تطاع اطلب المستطاع

واذا مو جايز لك ارجع لاستراليا

جاي للسعوديه وتبي شئ زين

عيب يا زياد عيب مو من حقك تطلب شئ كويس هنا

راحت حياتي وانا اعلمك واقول لا تطلب شئ كويس هنا تبي سافر برى اشتر دجاج وكله بعدين ارجع

اخ بس الله يهديك لازم تروح لدول عندها حمايه مستهلك

مو حمايه مستهلك يرأسها شهبندر التجار

جزاء لك وردع لأمثالك قررنا نشهر بك في الجرايد علشان ماعاد تطلب شئ زي كذا مره ثانيه
هل ترى أن هذا التعليق يضيف للموضوع؟      نعم لا
image 101338 سليمان قبل 7 سنوات
هههههههههه قويه سالفة التشهير يا ابو ميرال
هل ترى أن هذا التعليق يضيف للموضوع؟      نعم لا
image 30783 ابو ميرال قبل 7 سنوات
ما تشوف اجل يا سليمان

زياد يبي يخرب سوق التجار الامينين المساكين الي ينرحمون

يبي يقطع ارزاقهم مساكين كل قرش يجيهم يتصدقون به ويبنون مساجد ويشترون بيوت للمساكين

واهم شئ يهتمون به صحه المواطن

اجل يرضيك هالكلام زياد يبي يقطع رزقهم مساكين

نبي نشهر بزياد خلاص قررنا مافيها كلام
هل ترى أن هذا التعليق يضيف للموضوع؟      نعم لا