أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

استفسار عن الكافيهات

default avatar لهلوبه قبل 6 سنوات و 4 شهور
السلام عليكم ورحمة الله وبركاته :

انا اشتغل في معهد و نبغى نأجر الكافتيريا لـــ مقهى بس حابه استفسر كيف تتم طريقة التأجير
وكم السعر و تنصحوني بايش لانو المعهد مايتحمل خسارة فاياليت تعلموني طريقة التاجير واسماء الكافيهات وكم يكون الاجار




وشكراً
هل ترى أن هذا الموضوع مفيد؟      نعم لا
image 30783 ابو ميرال قبل 6 سنوات و 4 شهور
الشركات الكبيره مثل جافا تايم وغيرها عندهم مستشارين عقاريين يدورون لهم مواقع تجاريه ذات استثمار طويل الاحل وهم الي يقدرون يحددون مدى صلاحيه المكان وفائدته

اتوقع يلزمك الاتصال بالشركات والتواصل بهذا الخصوص

اما اذا تبون تاجرونه على اي شخص شوفي موقع مستعمل يمك تحصلين ناس يبحثون عن فرص مثل هذي

http://Www.mstaml.com
هل ترى أن هذا التعليق يضيف للموضوع؟      نعم لا
image 129734 زياد قبل 6 سنوات و 4 شهور
يختلف الموضوع بحسب حجم المعهد ونوعه وهل هو تجاري أم لا وعدد الطلاب وساعات التشغيل. إذا كان المعهد صغير وفيه عدد صغير من الطلاب، فلو أنا صاحب قرار بالمعهد، راح أعرض الموقع مجانا كإيجار مع نسبة ١٠٪ لأول سنتين ثم بعدها أدرس الموضوع مرة أخرى. لأنها دعاية للمعهد وأسلوب لترغيب الطلاب وإرضائهم والمقاهي.
إذا كان المعهد كبير جدا وبه عدد كبير ومغري للمقاهي بالعدد فممكن طرحه مناقصة ومراسلة المقاهي الكبيرة بعدد الطلاب والمساحة وساعات العمل وغيرها لتقديم مناقصتها. والأفضل يفتح كم فرع وكم مقهى. تحديد الإيجار صعب إذا لم يكن هناك أرقام ومعلومات عن المعهد. لكن شخصياً أفضل أسلوب المناقصة بالعدد والمميزات والجودة.
هل ترى أن هذا التعليق يضيف للموضوع؟      نعم لا
image 30783 ابو ميرال قبل 6 سنوات و 4 شهور
انا مع فكره زياد
هل ترى أن هذا التعليق يضيف للموضوع؟      نعم لا
default avatar أبوسارا قبل 6 سنوات و 4 شهور
اذا معهد كبير وشغل رسمي مناقصات وخلافه
راحى ترسى على د كيف

واذا معهد عادي بامكانك جلب عامليتين والاتفاق مع احد المقاهي الكبار لتوفير القهوة والحلا بسعر الجملة ويكون شبه تشغيل من شركة كببيرة
هل ترى أن هذا التعليق يضيف للموضوع؟      نعم لا
default avatar لهلوبه قبل 6 سنوات و 4 شهور
المعهد صغير ودوبه فاتح ولا فيه طلاب كثير وابي اجذب الناس له بالمقهى وخاصه انه فيه جزء خير في المكان ..


بس وش تنصحوني بأي مقهى ؟؟
هل ترى أن هذا التعليق يضيف للموضوع؟      نعم لا
default avatar أبوسارا قبل 6 سنوات و 4 شهور
انصحك تسوي مقهى خاص فيك وتجيبي دونات من دانكن وتشيز كيك وخلافه من جافا تايم
ومكينه قهوة ايطاليه ووحده امريكية وعاملتين فلبن
واكواب ومناديل مطبوعة وخلاص
ودام انه مقهى وطلاب احرصي على الاسعار تكون معقولة
هل ترى أن هذا التعليق يضيف للموضوع؟      نعم لا
default avatar لهلوبه قبل 6 سنوات و 4 شهور
سوينا كذا والمكان مجهز بس المشكلة ان القهوة يكون طعمها مو حلو مثل المقهي ....؟؟

ولا يكون عليها اقبال ؟؟؟
هل ترى أن هذا التعليق يضيف للموضوع؟      نعم لا
image 30783 ابو ميرال قبل 6 سنوات و 4 شهور
ألقهوه مزاج وليست تجاره فقط
هل ترى أن هذا التعليق يضيف للموضوع؟      نعم لا
default avatar أبوسارا قبل 6 سنوات و 4 شهور
اذن المشكلة عندك في اعداد القهوه
حاولي تظبطين المقادير ونوعية القهوة والماكينة نفسها
هل ترى أن هذا التعليق يضيف للموضوع؟      نعم لا
default avatar لهلوبه قبل 6 سنوات و 4 شهور
طيب انا احاول بس لان المركز يستضيف ندوات وملتقيات ومحاضرات بين فتره وفتره علشان كذا كنت حابه ان مقهى تاجره او تاخذه تجربه لاني ملاحظة عند الاقل على القهوة ...

واذا ابي علامات قهوة من وين اجيبهم ؟؟؟
هل ترى أن هذا التعليق يضيف للموضوع؟      نعم لا
default avatar أبوسارا قبل 6 سنوات و 4 شهور
وشقصدك بعلامات..؟
هل ترى أن هذا التعليق يضيف للموضوع؟      نعم لا
image 129734 زياد قبل 6 سنوات و 4 شهور
القهوة لها طريقة إعداد معينة، لازم يستخدم فيه الثيرموستات، ولاتزيد درجة حرارة الحليب عن ٧٥٪ تقريباً، وتحميص القهوة والطحن له دور. اليوتيوب مليان دروس في هالموضوع.

الأهم في القهوة التدريب التدريب التدريب والتجارب حتى تضبط القهوة.

إذا مانفع التدريب، إحسن طريقة شراء مكينة نسبرسو التجارية، تجي لها علب قهوة توضع في المكينة وتضبط القهوة بشكل ممتاز.
هل ترى أن هذا التعليق يضيف للموضوع؟      نعم لا
default avatar لهلوبه قبل 6 سنوات و 4 شهور
اقصد عاملات؟؟ هههههه
هل ترى أن هذا التعليق يضيف للموضوع؟      نعم لا
default avatar أبوسارا قبل 6 سنوات و 3 شهور
لا تصعبين الوضع ترى قهوة سهله مره

اهم شي الرزق والبركة لو هي نسكافيه ام ريال
هل ترى أن هذا التعليق يضيف للموضوع؟      نعم لا
image 30783 ابو ميرال قبل 6 سنوات و 3 شهور
مكينه نيسبريسو الي قال عنها زياد فظيعه تسوي اكثر من عشرين نوع خطيره بس مادري هل التعبئه متوفره عندنا
ابي اجيب منها ﻷمكتب عندي
هل ترى أن هذا التعليق يضيف للموضوع؟      نعم لا
image 129734 زياد قبل 6 سنوات و 3 شهور
عندي وحدة بالبيت ومبسوط عليها للآخر. سهلة سريعة. التعبئة موجودة بفروع نسبرسوا بالعالم،، في الرياض فيه فرع في مول سنتريا في وسط السوق يبيعون التعبئة. وإذا مالقيت فجرب أون لاين.

اللي أنصح بها للمحلات نوع تجاري من نسبرسو Commercial Nespresso
هل ترى أن هذا التعليق يضيف للموضوع؟      نعم لا
image 30783 ابو ميرال قبل 6 سنوات و 3 شهور
http://www.nespresso.com/pro/aguila/pays/UK-ireland/home_en_UK.php


ما اتوقع هذي موجوده عندنا في الرياض
هل ترى أن هذا التعليق يضيف للموضوع؟      نعم لا
image 30783 ابو ميرال قبل 6 سنوات و 3 شهور
موجود نوع شفته في ساكو صغيره نفس فكره نسبريسو بس غاليه جدا 1500
هل ترى أن هذا التعليق يضيف للموضوع؟      نعم لا
image 129734 زياد قبل 6 سنوات و 3 شهور
مكينة طيبة! أتوقع سعرها يقارب ال٢٠ -٤٠ ألف.

اللي عندي Pixie +Milk Aerochino .. ممتازة الصراحة جداً. أخذتها ب ٤٠٠ دولار.

لكن ممكن في حالة كفي صغير ياخذون النوع الشخصي أكبر نوع. راح تتعب بالتعبئة كل شوي: حليب وموية.. لكن ممكن تمشي.
هل ترى أن هذا التعليق يضيف للموضوع؟      نعم لا