الصورة الشخصية للعضو TheStone
  • TheStone

  • العلامات: +31


لاتوجد صور

مطعم بيتزا.

المطعم هذا جديد، وعلى كلام العامل السعودي هناك هو فرنشايز لمطعم له أكثر من 35 سنة والشيف هو سويدي ذا أصول إيطالية، وجايبين عمال من فروعه الأصلية في بلاده حتى يكون الطعم هنا كما هو هناك.

نبدأ التقييم:

زرت المحل مرتين، جربت تقريبًا خمس أنواع بيتزا مختلفة.

المحل مشكلته أنه صغير وجلساته طاولات جانبية فقط (بار) مع مايقارب 10 كراسي، رائحة البيتزا العظيمة تجول في المكان بالكامل. تقدر تشوف الشيف وهو يضع المقادير والبيتزا في الفرن ( الكهربائي ) لأنه على كلام الشيف في إيطاليا يسوونها بالحطب بينما في السويد بالفرن، وموفرين شاشة تلفزيون، والمنيو شكله جميل بعد.

خلاص من الشكليات ندخل في العميق! المنيو فيه أكثر من 30 صنف بيتزا لحالها، و4 خيارات لبيتزا حالية من النوتيلا وغيرها، المشروبات كوكاكولا وأخواتها مع الموية فقط.

تتنوع البيتزا لديهم من خضار - بحري - لحم - دجاج وخيارات تشمل بعضهم ببعض، المشكلة في كبر المنيو هي الحيرة في الاختيار، لكن أضمن لك أن خيارك بيكون كويس، ماعدا في البحري، مايكون فرِش بس الشباب اللي كانوا معي عجبهم.

أول بيتزا جربتها كانت بولّو - دجاج مع الجرجير وصلصة مع شرائح طماطم - وتستاهل 1010. وبيتزا بحرية بالكامل من محار وجمبري وغيرها، على أنها أعجبت الشباب لكن أعطيها 710. وبيتزا فيها بيكون، وفطر وبيض لذيذة جدًّا تستاهل 910. وبيتزا فيها جمبري وخرشوف ومرتديلا لذيذة وتستاهل 810. وأخيرًا بيتزا مارجريتا لذيذة وخفيفة مرة عالبطن 910.

البيتزا عندهم مقاس واحد فقط وهو يكفي اثنين أكلهم عادي.

يعطون مع البيتزا سلطة ملفوف عادية مرة.

البيتزا أتعب وأنا أقول عجينتها خرافية! لذيذة مرة حتى أنك تحب تأكل أطرافها! الجبنة عندهم مرة لذيذة بعد! المطعم يستاهل الزيارة وأعطيه 910.

0 تعليق | هل ترى أن هذا التقييم مفيد؟      نعم

مطعم جميل...

عمر المطعم ليس بالطويل ولا بالعريق، لكن له مكانته في الشرقية الآن.

عندهم البيتزا رائعة، خصوصًا الفيلي تشيز ستيك بيتزا خورافية!

الرابس كويسة، ماعجبتني الكاساديا، الحلو عندهم يقدمون الناتشوز مع الوجبات وصوصين خيالية!

السعر غالي قليل لفئته، لكن أكيد يستاهل، عندهم عرض فطور بـ 14 ريال راب فطور من اختيارك وقهوة أمريكية.

الغداء أعتقد بـ 21 عرضه أو حوله، المطعم يستاهل زيارة.

1 تعليق | هل ترى أن هذا التقييم مفيد؟      نعم

تجارب عدّة! ولم يتغير رأيي.

في هذي الأيام، أنك تلقى مطعم مستواه ثابت! ولهذا أحب أقول، شكرًا لله على برجر نوك!

البرقرز عندهم فيها تنّوع حلو، مع وجود خيارين اللحم والدجاج، وبعض السندوتشات المختلفة والمقبلات، على قلّتها.

جربت عندهم عدّة أنواع وبأصنفهم بالنسبة لي مع شرح بسيط:
1 - بي سي أند بي 1010 ... لحم وجبنة مع بيكون، وصوص خاص بالمطعم! الكمال في برجر!
2 - ذا ميكسيكان 910 ... لحم وجبنة بيبر جاك، مع صوص مكسيكي.
3 - ذا نووك 710 ... ما أدري ليه بس ماحبيته.

7 من العشرة أعطيتها فقط لطعم اللحمة الخرافي!
صوص الجبنة عندهم لذيذ، وبريالين، وغير كذا فيه أنواع صوص كثير وتختلف أسعارها بين 1 - 2 ريال.
الفرايز مقرمشة ولذيذة!
المشروبات بيبسي أو ماء.
الأسعار الوجبة أعتقد سعرها 22، لربما البرجر صغير قليلًا والبعض يحتاج اثنين أو واحد ونصف لكي يشبعه.
العمالة نظيفة، التعامل جيد جدًا.
السلبية الوحيدة، وهي اللي ترفع الضغط بحق! هو التأخر في الانتهاء من الطلبات.

الطاولات مستواها عادي، وأتوقع كان ممكن يصرفونها بطريقة أفضل، فيه قسم عوائل وقسم شباب، قسم العوائل يطلع له بدرج.

0 تعليق | هل ترى أن هذا التقييم مفيد؟      نعم

تجربة بعد سفر متعب.

مساء الجمعة، قبل عودة الدراسة بعد عيد الأضحى بساعات... بعد خط الرياض المتعب، وصلنا الدمام، وقررت تكون تجربتي مع قريبي في هالمطعم لتوصية الوالد.

المطعم حول كورنيش الدمام في نفس الشارع اللي فيه أبل بيز، بجانب أعتقد مول الشاطيء.

مدخل المطعم ضعيف، جلساته جميلة، الخدمة شوي بطيئة.

المقبلات كانت حمص وتبولة، التبولة تستاهل 710 .. الحمص ما آكله.

الأطباق الرئيسية، عراقي صاج 9.5 10 .. كباب دجاج مكسيكي 8 10 .. رز صيني 5 10.

التوصية جتني للكباب العراقي، وكان لذيذ مرة! خرافي بالأصح!

الدجاج المكسيكي كان لذيذ، لكن للحين ما أكلت كباب دجاج وأعجبني!

الرز الصيني، حرام ينقال عنه صيني، لو ما أعرف الصيني كان سلكت لهم... لكن هذا أبعد ما يقال عنه صيني!

يجيبون خبز نان لذيذ! وحار، مخبوز في نفس المطعم.

يعتبر المطعم غالي، طبق الكباب بـ 45 ريال، والرز مثلًا بـ 16 ريال، بس يستاهل زيارة مرة في الشهر.

المعيار :

10 10 عظيم!!! ... 5 10 عادي ... 110 ما ينأكل!

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة