الصورة الشخصية للعضو رذونة

من أفضل المطاعم الشامية.

أنا كنت ماخذه فكرة سيئة عن المكان بصراحة، إنه غالي ومافيه إلا الجو الرايق بس.
ولكن لما رحت تغيرت نظرتي تماما، صحيح المطعم مو رخيص لكن سعره كان معقول. كنا ٨ أشخاص وأكلنا حتى الشبع :) والحساب كان ألف تقريبا.
الجو رايق، الإضاءة خافته وفيه موسيقى على ألحان أغاني فيروز، كنّا لما نسكت كلنا نجلس نتوقع إيش هي الأغنية.
يقولون إن الأطفال ممنوع، ولكن كان فيه كذا طفل واحنا موجودين.
الخدمة كانت ممتازة وماعندهم إلا تكرم عينك ومن عيوني آنسة.
إللي ناوي يروح له لازم يجرب الكبة بلبن والبطاطا الحارة وأكيد الحلّوم المشوي.
أنصح بزيارته.

1 تعليق | هل ترى أن هذا التقييم مفيد؟      نعم

برجر لذيذ وخفيف

أفضل مشروم آند سويس برجر قد ذقته. وأنا قد جربت كثير.
إللي يحب البرجر لازم يجرب هالمطعم. صحيح إن مكانه سيء و توو كاجوال يعني نظام اخدم نفسك بنفسك. لكن الطعم يستحق. وعلى كبر حجم البرجر إلا إنها خفيفة وماتجلس ع القلب أبد.
وفيه شيء زيادة. الفرايز حقتهم توب. ذكرتني بفرايز مكادونالدز أيام العز.

0 تعليق | هل ترى أن هذا التقييم مفيد؟      نعم

جو رايق أسعار غالية

المكان مره رايق. حبيته.
الخدمة فيه ١٠/١٠ والويترز سوپر لوڤلي ومستعد يحكي لك كل طبق وش مكون منه.
عندهم بيتزا بالخبز اللبناني لذيذة وخفيفة. وعندهم دجاج بالليمون برضو لذيذ
وعندهم حلى -مااتذكر وش اسمه- نزلت له صورة. طعمه خيالي.
الأسعار غالية حبتين، كنا ٣ أشخاص والحساب كان ٦٠٠ وشيء.

0 تعليق | هل ترى أن هذا التقييم مفيد؟      نعم

رحت له ٤ مرات ولا البرجر حقهم مخلص.

من نظام المطاعم الجديدة إللي بعد الساعة ١٠ يقولون لك مع السلامة خلصنا. شدعوى تراه برجر ليش تحسّسوني إني محتاجه يكون اليوم يوم حظي عشان آكل من عندكم.
الشيء الكويس فيهم إن عندهم نظام الإشارة -مثل إشارة المرور- من برا تشوف إذا لونها أحمر معناتها خلص البرجر لا تتعنى وتدخل وإذا أخضر معناتها تفضل. للحين ماشفت الأخضر أنا.

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة