الصورة الشخصية للعضو Abdulaziz Mansour

برجر ممتاز وخبز لا يعلى عليه

السلام عليكم

المطعم جيد من ناحية الديكور
البرجر ممتاز جداً ولذيذ الخبز طري وشهي
البطاطس لك عليه ومليان زيت,بطاطس الودجز جيد
طريقة تقديمهم للبطاطس على الطاولة ماعجبتني كثير
المميز في المطعم رائحة الخبز الطازج اللي تشق الراس شق.

قسم العوائل مافيه سواتر وحجتهم انهم لازالوا في الافتتاح التجريبي لكني ماأقتنعت بكلامه.

الاسعار معقولة نوعاً ما خصوصا ان المطعم على شارع التحليلة (وجبة البرجر ب33 ريال تقريباً)
المطعم يستحق الزيارة

0 تعليق | هل ترى أن هذا التقييم مفيد؟      نعم

واخيراً افتتاح فرع يمي ووك الثاني

السلام عليكم
بعد انتظار طويل تم افتتاح فرع يمي ووك على مخرج 2 شمال الرياض على الاقل يخف وقت الانتظار والزحمة
ويوفر علي المشوار.
المطعم جدد في الديكور وكذلك في المنيو والاختلاف الوحيد الرز البسمتي ماعاد صار متوفر للأسف!!

لاحظت على المطعم في الفترة الأخيرة اتباع مبدأ التوفير وتقليل الكمية فمثلاً الربيان صار عدده أقل ومقطع! (سابقاً ست الى سبع حبات كبيرة)
-الصوص حار ماعاد يوفرونه والحجه انه خلص ( جيتهم في اكثر من مره باأوقات مختلفة).
- اكياسهم صارت من النوع الردئ الخفيف لدرجة ان الكيس تقطع في يدي وانا شايل الاغراض.

وبالرغم من هاذي الملاحظات الطعم لازال ممتاز لكن خوفي انهم يبدون يغيرون المكونات ويقللون من جودتها

0 تعليق | هل ترى أن هذا التقييم مفيد؟      نعم

مطعم بهرجة

أنا كنت متحمس اني اجرب المطعم قلت
انه بيصير مطعم فرنسي من اسمه وشكله غريب وقبيح من برا,بس من اول ماشفت باص مطعم دايموند غسلت يديني
وصدق توقعي المطعم هو زيه زي مطاعم الخليج الصيني, ميراج, دايموند
المنيو واحد بس اختلاف الديكور
وطبعاً اسعااااااار مرتفعة لدرجة الاستغفال
المطعم متكلفين فيه كديكور ومكان بس احس انه مافيه ذوق وكل دور له شكل
الدور ثالث كأنه صاروخ فضائي وغرف الانتظار كأنه احد النوادي الليلية اللي نشوفها بالافلام

المهم اللي بيروح وبيشوف مكان جديد يروح له بس
بس من ناحية الأكل تراه نفس ميرااااج بس اللي يختلف عن الصحن

1 تعليق | هل ترى أن هذا التقييم مفيد؟      نعم

من أفضل المطاعم الشعبية

القريةالنجدية من المطاعم القليلة جداً بالرياض اللي يقدم الأكل الشعبي "النجدي"
انا عادةً أروح لفرع التخصصي وخدمتهم جيدة وأكلهم ممتاز ومنوع وتعجبني مثلوثتهم و المضغوط والمقلوبة وكلهم يستحقون التجربة
عيوبهم الاسعار مرتفعة شوي والزحمة خصوصا وقت الغدا

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة