الصورة الشخصية للعضو ألوان الورد

:(

بساتين الصين (الاسم غلط)

اسمه بستان الصين وله موضوع ثاني كتبته بالموقع

تعليقين | هل ترى أن هذا التقييم مفيد؟      نعم

جااه مدح مو طبيعي

على حسب المدح رحت أخذ منه
وانا بالمحل اسمع كم وحده تقول الكب كيك الصغير احلى
الكبير مو مره ودسم ومدري ايش
أشتريت كرتون وحطيت فيه كذا نووع من الكب كيك الصغير

أكلناه مع اهلي

حااااااااااااااااااااااااالي مرررررررره
وأسعااره مرتفعه

0 تعليق | هل ترى أن هذا التقييم مفيد؟      نعم

زيارتي الأولى والأخيرة

اليوم حبيت أكل شي صيني
فجلست افكر بكم محل
بالأخير قررنا نزور (بساتين الصين) في لي مول (مكتوب كلمه yiming يامينق أو شي كذا) بس مدري وشو ذا)
دايم نشوفه قلنا نمره نجرب

المطعم في الدور الثاني للسوق
في صاله المطاعم
فيه جلسات خاصه VIP
وفيه جلسات عاديه
للأسف ما صورتها نسيت
توقعته شي وبالأخير صدمني المطعم بغيت ارجع بس قلت تجربه

أول ما تقرب من جهت الجلسات ينطون لك بالقائمه حقتهم
من كثرها يوزعون لكل شخص قائمه

الطاوله فيها لون ازرق والستاره والكراسي على العنابي <<مدري وش دخل الأزرق في الموضوع
ما علينا للحين نبي نجرب الأكل

أخذنا قائمه وحددنا اللي نبيه كما هو مكتوب في القائمه
(فضلا ضع علامة صح أمام الطلب المختار و خطأ أمام الطلب الخاطئ)
لكن لمن جاء ياخذ الطلبات
ما أخذ المنيو
سألني وش طلباتنا ؟؟؟؟ طيب وشوله متعبني وأحط صح ومدري وشو

راح ورجع
عطاني الفاتوره <<تلاقون لها صوره إذا فهمتو وش مكتوب قولولي
ما فهمت إلا الأرقام بس والباقي كاتبينه بلغتهم :)
قالي أدفعي الحساب الحين
مع إنو في المنيو مكتوب فضلا دفع الحساب بعد إكمال الطلب للعوائل <<مدري هو بعد ما نعطيه الطلبات ولا بعد ما يحط طلباتنا على الطاوله :)

وبعد فتره جاب لنا الطلبات
كل شوي يجي ويحط طلب من طلباتنا
بصرااحه ازعااج
المفروض يجي مره وحده وينزل الطلبات ويروح
يجيب الطلبات اتوقع على حسب اللي يخلص مو على حسب رئيسي ولا مو رئيسي

راح ابدأ بكتابة الطلبات اللي طلبناها

1- لحم البقرة المقلي بالفلفل Hang pepper beef (35 ريال) مدري كيف شكله والطعم مدري كيف.. ابدا ما أعجبني..

2- لحم الدجاج المسكر مع الخل Sweet and sour chicken (39 ريال) هذا ما عليه حلو بس كأنهم حاطين كتشاب..

3-كرة الجمبري Prawns on grill (59 ريال) يقولون أهلي حلو مره بس أنا ما جربته << للأسف صورته يوم خلصوه هههههه

4- ريشي بطعم الثوم Garlic lamb chops (49 ريال) هذا أعجبني غير عن الريش اللي ناكلها الطبقه اللي فوقه مره اعجبتني..

5- أرز يانخ تشاو المقلي Fried rice of YangZhou Style (36 ريال) هذا اللي ما اعجبني أحسه ما أنطبخ زين..

6- مكرونة مع الخضروات المقلية Fried noodle of Vegetarian (42 ريال) بصراحه حلوه بس جتنا بااارده شكلهم من اول مسوينها..

7- بحار بالصلصة Cuttlefish sauce (49 ريال) أول ما قريت اسمه مدري ليه فكرته محار بس يوم جابوه ما أعجبني مدري هو وشو بس كأنه كرشه >> العلم عند الله أنا ما قدرت أكله...

8- مويه (علبتين) (العلبة بـ ريالين)
9- ببسي (علبة بـ ريالين)

الببسي والمويه يعطونك العلبة بدون كاسات...


بالبداية أخذ الطلبات بعدها جاب الفاتوره وقال ادفعي بعدها جاب الصحون والصويا والملاعق والشوك وبعدين جاب المويه والببسي وبعدين المكرونة اللي كانت بارده وقبل لا نخلصها بشوي جاب الروبيان وأكلنا وقبل لا نخلص بشوي جاب الرز ونفس الحكاية بعد فتره جاب الريش وبعد فتره الدجاج وبعد فتره جاب الللحم وبعد فتره جاب البحار..


تقييمي للمطعم 3 من 10


خدمة سيئه + بطيئين + بين فتره وفتره ينزل لي طلب ما جمعهم مع بعض + سبب ازعاج وقلق لنا


طبعا وأكيد وحتماً ما راح أرجع له ولا أفكر ارجع.............

صورة قائمة الطعام (Menu) موجوده
صور الأكل موجودة لكن أعذروني ما صورت إلا متأخر
لأنو الوضع ما كان عاجبني :(

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة