الصورة الشخصية للعضو فوفو
مدينة عيسى

دونات حلوه و لكن

امممم انا برايي ان دوناتهم حلوه لكن القهوه ما تسوى فلوسها حرام الواحد يدفع لها فلس

استغفر الله و عن نفسي ما افضل الا النوع المحلى بالسكر بس

اما باجي الأانواع ثقيله وايد و من اقدر اكمل القطعه من كثر ما هي ثقيله

بالذات اللي يصير داخلها كاسترد

وبالنسبه للفلوس فبصراحة سعر دوناتهم غالي مقارنه مع باجي محلات الدونات و ما يسوى

بس اللي يعجبني فيهم ان من تصير مناسبه لازم ينتجون نوع معين من الدونات حق هالمناسبه

1 تعليق | هل ترى أن هذا التقييم مفيد؟      نعم

جست اباستا

مطعم يقدم الباستا و المعكرونه

عنده انواع معكورنه عجيبه و يخلي الزبون يشوف الشيف و هو يسويها

من مميزاته :-

المعامله حلوه من قبل الشيف و اللي يشتغلون هناك

يتم فاتح لغايه ما يسكر المجمع

اكله لذيذ

من عيوبه:-

ما عنده انواع سلطه وايد غير نوعين بس

و عنده شوربه بس نوع واحد

باستته نفس مطعم يم يم تقريبا و نفس السعر

0 تعليق | هل ترى أن هذا التقييم مفيد؟      نعم

وجه الأختلاف

انا زرت هالمطعم بالبحرين و الكويت

بالنسبه للبحرين فهو نفس الأكل عمره ما تغير و صار لي سنين اروحه و هو نفس الشي

لما اروح دايما بوفيه و بوفيهم حلو بس ما فيه انواع وايد و السلطات اللي عندهم ما تعجبني

يعني خيار مقطع و جزر مقطع و خس مقطع طيب وين السلطه

و عشان لا اكذب عليكم فيه سلطات بس قليل طبعا انا قاعدة اتكلم

عن اخر مرة زرتة كان من 8 شهور تقريبا و بصراحة انا اشوف الحال قاعد يتراجع كل مرة اروحه فيها

لكن اللي يعجبني الأيس كريم اللي عندهم احبه وايد

و فيه اضافات وايد تقدر تسوي الأيس كريم اللي تبيه

الحين بتكلم عن الكويت

لما رحت بالكويت لقيت فيه اصناف اكثر من البحرين و لازم كل مرة اروح الاقي صنف جديد

و عندهم البيبسي لو تشرب 100 مره محد يكلمك مو مثل البحرين اذا تطلب بيبسي لك مرة وحده

و الخدمه بالكويت احسن يعني ما تحس ان في احد يراقبك مثل البحرين

و اذا طاحت شوكتك ايبون لك 10 بس بالبحرين تقعد تركض وراهم عشان شوكه

و بالأخير تضطر تاخذ شوكه من الطاوله اللي يمك

امممم هالمطعم هادي سواء اللي بالكويت او اللي بالبحرين بس

اللي بالبحرين بالعيد لا تفكر تروح له لأن الزحمه مو طبيعيه و تقعد تنطر بالدور عشان تدخل

0 تعليق | هل ترى أن هذا التقييم مفيد؟      نعم

خفيف

اللي يعجبني بهالمطعم انه اكلهم خفيف بالنسبه للمطاعم السريعه الثانيه

و اسعاره ارخص من المطاعم الثانيه

على فكرة المطعم متخصص بالدجاج و الأكلات البحريه ما عندهم لحم

عن نفسي ما احب اطلب الاكلات اللي فيها خبز لأن ما عندهم خبز اللي عندهم بسكويت

يتكون من بطاطس + خبر وماله طعم بصراحة مو حلو لا تطلبونه

البطاطس اللي عندهم عجيب يشبه الودجز فيه خلطة توابل بس مو حار و مقرمش

عن نفسي افضل وجبه الجكن فليه وايد حلوه

و في وجبه جربها اخوي و وايد مدحها اسمها ماكس

الوجبه تتكون من بطاطس و بيبسي و سندويش جكن فليه

و سلطه ملفوف { السلطه في داخلها مخلل خيار فكرة يديده و حلوه بس حق اللي يحبون مخلل الخيار نفسي =) }

و داخل الوجبه بعد قطعتين دجاج بدون عظم و الوجبه في منها نسخه ثانيه بس بالأكلات البحريه حق اللي ما يحبون الدجاج

ساعات اطلب وجبه بس فيها قطع دجاج بدون عظم طعمه عجيب و خفيف جربوه طبعا الوجبه معاها بطاطس و بيبسي

اممممممم ما جربت الأكلات البحريه بس الروبيان شكله حلو من عندهم لي جربته بقول لكم

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة