الصورة الشخصية للعضو الأمورة

أحسن شي الجلسات الخارجية بالجو الحلو

جربت تشيمني كيك فرع جرير اللي جنب جامعة الإمام.. جربته مرتين. مرة بالصيف ومرة قبل كم يوم..

بصراحة بالصيف جلساته متعبة.. حر وغبار ومرواحهم مثل قلتها. يعني ياليت يغطون الجلسات ببلاستيك شفاف وتكيفونها؟ مثل مانشوف بجلسات مقاهي لبنان وأوربا.

هالأيام الجو خرافي وطبعاً الجلسة الخارجية حلوة وديكورهم متعوب عليه.
طبقهم الرئيسي التشمني كيك الهنقاري، جربته بهنقاريا وسلوفينيا وبولندا وأعرف الكيك زين.
طعم التشمني كيك عن تشيمني كيك: جربت عدة أصناف من النوتلا والزعتر والجبن والتمر.. بصراحة.. النكهات ضعيييييفة ولابان فيه ريحة الحطب أو الفحم. ونفس الكيك طعمه كله واحد كأنه طعم التميس وفوقه حشوات :D ..
ياليت المحل يركزون على تطوير التشمني كيك.. لأنه ظالمه.

المهم ونجي للقهوة: بصراحة جربتها بالصيف وكانت سيئة لأبعد حد..مرة مرة عدمت مزاجي وقلت للعامل يعيدها ونفس الشي. وماطلبتها مرة ثانية بالزيارة الأخيرة.

جربت الفطور العربي عندهم مع الخبز.. يحطون سلة خبز وفيه قطعة تورتيلا (طعمها بلاستيك) أقترح يشيلوننننها مرة.. يعني عندكم مكان خبز.. سوو لو خبز صاج فرش؟
الفطور العربي حلو... وتقديمه جميل وأذكر الفول والشكشوكة كانت مرتبة والأجبان حلوة.

الخدمة: أعطيها ٦/١٠ .. العمال مفهين شوي ومديرهم يتميلح بزيادة!

الجلسات الخارجية حلوة (حسب الجو)... بس تخرب مرة لما أحد يدخن بجنبك أو بالممر.. ياليتهم يمنعون التدخين منهم أو من إدارة المجمع.

0 تعليق | هل ترى أن هذا التقييم مفيد؟      نعم

الميلفيه وكيكة الأوبرا

تعرفت على كلمات بموقع قيم،، وجربت الميلفية (حبيت شكلها بالصور) وقطعة تشبه كيكة الأوبرا (الطبقات) منذ شهر تقريباً لفرع بطريق أبو بكر (للأسف تم إغلاقه).

تفاجأت أن حجم الحلويات أصغر من الصور بكثير وسعر كل قطعة ب ١٠ ريال (يعني ممكن يكون أقل من ١٠ على الحجم الصغير).

كان طعمها ممتاز والميلفية مقرمشة ومو حالية بزيادة، موزونة صح. لكن .. ممكن يكون الميلفيه آحلى لو أضافوا له نكهة عربية مثل موية الورد المزعفرة ورشة فستق. ذويقة؟ أدري :)

ماجربت باقي الأصناف لكن إن شاء الله أجربهم لو حصل لي.

وياليت يغيرون شعارهم مرة تاعبني الخط المعفط.. مرة مو حلو كبراند.

أقترح لشركة كلمات لو قدموا القهوة بفروعهم وحطوا طاولتين بالوسط للجلوس راح يكون المكان إدمان خصوصا مع رائحة القهوة والحلا بنفس الوقت. (بس هاه عطوني هدية على الأقل على الفكرة :P)

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة