زيارتي للمطعم كانت قبل يومين فتره الغداء .. رحت له الساعه ٢ ونص ودخلنا للفندق وكان من احسن مايكون لانه هادي ونظيف للأمانه هذا تقييمي بعد عده زيارات وسكنت فيه وكان أفطارهم جيد مااذكر الاطباق بصراحه بس كانت تجربه حلوه مع السكن .. نجي لتحربتي قبل يومين .. دخلنا وسجلنا شخصين .. قربوا لنا البارتشن بكل ادب وقالوا لنا عل عندكم طلبات من المشروبات وطبعاً طلبنا مشروب .. وبدينا بالاتجاه للبوفيه ابتداء بالسلطات احلى شي ذقته بصراحه سلطاتهم وتنوعها والله أعجبتني جداًخاصه سلطه قطع الدجاج متنوعه ولذتها حلوه وفيها وفيها التونه وفيها سلطات الزيتون وقدر معقول وجميل من السلطات .. والأطباق الرئيسيه كانت حلوه لكن مافيه طبق لفت نظري بشده الا البرياني حبيته وكذلك الكبه جميله .. وكان موجود رز ابيض ومكرونه بالجبنه والصلصه الحمراء وسمك هامور .. لكن الغريب مافيه ولا نوع دجاج لا شيش ولا دجاج مشوي ولا اي نوع من اسياخ اللحم او الدجاج سوا قطع من الدجاج شبيه بالبروستد ماحبيته .. نجي للحلا كان ممتاز ومتنوع جداً وكان افضل طبق ام علي كانت مضبوطه جداً وكذلك قطع الشوكلت بالبسكويت وقدر منوع من الفواكه .. تجربتي عامه من حيث النظافه ١٠/١٠
من حيث الأكل ٩/١٠
من حيث الخدمه والعاملين ١٠/١٠
من حيث السعر ١٠/١٠
بشكل عام راح اعيد التجربه في مداريم كراون بس ع البوفيه البحري لجلساته الجميله ع المسبح
اخيرا السعر لشخصين كان ٢٦٠
يعني الواحد ب١٣٠

ذهبت لمطعم الفندق في آخر يوم من رمضان 1434، في الواقع كان ذهابي له لقربه من البيت ، وإلا فجميع المؤشرات لا تشجع للذهاب للفندق (تقييمات الناس هنا وفي المنتديات سلبية بشكل خيالي ، وأغلبها من 2009 إلى 2011). لكن في الواقع اكتشفت أن تجربة الإفطار اختلفت 180 درجة على ما يبدو ، لي تجارب كثيرة في إفطار الفنادق في رمضان ، وأستطيع أن أقول أن إفطار مداريم كراون من أفضلها إن لم يكن الأفضل ، للنقاط التالية:
- الجو العام: جلسات رائعة حول المسبح والشلال (للعوائل) وفي ممر طويل مرصوف (للعزاب) مليء بالخضرة والنباتات ورشاشات الرذاذ والمكيفات الصحراوية ، مع بروجترات لعرض البرامج الرمضانية ، والمكان واسع وشرح (بعكس الشيراتون مثلا)
- الخدمة: عدد هائل من العمال ، ما راح تتعب في استدعاء أحدهم.
- الأكل: وهنا الجزء المهم.. المطعم يقدم ما يلي:
** شاورما طازجة يقطعها لك العامل.
** خبز هندي طازج (نان) يخبزه العامل أمامك على الصاج
** مشويات طازجة تشوى أمامك.
** فول وفلافل طازجة يتم تحضيرها وقليها أمام ناظريك.
** كلات شعبية (مصابيب بالعسل) يتم تحضيرها من قبل طباخات سعوديات مشاركات في البوفية.
** بان كيك يحضر أمامك على الصاج الكبير بأنواع الإضافات.
(جميع ما سبق أركان يتم تحضيرها أمامك ، بعض الفنادق كويس لو حطوا ركن واحد كذا)
** ركن السلطات والمخللات
** ركن الشوربات
** ركن الأطباق الرئيسية
** ركن الحلويات
** ركن العصائر + مكينة قهوة ذاتية

الأكل كان لذيذ وساخن.

إضافة إلى تقديم سحوبات وجوائز كثيرة (أكثر من 30 جائزة تقريباً)..


يبدو أن إدارة إفطار رمضان قد تغيرت للأفضل ، لذلك أنا أدعو الجميع لتجربته.

أخيرا السعر معقول جدا على الخدمات المقدمة (180 ريال للشخص).

للاسف غاااااااالي على قل سنع
باكل من برى بربع السعر اللي باكل به عندهم
لا واكل حار ولذيذ
اكلهم بارد وسامج الله يديم النعمه
للاسف ماراح اعيد التجربه

اول كان الطعم رهيييب ..رحت له ثاني العيد غدا مو بذاك الزود..انصدمت فيه بصراحه..غير انه البوفيه مافيه مشويات والاكل بدون طعم والباقي مالح بزياده ..وعصيراتهم مو مره غير انها حاره!!
للاسف لييش تغير مادري

والله ياخوان انا اول مره افطر فيه بعد ما صار مداريم للاسف كان المفضل لدي في رمضان لكن صار بعدها من اسوأ المطاعم الي اكلت فيها خاصه وانها محسوبه عليك الدعاية السابقة الخاصة بفهد كراون لكن لما تروح وانت متحمس ما تسحرت مجهز للميتين ريال الي بتدفعها تتفاجأ بان الاكل بارد وماصل ( يعني رديء ) واصنافة محدودة بالرز والمشاوي والحلى ؟؟؟ معقوله على فندق بمكانة فهد كراون ما فيه الا الاصناف الرئيسية هذي بس .؟؟ لا والي زاد الطين بله السيرفس (الخدمه 15%) <<< على ايش بس ؟؟؟؟ يعني الي ناوي يجرب مطاعم والله ما انصحه ياخوان واخوات يروح للمداريم خاصه السنة هذي والحقيقة اقيمه من 10 (1) وتخب عليه

بما أني ممن يعشقون الأكل البحري لذلك دائما أفضل البوفية البحري الموجود على المسبح
المطعم يوجد فية نوعين من الجلسات داخلية وفية على المسبح طبعا فيه ترطيب للهواء بالرذاذ مرره رايق واضاءه خافتة والحلو برضوا أن مافية أزعاج اطفال بالمررة غالبا رجال أعمال أو عوائل مع أطفال كبار نوعا ما
الخدمة رووعه صراحة
طبعا البوفية دايما يتكون من شوربة رئيسية بحرية
سلطات منوعه ( أنواع لذيذة وكثيرة ) طبعا هذا يميزه عندي وطبعا فيه كذا نوع من سلطة الجمبري
كبة+ سمبوسة + حمص +متبل .. الكبة لوحدها شي ثااني
ثلاث أنواع من الرز
داود باشا + دجاج على الطريقة الهندية+ شعيرية + خضار سوتيه
كبسة باللحم والمكسرات بالمررة لذيذة
بالاخير تشكيلة بحريات الزبون يختارها وطبعا يحدد اذا يبغاها مشوية أو مقلية
المشروبات والموية طبعا داخله من ضمن البوفية ماعاد العصيرات
الحلا تبعهم .. شيء
يعجبني أغلبة التشيز كيك مرره حلو وكيك الشكولا بالفراولة وبرضوا فيه كيك الاناناس وأم علي صرااحه كله رووعه

الشاي الأحمر والأخضر بالنعناع له جوووه الخاص بالجلسة بجانب المسبح
النظافة بالمررررره شغلهم نظيف
وسط الأسبوع يكوون الجو رايق مافي زحمه ولأ ازعاج للي يحب الرواقة
دوم أنصح به ولا زلت
تحياتي

للتنويه

صار اسمه مداريم كراون >> على فكره وش معنى مداريم

اكثر شي عجبني عندهم بوفيه السي فود مررررره عجيب بس صراحه تعتبر اسعاره مرتفعه