👍👍المطعم اعجبني .. زيارتي حديثه هالاسبوع بصراحه الجو كان في الجلسات الخارجيه رااائع ورذاذ التهويه جميل .. والمطعم يقدم بوفيه للشخص بقيمه ١٩٥ ريال .. البوفيه شامل كل شي بالمطعم ماعدا المشروبات .. بالنسبه للسلطات مره لذيذه بس ماكانت متنوعه محدوده بس الموجود كله حلو .. المشويات كانت تعرض امامك نيه وتختار المفضل عندك ويشوونه لك ويجيبونه ع الطاوله كان منوع مره منها الجمبري ولحم البقر ولحم غنم ودجاج نوعين واسياخ شيش وقطع سمك والقواقع البحريه ..ولحم ستيك كلها تطلب وتشوا لك ع حسب رغبتك والشوي يكون قدامك ع الفحم ممتع بصراحه .. وفيه سخانات مقفله بداخلها فطاير محشيه باللحم والدجاج .. وكذلك فيه سخانات عند المشاوي تحتوي على ذره مطبوخه وطبق مكرونه وبطاطس مهروسه .. والعصير فيه عامل يصب لك النوع اللي تبيه .. وفيه كذلك ايسكريم منوع حلو مره وتاخذ انت بنفسك بالبسكويت .. وكذلك الحلويات كانت حلوه جدا وكان فيه طبق جميل في سخان وحار .. وانواع تارت بالكريمه وتارت بالرمان وانواع من الحلا الجميل .. ويوجد قطع اناناس وبطيخ وتفاح وعنب .. عموماً المطعم كله اعجبني كجلسه وجو والعاملين كل شوي ينظفون الطاوله ويشرفون مايتركونك للامانه ممتازين في التعامل .. والطاولات لايوجد فيها بارتشن كلها مكشوفه ع بعضها .. تقييمي للمطعم ممتاز من جميع النواحي وخاصه الجلسات ونظافتها .. وسلامتكم
اذا تبين تسجلين زيارة لازم تكوني حولين المطعم عشان يلقطه بال gps اما اذا تبين تنزلين صور , ادخلي صفحة المطعم تلاقي بجانب الصوره الفارغة الكبيره الي عل يسار الصفحة زر مكتوب عليه اضف صوره
حلو والله المكان ,, ياريت مواعيد البوفية ؟ وهل هناك طلب عادي بدون بوفيه ؟ وما رأيك اذا رأيتي قائمه حقتهم بالنسبة للأسعار وكذا ؟ , هل المكان في افراد ولا بس عوائل ؟
اها اجل لازم اكون قريبه للمطعم لو عارفه سويت بس ماكنت اعرف طريقه تنزيل الزياره يالله المرات الجايه ان شاءالله .. اي حلو اجل بروح انزل الصور ... شكراً لك ع المعلومات
اي حيل حلو واعجبني كثير والجو خطير خاصه هالايام مع بروده الجو شويات .. انا رحت الساعه٨ المساء وجلست للساعه ١٢ واشوف ناس داخله لحد ١١ يستقبلون .. وماقفل الا ع ١٢ تقريباً .. والقائمه بصراحه ماشفتها بس اتوقع انه نظام بوفيه بس مو متأكده .. وبالنسبه للاسعار بوفيهم ب١٩٥ وكان معنا اربع كوبونات لمطاعم الرياض وطلع لنا الشخص ب١٢٤ ريال .. والمطعم فيه عوائل وشباب لاني شفت قروبات شباب لوحدهم .. واسفه ع الاطاله