واتر ليمون Waterlemon

لبناني, برجر

41 يعجبهم ,18 لا يعجبهم

الصور

جميع الصور

التقييمات

جيد جدا كتغيير :)

Aljawharah al-m قبل 8 سنوات و 8 شهور

جيد جدا كتغيير

| هل ترى أن هذا التقييم مفيد؟ نعم

المطعم المره ههذي سيء

TJ قبل 9 سنوات و 6 شهور

المقبلات وصلت بعد الطبق الرئيسي.. البطاطس كانت مقلي بزيت مع شي ثاني .. جاي فيه نكهه لحم ... لما اشتكيت للمدير قالي احنا مضغوطين

| هل ترى أن هذا التقييم مفيد؟ نعم

فرع الفيصليه

غدو ، قبل 9 سنوات و 8 شهور

الاكل لذييذ < واظن هذي الميزة المتبقيه بس

الخدمة مب مره :/
قعدنا ساعه ننادي احد يجي يآخذ الطلب
والطلبات مرره حوسه كل ما طلبنا شيء قالوا مافيه
طلبنا وجبات الفطور قالوا مافيه بعدين طلبنا كوفي قالوا المشين خربان مافيه
طلبنا عصير بثلج مافيه ثلج
شيء سيء جدا وينرفز
ويوم جينا نطلع تهاوشنا معهم على رسوم الخدمة يقولون بنشيلها بعد شهرين
طلعنا مادفعنا الخدمة طبعاً
وانا طالعه كان فيه وحده تهاوشهم تقول لي نص ساعه طالبه آيس كريم بسس وماجبتوه

| هل ترى أن هذا التقييم مفيد؟ نعم

مغلق

عيون جدة قبل 10 سنوات و 5 شهور

فرع جدة الموجود في الحمراء تم اغلاقه

| هل ترى أن هذا التقييم مفيد؟ نعم

ممم

Dana.88 قبل 10 سنوات و 11 شهر

ليس هناك من تميّز في الطعام الذي يقدمه ووتر ليمون
لم اذهب في الحقيقه الى الفرع الموجود في شارع التحليه في الرياض
ولكن انطباعي كان من فرع الفيصليه
لا يوجد اي نوع من النظافه .. والطاولات والكراسي شكلها قبيح من كثر الاستعمال "مكروفه وممخشه"
لا اكرر التجربه

| هل ترى أن هذا التقييم مفيد؟ نعم

غداء عائلي

Fhdns4 قبل 11 سنة و 10 شهور

طيب من وين أبد...

رحت مع الأهل أمس الخميس للغداء عشان نونسهم وننسيهم جو الإختبارات شوي واقترحت اننا نروح واتر ليمون لأنه أغلبنا ما جربه من قبل، بدون ما أطول هذي ابرز ملاحظاتي:

المكان:
الجلسات أقل من المتوسط وكأنها شوي ضيق، والطاولات دائريه وماتنفع للجلسه الكبيره (كنا 8 أشخاص) والكراسي ما كانت ذيك المريحه
الإضاءه كانت مناسبه بس يوم جاء وقت الصلاة وخففوا الإضاءه صار الجو أحلى
ريحة المكان ما كانت شينه ولكن باينه ريحة المنظفات شوي ومعكره الجو العم شويتين
يشكل عام جلسات المطعم محتاجه تجديد لأنه شكله من يوم مافتحوا المحل ماغيرو الأثاث

المشروبات:
جربنا الفروتي موخيتو بالفراوله وكان عظييييييييييم، طبعا أنا أنصح بهالمشروب للي يحب العصيرات الخفيفه والليمونيه.
وجربنا بعد الليموناظه بالتوت وكانت حلوه، ولكن برايي أنا الموخيتو كان أطعم.

الأكل:
طلبنا أنواع واجد من الوجبات فابحاول أختصرها:
مقبلات الكومبو سيليكشن: مقبول ولكن كله زيت ألذ ما فيه الودجز
حلومي ساندوتش: الوجبه الوحيده اللي راح أطلبها المره الجايه (تنفع على الفطور بعد)
كلوب ساندوتش: كبيييييييييييييييييييييييييييره
سندويتش دجاج بلسميك: لذيذ بس مو مميز
كساديا الدجاح: لذيذ بس برضه مو شي واو
البيتزا: المميز فيها إنك انت تختار وش يحطون فيها بس، والطعم كان عادي

الحلى:
بعد كل هالأكل وتوقعون أننا بنطلب حلى!!!! للأسف الصراحه ما كان له مكان أبد ولكن سمعت أنه أفضل فوندو بالرياض هو عند واتر ليمون

الخدمه:
عموما جيده وما ماكانت بطيئه أبدا، المظيفين كانوا جدا متفهمين وماحاسوا أي طلب

السعر:
طبعا كل واحد وله حكمه على السعر هل هو مناسب وإلا لا فأنا راح أعطيكم السعر النهائي والحكم لكم، الغدا كلفنا تقريبا أكثر من 500 ريال بشوي وهذي تفاصيل الطلب:
3 صحون مقبلات مشكله
1 سلطه
4 عصيرات
6 مشروبات غازيه
6 أطباق رئيسيه

وإنشاء الله يكون أفادكم هالتقييم بشي