يعجبه ستيك دينر Steak Diner
تمت زيارة المطعم في وقت الغداء يوم الخميس 16/01/2014 وقد زرته عشاء في السابق عدة مرات
عروض الغداء ممتازة تجيك مع شوربة وسلطة ومشروب طلبنا دجاج مقلي مع سبانخ ورز
الخدمة ممتازة والنظافة عالية
الأكل كلن ممتاز جدا ولي الخضار في الصحن طازجة الدجاج رهيب الشوربة مرة حلوة وصوص السلطة بطل
الأسعار وقت الغداء ممتازة جدا 3 فئات حس بالوجبة 29 و 39 و 49 في العشاء أغلى من كذا
التقييم العام ممتاز 9 من 10
0 تعليق
|
هل ترى أن هذا التقييم مفيد؟
نعم
يعجبه ستيك دينر Steak Diner
أشوفه الى الآن من أفضل المطاعم بالرياض .. النظافة لحد الان مالاحظنا عليها شي ... أطباق لذيذة وسعر متوسط الى عادي ...
0 تعليق
|
هل ترى أن هذا التقييم مفيد؟
نعم
يعجبه ستيك دينر Steak Diner
انا شكيت في البدايه في البدايه ان هذا باك يارد من الصحون بعدين شفت داخل المطعم طلع هو ١٠٠٪ !!!!!! وش السالفة؟
يعجبه ستيك دينر Steak Diner
يستحق كل الثناء الذي قرأته هنا في قيم..
هدوء
خدمه
وجميع العاملين لطيفون..
طلباتنا
شوربة الدجاج بالكريم١٠/١٠
سلطة السيزر بالدجاج ٩/١٠
سباتيش ديب ٧/١٠
فوتوتشيني بالدجاج١٠/١٠
سيزلنغ فاهيتابلاتر بالدجاج١٠٠/١٠٠
الحساب ١٥٤ فقططط
انصح به بشده
عيبه الوحيد..
كمية الأكل أقل من السعر..
يعني فوتوتشيني ب٣٨ ريال مفروض تكون اكثر شوي
0 تعليق
|
هل ترى أن هذا التقييم مفيد؟
نعم
المطعم رائع و مميز و أسعاره عادلة جدآ و موقع المطعم مميز كذالك .
هذا المطعم يستحق الزيارة بشكل دائم و لكن بشرط حسن أختيار الطلبات ففي كل مطعم ما هو جيد
و ما هو سيء و كذالك ستيك داينر فيه الزين و فيه الشين مع ان الغالب لديه زين و مميز كذالك
عندهم مقبلات رائعة مثل سبانتش ديب و تشكن كرسبيز و عندهم كذالك وجبة لذيذة أسمها سيزلنغ فاهيتا بلاتر
و عندهم وجبة ثانية مميزة أسمها أجنحة دجاج كوكابورا لمحبي أجنحة الدجاج (التشكن ونقز)
جربوا هذا المطعم و لن تندموا
سعر ممتاز
و
طعم ممتاز
و
موقع ممتاز
و
خدمة ممتازة و أحترام للعملاء
وش تبون أكثر من كذا ؟؟
صحة و عافية مقدمآ
0 تعليق
|
هل ترى أن هذا التقييم مفيد؟
نعم
يعجبه ستيك دينر Steak Diner
ستيك دنر من المطاعم اللي تعجبني كثيير ...
الاشياء اللي اعجبتني فيه:
1- اسعاره رخيصه مقارنه ب تشيلز وفرايديز خاصه وقت الغداء
2- المطعم ما عليه زحمه كثير
3- طعمه لذيذ جدا وفيه نكهه تعجبني وايضا افضله من هالناحية على تشيلز وفرايديز ومن وجباته اللذيذه البرجر بانواعه وال فوتشيني مع الدجاج تستحق التجربه
سلبياته الدفع كاش ما فيه طريقه ثانيه
عموما انا مو من عشاق الستيك فتقييمي له بعيدا عن هالنوع
والمطعم يستحق الزياره اكثر من مره بالنسبه لي وانصح فيه
0 تعليق
|
هل ترى أن هذا التقييم مفيد؟
نعم
يعجبه ستيك دينر Steak Diner
الهمبرجر اللحم حق خطيييييييييييييير:: والحلويات ماشاء الله احلى حلا قد اكلته:: وافكر اجيه اكثر من مرة
0 تعليق
|
هل ترى أن هذا التقييم مفيد؟
نعم
المطعم من الخارج ملفت للنظر ومن الداخل لا بأس به
القائمة منوعة و الأسعار كغيره من المطاعم الأمريكية
الاستقبال كان ممتاز و الخدمة جيدة
الأكل عادي ولم أجد تميز فيما طلبت
تفاجأت بقلة سماكة شريحة البرجر على خلاف ما تعودناه من المطاعم الأمريكية
لا أعتقد بأني سأعود له ولا أظن بأني سأنصح غيري به
0 تعليق
|
هل ترى أن هذا التقييم مفيد؟
نعم
يعجبه ستيك دينر Steak Diner
السلام عليكم ورحمه الله وبركاته
اليوم كان غدانا في ستيك داينر الموقع بعد اسواق الجزيره في السليمانيه على اليمين بالزاويه تبع هرفي
الأخ فتوتشيني قال لي انه كان اسمه اول باك يارد وفعلا المنيو كان مكتوب عليه باك يارد
طبعا اخوي سليمان نصحني اروح برغر بوتيك لكن قسم العوائل اوبن وخبركم عارفين ساكنين في فرنسا على غفله
المهم قررنا نجرب هذا المطعم ونشوف وش الاوضاع
الشكل العام:
مطعم جيد جدا اجواء بارده مناسبه البارتشن فيه غريب يمكن راعي المطعم مطوع البارتشن واصل الى الطاوله من الركبه وتحت مكشوف مدري وش الهدف توفير في القماش يمكن الشكل مضحك صراحه والبزر يجي يطل عليك ما يحتاج يدنق
الطاوله ضيقه مثل ما تعرفون احنا شعب ضخم شوي فالمقاس ما يكفي ومسمرين الطاولات في الارض يعني ما تتحرك
الشكل العام جدا مقبول
الخدمة
الخدمه ممتازه حقيقه مع انه كان يوم جمعه والمطعم مليان لكن على طول جابو الطلب وعلى طول يرد عليك الجرسون وهذا ما اعجبني فيهم ((نسيت احط للجرسون تب))
العماله فلبينيه
الاكل
طلبنا التالي
المقبلات
سبانتش ديب == 100%
تشكن كرسبيز == 90%
شرمب باسكت == 20% يسبح في زيت ما صلح لي
الوجبه الرئيسية
تندرليون هربز == 40% يجي مع رز وخضار واي نوع من البطاطس اخذت وجز
تشكن بلاست == 40 % عباره عن تشكن برجر مع انيون رينقز ووجز مع كرسلو
الاكل بشكل عام
حقيقه انبسطت وتحمست بعد المقبلات لانها اعجبتني او يمكن كنت جايع بعدين انصدمت بالقائمه الرئيسية
المنيو
اعجبني المنيو حقهم لانه كل اكله حاطين صورتها في المنيو وهذ طريقه مميزه واعجبتني
::::::::::::::::::::::::الســــــــــــــــــــــــــــــــــلبيات::::::::::::::::::::::::::
احس راعي المطعم يقول رحنا فيها هههههههههه
اول مره اشوف مطعم ستيك ماعنده A1 صوص هذي غريبه
المشروبات الغازيه عندهم كان طعمها سيئ شكل المويه الي يستخدمونها من الحنفيه او يمكن حقت مطر ههههه
الجلسات ضيقه ومفتوحه على بعض
نظره عامه
هل سأعود اليه == نعم لاجرب وجبات اخرى
هل تنصح به == نعم للي ما يبغى ستيك
ما اعجبك فيه == الجرسون ما يقول لا وبشوش وجاب لي كل انواع الصوصات الي عندهم
نصيحتك لصاحب المطعم == يشوف حل لموضوع الستاير حقت البارتشن يكمل معروفه وينزلها شوي ويصلح السلبيات مطعم ستيك مافيه A1 صوص مثل مطعم يحط كاتشب العلالي مو هنز
هل قمت بتصوير الطلبات
نعم والصور موجوده بالكامل مع العلم قمت بتصوير كافه صفحات المنيو علشان اعرف وش اطلب المره القادمه
تفاعل مع زبائنك بالرد على التقييمات ومتابعة الإحصائيات وأكثر من ذلك بكثير..
وثق صفحة مكانك (مجاناً)Qaym.com 2023
