السلام عليكم زيارتي كانت لمطعم شيزان بجده فرع صاري طلباتنا كانت دجاج٦٥ سيء جدا وطعمه ماسخ ما فيه اي نكهه وأرز بولاو المفترض انه ارز بالزعفران جانا ارز ابيض مضاف له صبغه حمراء والارز معجون وشوربة عدس لابأس بها لكنها خفيفه وخبز نان بالثوم لذيذ ونان ساده لذيذ وسلطة خيار باللبن جيده
المطعم زرته قبل٦ سنوات كان ممتاز الآن سيء وسعره غالي ولن اكرر الزياره ابدا👎🏻😷
هذا المطعم قضيت فيه اجمل لحظات حياتي مع زوجي وكان مرغوب
من كلانا ..لانه كان جدا رومنسي ونظيف واكله ممتاز
هذا الكلام قبل 10سنوات
اما قبل سنه رحت على الغداء وصدمت للوضع المتدني وخصوصا من الناحيه الفندقيه كالمظهر والنظافه.
اتمنى انو يرجعوا يجددوه وياريت يفتحو لنا فمكه فرع
ترى انا وعيالي وزوجي وكل عائلتي نقدر ونعز الاكل الهندي..وبالمناسبه
انا جربت تاج محل لكن ما ناسبني مثل شيزان.
اتمنى تحققوا رغباتنا بمطعم في مكه
وشكرا
رحت لمطعم شيزان اليوم الظهر وانا جايه من السفر ع الطريق لبيتي .. وصلت له ولسه مافتح عد صلاه الظهر استنينا لمده ربع ساعه بعدهافتخ ع ١٢:٣٠ دخلنا ع الطاوله وكان مستوى المطعم متوسط من ناحيه الجلسات وضيق نوعاً ما .. كانت زيارتي للمطعم لأول مره ..احضرًوا لنا خبز محمص بقليل من الزيت مع زبادي ضيافه مجانيه من المطعم .. طلبنا كان طبق سلطه خضراء عاديه مكونه من خيار وبصل وخس وطماطم لكن مسماه بشكتشومر لغرض جذب الزبون لها وهي عاديه ومعتاده لكن لابأس بها .. وطلبنا شوربه عدس لذيذه مره لكن مو حاره مره قلل من لذه الطبق بالاظافه ان الطبق صغير .. والطبق الثالث كان لحم نلجري بالايدام ججمممميل مررره مرررره اعجبني اكثر شي نكههه حلوه مره وحراره متوسطه .. والطبق الاخير كان دجاج تكا مسالا ياسلااااام خيالي اعجبني مره اكثر شي اعجبني طبق اللحم والدجاج ياسلام اول مره اتلذذ باكل هندي بهالطبقين روعه .. وطلبنا رز بالزعفران ً والبهارات كان عادي وكان مو بهذيك السخونه يميل للبروده لكن اكلناه مع الايداماتً فأكتشب من حراره الايدامات .. واخيرا المشروبات طلبنا البيبسي لكن ماجابوا ثلج الا لمى طلبنا .. والطلب كله جلس ربع ساعه وكان ع الطاوله .. تلذذت مررره بالطعم وراح اكرر الزياره واحبذ الغداء لانه مبين بيزدحم بالليل وهو مو كبير بيصير مزعج .. واخيرا الفاتورة كانت صدمه لي بصراحه رخيص جدا ب١٦١ ريال .. معقول جدا جدا .. التقييم ممتاز بالاكل وانصح به واروع مطعم هندي عجبني
ويعتبر متوسط من ناحيه خدمه ومكان ونظافه .. واسفه ع الاطاله