أهلا بك في موقع قيم.. للتسجيل في الموقع إضغط هنا

و لإضافة متجرك (مطعم، مقهى، مخبز، حلويات) إضغط هنا

الفوانيس - فندق الفيصلية

فخم ورومانسي, مواسم
 
1 5.0 3 يعجبهم ,0 لا يعجبهم
3

الصور

جميع الصور

التقييمات

يعجبه الفوانيس - فندق الفيصلية

تجربة تستحق التكرار

اليوم استفدت شي أو بالأحرى عرفت شي في سبب أن الأماكن اللي مثل كذا تكون أكثر من رائعة وتستحق قيمتها.. وهو أنها تكون عبارة عن قاعات كبيرة! نعم الأماكن المفتوحة الكبيرة تعطي انطباع رائع جداً وحرية في التنقل بالرغم من كثرة الناس وامتلاء القاعة الكبيرة إلاّ أن مافيه زحمة.
تعدد الأصناف والمطابخ العالمية (عربي، مغربي، لبناني، مصري، هندي، إيطالي و صيني ...) وأتوقع عقب الصور ماراح يوفّي الكلام .. لكن على فكرة كل مطبخ له أكثر من ٧ أطباق على أقل تقدير! غير المأكولات الغير مصنفة تحت أي مطبخ! وكان الوقت ماكان يساعد في أن أروّق على تصوير كافة أطباق المطابخ .. حاولت أسجل معلومات كل طبق صورته لتكون الزيارة بمثابة الجولة في هذا المكان الرائع.
جودة الطبخ للأصناف اللي اخترتها كان رائع، كان ينصحني مشرف القاعة بأن أجمع صحني قبل الأذان عشان ماتخلص الأطباق ،، لكن صوّرت ثم أفطرت على تمر ثم بديت أجمع لـ طبقي، يعني نصيحة لاتستعجل ثم تاخذ كل شي مرة وحدة وتتوهق ويبرد عليك! خذ على قد حاجتك فقط .. أول شي أفطر على تمر وإذا انت تبي تروّق خذ لك نوعين حلى مع الفطور ،، ثم بعدها إذا خلصت وتقهويت ممكن تبدا جولة السلطات ثم تجلس وتخلص ثم بعدها جولة الأطباق الرئيسية وبكذا تكون تاكل ثم تقوم وتمشي تاكل ثم تقوم وتمشي يعني فضل لك!

الخدمة كانت رائعة جداً والويترز متواجدين حولك تقريباً طوال الوقت .. ومشرفين الصالة موزّعين بشكل مرتب .. ولكل جهة من الصالة مشرف خاص تقدر تناديه في أي لحظة لو احتجت له.
للأسف مافيه أماكن ساترة للعوائل ولكن فيه جهة خاصة بالعوائل!

الجدير بالذكر أن مطعم الفوانيس يقوم بحجز قاعة الأمير سلطان طوال شهر رمضان لتقديم البوفيه المفتوح فيها لأنها تعتبر أكبر قاعة بدون أعمدة في المملكة العربية السعودية!

كان في نفس القاعة معرض صغير لـ شركة (قو) للإتصالات وكانوا مسوين سحب على كوبونات بعد الإفطار أتوقع على أسئلة خاصة بهم.
وكان خارج القاعة عند المدخل سوق صغير فيه ملابس شعبية وشركة ساماكو عارضين سياراتهم وباك كمفورت جايين بكراسيهم (باك كمفورت مسوين خصم خاص بالمعرض استفدت منه بالصدفة :) ) وشركات أخرى يعني صاير كأنه معرض صغير تقريبا فيه سبعة معارض فقط! بس كان لطيف!

في الختام .. تجربة رائعة للإفطار أنصحكم به وبشدة .. أو على الأقل الفنادق المشابهة اللي يقدمون البوفيهات في قاعات كبيرة وليست في مطاعم عادية! .. ما قد جربت خيمة رمضانية لكن بإذن الله راح أجربها قد يكون لها جوّها الخاص.

0 تعليق | هل ترى أن هذا التقييم مفيد؟      نعم
العضو الذي أضاف هذا المطعم:
زياد

أحدث الزيارات لـ (الفوانيس - فندق الفيصلية)

زيارة abosama
قبل 9 سنوات
16725 مشاهدة     abosama

هل تمتلك الفوانيس - فندق الفيصلية ؟

تفاعل مع زبائنك بالرد على التقييمات ومتابعة الإحصائيات وأكثر من ذلك بكثير..

وثق صفحة مكانك (مجاناً)