فوكيتا

يعجبه فوكيتا

فوركيتا .. طراز البندقية

جــولي.. قبل 10 سنوات و شهرين

السلام عليكم
زيارتي لمطعم فوركيتا كانت اليوم للعشاء .. دخلت عليه بالصدفه لمرورنا بطريق الملك عبدالعزيز كان المطعم جديد علي واول مره اشوفه بجانب لي مول كارفور ملفت من الخارج جداً جميل واضائته حلوه واللوحه الفنيه الخارجيه مميزه طرازه جميل وللوهله الاولى تعرف انه ايطالي ذكرني بفنادق فينيسيا .. لفت نظرنا للدخول ودخلنا الساعه كانت تقريبا ١٠ ونص دخلنا وكان مافيه زحمه ولانتظرنا دخلنا ع الدور الاول ع طول يالمصعد وكان فيه سلم بشكل دائري حلو واعتقد ان المطعم فيه دور ثالث مكشوف السقف .. دخلنا للطاوله وكانت الغرف في الدور الاول ممتازه من ناحيه الخصوصيه ومحكمه الاغلاق لدرجه الكتمه شويات يفضل السقف مفتوح من الاعلى بين الطاولات العاملين كانوا ممتازين ومحترمين يستأذنون عند الدخول وبسرعه يجون لو طلبتهم .. النظافه كانت جميله ولا عليها ملاحظات .. الطاوله الوانها فرائحيه .. نجي للمهم الطلب وقع اختياري ع طبق فوتشيني كون فونجي كان جميل والكريما معدلها ممتاز وغير دسمهً تعتبر مذاق متوسط مو مبهر .. طلبنا سلطه سيزر ماكان جميل ثقيله وفيها نكهه مااعجبتني بس اعجبتني اضافتهم لقطع الزيتون الاسود معها كتغيير .. وطلبنا طبق بولومونتانيا كان قطع دجاج مشوي مع كوسا وجزر مسلوقه وكريما حاره مع شبث وبقدونس وبطاطس متبل كان الطبق صحي بصراحه جميل واعجبني اكثر من السيزر والفوتشيني .. وهذا الطلب فقط مع بيبسي واخذنا موس شوكلاته واحد بالكرز كان حلو بس مو مميز ابد .. وكانت الفاتوره اخيراً ١٥٨ معقوله جداً بشكل عام حبيته بس ماراح اكرر الزياره ماتعتبر مميزه بالنسبه لي .. وشكراً للجميع في موقع قيم

0 تعليق | هل ترى أن هذا التقييم مفيد؟      نعم