اخر زيارة للمطعم كانت يوم الجمعة الي راح، طلبنا اضلاع و سمك ماهي ماهي مع الربيان وطلبنا ربيان مقلي كمقبلات وكانت النية على طبق تاكو دجاج اضافي.
الاضلاع كانت مغرقة باربكيو صوص وطعم الصوص حامض جداً وما قدرنا نكمله, الماهي ماهي كانت المفروض تجي مع صوص زبدة بالليمون لكن جابوها ناشفه من دون صوص ويوم طلبنا جابو زبدة مذوبة وفيها كم رشة ليمون, اما المقبلات فكانت لازالت جامدة حتى بعد القلي و من دون نكهة.
المصيبة كانت بطبق التاكو الي ما وصل للطاولة الا وحنا مخلصين، طلبنا من النادل يكنسل وما اعجبه فبدا يرفع صوته, طلبت المدير وعصبت عليهم وتهاوشت معهم فقلت لهم عن كل الاطباق التعبانة الي وصلت وطريقة تعامل النادل الوقحة, حتى بعد ما سألنا عن الطبق كان يسفهنا ويكمل طريقة وهددتهم لو ما كنسلو التاكو ماراح ادفع على الاطباق كلها خصوصاً ان كل الاطباق كان فيها مشاكل. اعتذر المدير وقال ابشرو بسوي الي تبون, تعامل المدير كان محترم لكن هو الي اكل الهوشة بعد النادل الوقح
الديكور جميل
الخدمة ممتازه
العمال استقبالهم جيد جدا
لكن الأكل سيء جدا والعصير أيضاً..
البطاطس المقلية مع الجبنة مليييئة بالزيت وطعم الجبنة حاد وغير جيد..
والباستا مقبولة نوعا ما ولكنها غير متقنة أبدا..
أما المشروب كأنك تشرب دواء طعم غير جيد..
فرايديييييز.. من أول ما أدخل ألاحظ كل شي تقليد غير متقن لتشيليز وأبل بيز.. حتى في شكل الوجبات لكن طعم تعبببببببببان. مرة طلبت صدردجاج مشوي وكان كأنه بلاستيك .. حسيت كأنه مجمد وهو مطبوخ ومسخن بالمكريوف!
X كبير كبر راسهم..
5807 مشاهدة
0 تعليق
