تقييم اللواء الأخضر اختيار ممتاز للإفطار

لمطعم اللواء الأخضر - كل تقييمات المطعم


اختيار ممتاز للإفطار

عبدالله ابو نوره قبل 10 سنوات و شهر

هذا المطعم عرفته قبل 3 سنوات تقريبا .. جدا رائع للفطور

أحسن شي عندهم الفول و الشكشوكة .. طعم غير ! .. وخبزهم جداً رهيب .. بالاضافة لشاي بالحليب عدني يكيف المزاج .. مارحت لهم مرة الا واطلب اكثر من شاي واحيانا لما انتهي اخذ معي شاي سفري

الكبدة ماعجبتني مرة ..

المطعم يمني شعبي, بس نظيف مقارنة للمطاعم الشعبية الثانية وعليه زحمة الصباح ..

ما عنده جلسات مريحة .. مع ان عنده كراسي و جلسات ارضيه .. يعني جدا بسيط

واذا تحب تجرب شي جديد وحلو بعد الفطور خذ من عنده شي اسمه "رطب" .. نفس الخبز اللي يقدمه مقطع مع عسل واعتقد فيه شوي سمن .. لذيذ

تقيمي له كمطعم فطور 8 من 10

إذا عندك وقت بين الساعة 9 ونص إلى 10 و نص وتبي تفطر .. هذا احسن وقت لزيارته, يعني يكون خفيف


هل ترى أن هذا التقييم مفيد؟      نعم