تقييم رواد الفلافل وجبة نباتية مثالية

لمطعم رواد الفلافل - كل تقييمات المطعم


وجبة نباتية مثالية

arwa قبل 9 سنوات و 10 شهور
6 أعضاء وجدوا هذا التقييم مفيد

أحب الفلافل و خصوصا ساندوتش فلافل لذيذ، لأني أعتقد أنه الوجبة النباتية الوحيدة اللي أكلها و أعتقد إنها تشبع و بنفس الوقت مو كأنه أحد يحاول بالقوة يقنعني أنه فيه إمكانية لتحويل وجبة معينة لوجبة نباتية لأنه قرر يحط بدل اللحم توفو مثلا.
أكثر شيء يضايقني بأى ساندوتش أو "صبة" فلافل هي قطع الطماط خصوصا أنه أكثرها يكون الطماط فيها مقطع من زمان و صاير رطب فيرطب و يخمج بالساندوتش كامل، يعني تقريبا مستحيل تكون قابلة للأكل باليوم الثاني (لو بغيت تتركها لبكرى). الشيء اللي حبيته عندهم أنه على الأقل (فطيرة اسبشيل) ، (فطيرة جبنتين) ما فيها طماط أو مخلل أو أي شيء تتوقع أنه راح يسحب معاك و أنت تآكل الفطيرة.
الفطيرة تعجن طازجة، البطاطس اللي بوسطها مو رابص زيت ... و أهم شيء أنه حجمها جدا كبير (نصف قطعة تكفي شخص بالغ مو جوعان مرة) على الأقل كذا أعتقد.

أعتقد لو كنت تحب الفلافل الفطيرة عندهم تستحق تجربة، خصوصا إني "على ما أظن" إنه ما فيه مكان ثاني يسويها بالطريقة نفسها. و أسعارهم مثل ما هو واضح جدا رخيصة.


هل ترى أن هذا التقييم مفيد؟      نعم

صور متعلقة بكاتب التقييم:

image 30783 ابو ميرال قبل 9 سنوات و 9 شهور
تقيم جيد

اول مره ادري البنات ياكلون صبه
عضو واحد وجد هذا التعليق مفيد
هل ترى أن هذا التعليق يضيف للموضوع؟      نعم لا
image 314 arwa قبل 9 سنوات و 9 شهور
D: نآكله بس ما أظن فيه بنت تاكله على الريق مع بيبسي :)
هل ترى أن هذا التعليق يضيف للموضوع؟      نعم لا