أهلاً بك زائرنا الكريم، ربما تكون أحد الأعضاء يمكنك تسجيل الدخول أو شرفنا بمشاركتك وقم بالتسجيل

بوفيه خارجي ؟

default avatar sara.a قبل 10 سنوات
السلام عليكم

ياليت مطعم مرتب، وأكله نظيف ومنوع ولذيذ لبوفيه خارجي أيام العيد
طبعا الدنيا مليانه بس اللي مصعب المهمة اني ابغى سعر معقول ما يتعدى ال ٩٠ ريال للشخص
البوفيه راح يكون تقريبا ل ٢٠٠ شخص

ممتنة، وشاكرة مقدماً
هل ترى أن هذا الموضوع مفيد؟      نعم لا
image 101338 سليمان قبل 10 سنوات
السلام عليكم ، تبين المطعم يوصل يرتب البوفيه في مكان خارج المطعم ولا تبين مطعم له اطلاله خارجيه؟
هل ترى أن هذا التعليق يضيف للموضوع؟      نعم لا
image 30783 ابو ميرال قبل 10 سنوات
انا اذكر مره الشركه سوت بوفيه يكفي 50 شخص مع التوصيل والسفرجيه كلفهم تقريبا 8 الاف اتوقع من مطعم الدفواء مع العلم ان الاستراحه الي ماخذتها الشركه كانت الريف الأوربي في الخرج ولكن الخدمة كانت مميزه حقيقه وطريقه التقديم رائعه والاكل جميل
هل ترى أن هذا التعليق يضيف للموضوع؟      نعم لا
image 30783 ابو ميرال قبل 10 سنوات
مع العلم مطعم الدفواء في الرياض في شارع الاربعين في الملز مطعم مشهور
هل ترى أن هذا التعليق يضيف للموضوع؟      نعم لا
image 30783 ابو ميرال قبل 10 سنوات
وللتعقيب هناك ايضا مطاعم ثانيه تقدم هذه الخدمة وهي كثيره واكثر شئ يعرفونها اهل قصور الافراح والاستراحات الكبيره هم يدلونك عليهم ولكن

مطعم ماريز لديه قسم حفلات
مطاعم النافوره ايضا
مطعم اوشال ولكن لا انصح به
مطعم الدفواء كما ذكرت
هل ترى أن هذا التعليق يضيف للموضوع؟      نعم لا
default avatar sara.a قبل 10 سنوات
قنوتشي v رافايولي

خارج المطعم، بوفيه حفلات .. ;d


ابو ميرال

شكرا لك، لكن يبدو انك ما انتبهت للتفاصيل اللي طالبتها.
المطعم اللي قلته راح يكلف بالنسبة ل ٢٠٠ شخص اكثر من ٣٠٠٠٠ !
ونفس الشي المطاعم اللي ذكرتها

يعطيك العافية
هل ترى أن هذا التعليق يضيف للموضوع؟      نعم لا
image 45814 abosama قبل 10 سنوات
مطعم شايه للمأكولات الإيرانية أتذكر عندهم تجهيز حفلات، وأكلهم لا يعلى عليه .. لذيذ جداً!
بس لازم يكون الحجز مبكر، ويعلقون إعلانات البوفيه الخارجي قبل العيد بأسبوع تقريباً.

وبالهنا والعافية
هل ترى أن هذا التعليق يضيف للموضوع؟      نعم لا
image 101338 سليمان قبل 10 سنوات
للأسف سارا , ما أعتقد ان الأسعار الي تدورين عليها متوفره حالياً وحسب معلوماتي إن أقل البوفيهات سعراً تكون بين 120-160



أبو ميرال، مقطعين عنك من زمان ماقرينا لك تقيمات وماشفناك في أخر لقاء، لك وحشة ياخي :)
هل ترى أن هذا التعليق يضيف للموضوع؟      نعم لا
image 30783 ابو ميرال قبل 10 سنوات
انا وقفت التقييم الين تنزلون برنامج الاندرويد

وانا مسوي مقاطعه لقيم احتجاجا على تطبيق الاندرويد الي ما نزل للحين

وش معنى منزلين للايفون ستيف جوبز ومات وشوله للحين قيم متعلق في ابل

واندرويد راح يسيطر على السوق وهذا الشئ واضح

علشان كذا انا معلق تقييمات ومشاركاتي الين ينزل تطبيق الاندرويد

واذا ما نزل تراني بعتزل من الموقع (( منتب سهل يابو ميرال ميتين عليك الجماعه ))

عموما من انذر قد اعذر خخخخخخخخ :)

الحقيقه

والله يا سليمان انا وقفت الروحه للمطاعم لفتره طويله الحين اخر زياره يمكن قبل 4 شهور والسبب محافظه على الصحه والوزن الزائد يعني على سبيل المثال الهاردسك حق الكمبيوتر اذا امتلاء لازم تمسح بعدين ترجع تحمل فيه ملفات نفس الشئ الحين قاعد امسح علشان ارجع اعبي

تحياتي
هل ترى أن هذا التعليق يضيف للموضوع؟      نعم لا
default avatar أبو جنى قبل 9 سنوات و 11 شهر
اختي اذا ميزانيتك محدوده استأجري طاولات وكراسي و سخانات وعبيها من المطاعم
او تزيدين المبلغ وتشوفين المطاعم الي ذكرو الاخوان
هل ترى أن هذا التعليق يضيف للموضوع؟      نعم لا
default avatar جوجان قبل 5 سنوات و 7 شهور
السلام عليكم
مطاعم دار الدبلوماسية الرياض خبره 20 عاما
يمكننا اقامه حفله خارجية ليكي اي عدد حتي 1000 شخص
• تقديم البوفيهات الخاصة بالحفلات داخل المطعم .
• تقديم البوفيهات الخاصة الخارجية بالاستراحات
• الحفلات الخارجية لمواسم الزفاف
• المشاوي الخارجية للحفلات
• الحفلات المتميزة
مشويات / مأكولات بحرية واسماك / فطائلر وبيتزا ومعجنات ومقبلات
بادر للاستفسار عن أي شيء على قسم الحفلات 0503470652
منيو المطعم
http://www.dardiplomacia.com/home/menu
هل ترى أن هذا التعليق يضيف للموضوع؟      نعم لا